Rommi 10:18 - BAIBEL (BSI)

¹⁸ Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Sümi Tiqhelimi Bible

¹⁸ Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Sumi Naga CL (Re-edited) Bible (BSI)

¹⁸ Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

Rommi 10:18 ပူးပေါင်းရင်းမြစ်များ

KUKAMI ATUGHIU 18:10

Akuxu MPEU, oLhou jelono ino tushoqhi pi anike akukauye aghakhu kumtsulo ophuju puhano ani. Aghakhulo ayehkipemi ighino noye pano luzalo kuhaepi pithi ighike ghulokilo Ahab no pa vilo mutsuqheyino pa phumlakesha pi ashoqhi tsuno inijue.

LESHELE 19:4

Ikeghi panongu sutsaye ayeghiqha kumtsulo wu cheni, eno panongu tsaye ayeghi shekha kutolo wu acheni. Alhou no atsutsulo tsukinhe ghenguno akungoki lakhi shipuani.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 98:3

Pano Israilmi lau pano piqhivekeu peke, tiye qhoqhukeu eno iqemokeu kikimiye peithake. Aqha kumtsulo timiqono niLhou no tolukeu ithulue.

ISAIAH 24:16

Ayeghi shekha kudau akemino amikucho shiayeh Israil shipilikeu le ninguno chilu nani. Ikemu ighenguye lajupu kuhae! Niye tsu-hau wochea! Kughengu axiqhi ghumino ijechu auvae, panoqo muqu lhoksaye vimokithe auvae.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

MATTHEW 24:14

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

MATTHEW 26:13

Kuchouno ino nongu vilo pini, ayeghiqha kumtsu shou khilehi lokivipu sutsa hipau pikulha kelo li kumsumamokeu shi lino mlapuakeu ghi piwo nani.”

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

MATTHEW 4:8

Tileno Ghukujuu no ighono chuqumughai keu naghuto lakhilo Jisu sawu eno ayeghilo akukaqha jeli kumtsu eno tipauye kiutoi kijekeno pesu pa piye.

Mark 16:15

Pano panoqo vilo pi, “Ayeghiqha kumtsulo wulo eno lokivipu sutsa pesu timi lhoxu kumtsu vilo asheshulo.

Mark 16:20

Akhopemino aqha kumtsulo wuno asheshu, eno Ampeu no panoqo gholo mla eno panonguno asheshukeu sutsaye kuchouke ipikeu shi-ghi amchipu kuka panoqo tsu.

Apostolmi 1:8

ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Apostolmi 28:23

Ikehu panonguno Paul sasu ghulo lakhilo kushonikeu shi kihithave, eno panongu kutomo shesu Paul kungoalo ighi. Inaqhe lono putho kutolo pano pichekeu apasushi lhepiye, eno Alhou yehkipe ghili ashepe shi. Pano Jisu ghili pesu panongu pelo mutsuqheyi ithivepe nike pukaputsa ghi Muse yezah lo eno tungkupmino yepuakeu lono kichephepe piye.

Rommi 1:8

Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

1 Thes. 1:8

Kughengu Makedonia ngo Akhayia qhalo likhi nongu launo Ampeu tsape shiwu peke likhi kumono Alhou lau nongu kupulu akeu sutsa aqha kumtsulo wuvae, itehi ninguye kiumu piakepu avehu kuhae.