Rommi 1:1 - BAIBEL (BSI)

¹ Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.

Sümi Tiqhelimi Bible

¹ Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Sumi Naga CL (Re-edited) Bible (BSI)

¹ Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Rommi 1:1 ပူးပေါင်းရင်းမြစ်များ

YEKIKITHI ATUGHIU 23:13

Pa nu anoghiu, Amram no Aron ngo Muse pama papu ke. (Aron ngo pa kughukoqoye panoqo kutashi qhino akimthe nhemgha peitha pe, AMPEU mlla nikelo tsungqui piti kumna keu, pa qeu shini keu eno pa jelono mllaniye ighi keqo kukumgha betsu nikeu.

ISAIAH 49:1

Ashiayeh tusumiqo, nongu khunoqo putou acheni keno tipaqono, itsa inilo! Ipunu mphi lono AMPEU no ikishe luke eno pa qeu shipe nike ni sukusu shipe qhike.

JEREMIYA 1:5

“Apolo azu ghomphi lono ino noithi ake, opunu mphi lono opelo ashiayehqo lau tungkupu shipe nike ino okutashi kisheluke.”

Mark 1:14

Johan kughape akughukilo suve kethiu, Jisu no Galil qhalo wuno alokivipu sutsa Alhou launo ighikeu pesu asheshu.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

John 15:15

Hinguno hilauye niye nongu pesu aqemi ipimae kughengu aqemi lakhiye pa mipeuno kiu shicheni kela mthae. Ikemu niye nongu vilo shompami kepi kuni kughengu iPuh lau ino chilukeu tsa kumtsu nongu vilo pivae.

John 15:20

Ino nongu vilo pivekeu tsa kumsululo: ‘Aquaxemi lakhiye pa mipeu nguno akijeu kumoe.’ Panonguno ipishipuju aye nongu ghi pishipuju nani, panonguno itsa papelu aye nongu tsa ghi papelu nani.

Apostolmi 13:9

Ikemu Saul, khuu Paul ipi kuve keno Aghungu Kimthe no ayi teqhiyi shipuzu, thebeyi Elumo ju puzu ishi pi,

Apostolmi 20:24

Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

Apostolmi 21:40

Kughou zahtsuuno tishilu nanipi pikeno, Paul no anepalo puthugho puzu pa-u chhope timiqo itha-piye. Kughou timiqono iquneive keno Paul no Ibri tsauno panongu vilo ishi pi.

Apostolmi 22:21

Ikelo Ampeu no ivilo ishi pi, ‘Chevelo, kughengu Judakumomi lau aghachelo ino opuwuni.’ ”

Apostolmi 22:7

Niye ayeghilo iluqiveno asutsa lakhino ivilo ishi pikeu chilu, ‘Saul, Saul, noye kushiye ishikighime cheni kya?’

Apostolmi 26:1

Agripa no Paul vilo pi, “Noghi olikhi oshelo pikulupu atuqhudo kivi tsuanie.” Paul no pa u pesu chho ghi hitoi pa likhi pa shokhakeu shi:

Apostolmi 26:14

Kughou ningu kumtsu ayeghilo iluqive keno, asutsa lakhino Ibrimi tsauno iputsakeu ino chilu, ‘Saul, Saul! noye kushiye ighimeqhi cheni kya? Ashulo pusu pukuni keuye oghenguno kumsapue.’

Apostolmi 27:23

Itiji Alhou khikhi ino mlla cheni eno niye paw shi achekeu huno kungumi lakhi ilau puwu eno tipauno iphivilo puthughono

Apostolmi 9:15

Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Rommi 1:16

Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike.

Rommi 1:5

Pa vechewo Alhou no ningu pesu apostolmi shitsuke.

Rommi 1:9

Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni.

Rommi 11:13

Itehiye nongu Judakumomi vilo ino hi piani: Judakumomi ghenguno ino apostol shiakeu kutolo niye ikumlalo akijivilo anani.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Rommi 15:29

Ino ithi ani, kughou ino nongu lau ighini keno niye Khristo kukumghano chhikhoi shino nongu lau ighini.

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Rommi 16:25

Itehiye ino Atsakiviu eno Jisu Khristo ghili pikulhache keu kiqi lono nongu shikumtolu chekeu lau eno mzamghaleyi pephepiyekeu khikhi tiqheli kushuwa kutolo kusupe acheke,

1 Kor. 1:1

Alhou pulou vechewo Jisu Khristo wu apostolmi shipenike kuluvekeu Paul, eno ningu thikuzuu Sosthene pamano Korinthia lo Alhou kukuhou akemi lau ye ani.

1 Kor. 9:1

Niye kiu shinikeno tipau shichekemi kekumo kesha? Niye apostolmi lakhike kumo kesha? Niye niMpeu Jisu ithuluke kumo kesha? Nonguye ino Ampeu ghenguno mlakeu lono ipeghilukemi kekumo kesha?

2 Kor. 1:1

Alhou pulou vechewo Jisu Khristo wu apostolmi shiluve keu Paul, eno ningu thikuzuu Timothi pamano Korinthia lo Alhou kukuhou akemi eno Akhaya qhalo Alhou timiqo kumtsu lau ye ani:

2 Kor. 11:5

Ino kumsuluakeuno niye “Kichileu apostolmi atomi” nguno aqhokigheu ke kumoe.

2 Kor. 11:7

Ino Alhou tsakiviu nongu vilo pikulha kelo nongu launo ame lupuamoe; nongu kughape suqhepuku nike ghenguno ilikhi isunheqhiveke, ike tiye achipikumo kesha?

2 Kor. 12:11

Niye kughuzumi lakhi shiauvae! Nonguye ikughape peqhepuku akepu kelauye nonguno anguka lono ipelo aghuzuu shi anipeke. Kughengu niye kiumu kumokemu, niye kiu laghi lonomu ti “Apostolmi” akhotomi ipichekeqo nguno aqhokigheu kumoe.

2 Kor. 2:12

Kughou ino Troa lo Khristo tsakiviu pesu asheshuniye ighikeno, Ampeu no ighenguno tilehi mlalupe nike alaghi khaqhitsu.

2 Kor. 4:5

Kughengu ninguye nilikhi ni suqhekeu sheshu chemoe; ninguno Jisu Khristo ye Ampeu ke eno ninguye Jisu je ghenguno nongu qemi kepi asheshu cheni.

Galatiami 1:1

Paul no apostolmi shilukeuye timi vechewono shiluke kumoe, ikemu Apu Alhou no Jisu Khristo akithi lono xuputhuvekeu vechewo shiluke,

Ephesiami 1:1

Alhou pulou vechewo Jisu Khristo wu apostolmi shiluvekeu Paul no Efesia lo Alhou timi, Khristo Jisu gholo pukhubekulu shi akeqo lau ye ani.

Ephesiami 1:13

Khristo gholono nongu ghi titoi shike, kughou nonguno kuchou tsape ti nongu xakulupu tsakiviu chilukeno nonguno Khristo shou pululuveke, ikehu nonguye pawuke pikeu michipu shi pano piqhivekeu toi Aghungu Kimthe pesu nongu tsuke.

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

ZAKINIU 10:8

Naghutolo AMPEU no Levi laghami susu puzu panoqo pelo Puloshoqhi Bohu jukuto penikeu shie. Eno itehi ghi panoqo kumlaye tipaqoke.

FILIPIAMI 1:1

Khristo Jisu qemi Paul ngo Timothi pamano Filipia lo Alhou wu timiqo ngo akukuholo pastormi eno dikonmiqo lau yehani.

FILIPIAMI 2:11

Apu Alhou jekipipu shighi timi lhoxu jeli kumtsuno Jisu ye Ampeu ke ipi asheshu nani.

Kolosiami 1:1

Alhou pulou lono Khristo Jisu wu apostolmi shiluvekeu Paul, eno ningu thikuzuu Timothi pamano

Kolosiami 1:25

Nongu kivipu ghenguno Alhou launo ighikeu kumlapu saje hipau shipeniye Alhou no ipelo akukuhou peithakutsumi lakhi shipeke. Hiye Alhou tsa pithikuthu tsupeniyeke,

1 Thes. 2:2

Nonguno ithianike, Filipia lo nishikighime eno nishikukujo ghi peitha keghi ningu Lhou no amlo kuloghi ningu tsukeu lono, tilau ghi shishe ningu hakha aepinamu nongu vilo atsakiviu pikulhaluke.

1 Thes. 2:8

Ninguye nongu kimiyekutu kelauno Alhou launo ighikeu tsakiviu nongu sasu kusaje nike kutope acheke likhi kumono nikuxu ampi ghi nongu sasu kusaje nike kutope acheke, kughengu nino shishe nongu kimiye chenike.

1 Thes. 2:9

Athikuzumiqo, ninguno ghichhe ghimeshi mlachekeu hu kumsululo. Ninguno Alhou tsakiviu pesu kutsu chekelo nongu lakhimu shipunaqhi moniaye ninguye puthopucho akumla shiacheke.

1 Tim. 1:1

Ni Xakuluu Alhou wu ahza eno Khristo Jisu lajupu lono Khristo Jisu wu apostol Paul no,

1 Tim. 2:7

Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

2 Tim. 1:11

Atsakiviu hipau pikulha penike ghenguno apostolmi lakhi eno kutsuchekemi lakhi shighi Alhou no isukusu shie,

Titus 1:1

Alhou qeu eno Jisu Khristo wu apostolmi Paul no yeani. Alhou no kishepheluvekemi kupulu shiqhetsupe nike eno saphepiye penike ikishepuwuke.

IBRIMI 5:4

Timi khunomu achinetou shinike alikhi ampino kishephelu chemoe, ikemu Aron toi timi tipauye Alhou no kuluve cheni.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

1 Peter 4:17

Alhou kibolomi shou paghi kughathabe keu huthunikepu ghuloki ighivae; eno ningu lau paghino huthutughu shiani aye Alhou tsakiviu pulumovekemiye ashekhalo kiu kishive nani kya?

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

Jude 1:1

Jisu Khristo qeu eno Jems thikuzuu Juda Alhou no kuluvekemi khunoqono Apu Alhou kikimiyelo acheni eno Jisu Khristo ghenguno susho pesu akemiqo lau yelu ani.

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 22:6

Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”

Piyeküsü 22:9

Ikemu pano ivilo ishipi, “Tishi kevilo! Niye aqemi okusauke, eno tungkupumi qemi akusami, eno hipau kakulo atsa pipuakeu pelukemiqo qemi akusamike. Alhou mllalo!”