Piyeküsü 8:7 - BAIBEL (BSI)

⁷ Kungumi atughiuno pa fuko kuigha. Tipa mtsa apughu, ami, eno ajih pesu xukutshuno ayeghi shou leqhipuku. Ayeghi kikije kuthulo lakhi, asubo kikije kuthulo lakhi eno atsuni kuxu kumtsu pitilekhave.

Sümi Tiqhelimi Bible

⁷ Kungumi atüghiu no pa fuko küigha kemtsa murasü eno ami pesü ajì gholo süküqhave no ayeghi lo leqhi piqive. Ikelo ayeghi kikijé küthü pitileve, asübo kikijé küthü pitileve, eno atsüni kümtsü pitileve.

Sumi Naga CL (Re-edited) Bible (BSI)

⁷ Kungumi atüghüu no pa fuko küigha kelo aji no apüghü ngo ami gholo xukütshü püzü ayeghi lo veqhi. Ikelo ayeghi eno asübo kikije küthü lo lakhikhi ye pitileve, tipau gholo atsüni küxü ghi qhoi pitive.

Piyeküsü 8:7 ပူးပေါင်းရင်းမြစ်များ

LESHELE 105:32

Tsutsughu zuqhulo Alhou no ayeghi shou apughu ngo tsutsu kukulo puwu;

IPEKULU 9:33

Muse no akukau qhiveno aphughi lono khalau ipe puzu pau peqhe pesu AMPEU vilo khu inike. Tsutsukusu, apughu eno tsutsughu kumtsu tave.

ISAIAH 28:2

AMPEU no timi khami pelo panoqo leighi peniaye akumtomi eno akuka akemi kuto ani, khunokela tipauye pasapaghalo murasu qikeutoi ighi nani, tsutsughu zale ketoi, atshunazu toi ayeghi yimve nani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 30:30

AMPEU no timi lakhikhi pelo pa sutsa kumgha chilu pe eno pa loghu kighide ithipe nani. Tilehi pitimulakeu mi kuyiqu, tsuqhutsughukeu, pasapagha eno muraqi nani.

ISAIAH 32:19

(Ikemu Aghasulo avu qi puku nani eno aphughi suphopinyive nani.)

EZEKEL 38:22

Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

JOYIL 2:30

“Tipa tsala vehu ino atsutsulo ngo ayeghi shou amichipu tsu nani; tilehi aji kuqo, ami eno amichhi phokeu anani.

James 1:11

Tsukinhe kulu-kushuno ipeghi puzu atsuni phuqhi cheni; tipau kupu ighiqive cheni eno tipau jukivi hauve cheni. Tihutoi kinimiye pa kumla puzucheke lono hauve nani.

JOSHUA 10:11

Amarimi no Israilmi zulo posu naghuto lalo pochekelo AMPEU no murasu kuloghi Azeka laghi kutolo ghuqhipuku. Israilmino heqhivetsu keu nguno akichiu no murasuno veqhive.

1 Peter 1:24

Kughengu kuchoyesu lono pi, “Timi jeli kumtsu atsuni toike, Eno timi jekipi kumtsu atsunikupu toike; Atsuni thive cheni, eno atsunikupu ighiqive cheni,

Piyeküsü 12:4

Pa shomhi pesu atsutsulo ayepuqo saje akuthuu tsuqupe tipaqo ayeghi shou vepiqive. Dragon ye totimi huno anga punuqhi kemtsa tsuchuveniaye li zulo puthughope ngoae.

Piyeküsü 16:2

Ike kungumi atughiuno wupuzu pa bohu ayeghi shou leqhi puku, ikelauye tughashi michi puakeqo eno tipau julho shisukeu mllachekemi shou kumthukumna eno sakutukeu piyi ikughive.

Piyeküsü 16:21

Apughu tuqu kije lakhi khino kilogram lhopungu toi mishisheyikeu kunguuno timi shou ikiqi ikughi. Eno aphughu pusa ghenguno timino Alhou ghushoke, kughengu pusa tiye shishe akuighupuke.

Piyeküsü 6:8

Ino jukeloye, phalayikeu khurshi lakhi aghi. Tipau shou iku puzu chekeu jeye akithi eno Hades no tipau punukhoi papeche. Panongu pelo aghukishi, puqumiye, kusukini eno tughashi peitha puzu ayeghilo timi kikije bidi shikelo lakhi pithivepeni keu shi akuka tsupe pua.

Piyeküsü 7:1

Tipathiu ayeghiqha cheku bidilo kungumi bidi puthugho aghikeu ino ithulu. Panonguno amlhu bidi sunhechile pesu ae, tishianguno ayeghi shou azughi shou eno asubo shou mu mulhu puku pemoniyeke.

Piyeküsü 9:15

Ike kungumi pano bidiye kuqhopheve, kughengu hipa tuqhudo hipa tsala, hipa qhi, hipa mipe kutolo panoqo kutope puakeuye timi lhoxu kikije akuthuu pithive peniyeke.

Piyeküsü 9:18

Pusa hipano kuthu pesu timi lhoxu kikije akuthuu pithikhavetsu: khurshiqo kichi lono ami, amichhi eno amichu ipeghikeu huno.

Piyeküsü 9:4

Panongu pelo ayeghilo asutsuni momu ashubo shipusapemo nike ahzatsu pua; ikemu timi khunoqo kishelo Alhou wu amchi chishidakeu kuhakeno tipaqo ghimenikeu shiae.