Piyeküsü 8:5 - BAIBEL (BSI)

⁵ Tileno kungumino tsungquyikeu kiptibohu ikhilu eno agho kiptia lono ami hipesu tipaulo suno ayeghi shou vepuku. Tileno kong- kong shi tsutsu-sue, tsutsu pha kulo eno ayeghi ilue.

Sümi Tiqhelimi Bible

⁵ Tisheno kungumi no ameshoyi no mülà keu kümlá kipiti bohu ikhiluve no akümlá-khache lono ami ikhipe pesü chhitoi hisü püzü ayeghi shou vepuwuve; tile no kong-kong shi tsütsü-küsü sütsa ipeghi, tsütsüpha kulo eno ayeghi küghütha ighie.

Sumi Naga CL (Re-edited) Bible (BSI)

⁵ Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.

Piyeküsü 8:5 ပူးပေါင်းရင်းမြစ်များ

KUKAMI ATUGHIU 19:11

AMPEU no pa vilo pi, “Ipe puzuno naghuto tsuqolono izulo puthugholo,” ipi. Tishino AMPEU no vechewuno ighono kumsa kimshipu mulhu pesu atoghi tipau fuphovetsu eno atuquqo ghi kughutha kubo piniyive, ikemu AMPEU ye amlhu lomu kuhae. Amlhuno mulhu tave, tipashelo ayeghi itha ighi ikemu AMPEU ye ayeghi kughutha lomu kuhae.

LESHELE 18:13

Tile AMPEU no kungugha lono tsutsu-sue eno shishe Akiqheu sutsa chilue.

IPEKULU 19:16

Akuthuni inaqhe naghuto shou tsutsu-su, tsutsukulo eno khungkusu zuchiyi ipeghike eno afuko vekipighi ighakeu sutsa chilue. Aphiki shipuake alo timi kumtsu akumsa launo khokhoshive.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 30:30

AMPEU no timi lakhikhi pelo pa sutsa kumgha chilu pe eno pa loghu kighide ithipe nani. Tilehi pitimulakeu mi kuyiqu, tsuqhutsughukeu, pasapagha eno muraqi nani.

ISAIAH 66:6

Hi inilo! Aphughilo eno Achineki lo asutsa kuloghi huye, AMPEU no pa ghumi ghimeqhi keu sutsa ke!

JEREMIYA 51:11

AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

ACHINE 16:12

pano amikihipu lakhilo amiyi iqu akeu chhitoi eno tsungqui-ta au kie kini chhitoi lulo eno Shishe Akimthe-a lo tipaqo sughilo.

ZEKHARIA 14:5

Nonguye atoghi kijetha kini shivetsukeu khila vechesu kuhapolu nani. Juda lo Akukau Uziya ghulokilo ayeghi kughuthano ilukelo nopuasu qono kuhakive polu keshi nongu ghi kuhapo nani. AMPEU iLhou ye pa gholo kungumi kumtsu sasu ighi nani.

MATTHEW 24:7

Kughengu ashiayeh lakhino ashiayeh lakhi sasu aghushi nani, ayehkipeqha lakhino ayehkipeqha lakhi le nani. Puqumiyekeu ngo ayeghi ithakeuno aqha kumtsulo anani.

Luke 12:49

“Niye ayeghilo ami suniye ighike, eno hi iquve penishi anie!

Apostolmi 16:26

Zuleno ayeghi kughutha kije lakhi ighi eno tino akughuki tsukucho kumtsu tulavetsu eno paikhavino ahukikha kumtsu khaqhive, akughumi tshupe puakeu yikichhe kumtsu ikole ikiqive.

Apostolmi 4:31

Panonguno inikhu tavekelo, panonguno kuho akeu-a sukinie. Panongu kumtsu Aghungu Kimthe no chhilu eno amlo kuloghi shi Alhou tsape shie.

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 4:5

Akuka lakhu lono tsutsupha eno tsutsukusu sutsa ipeghi. Tipau gizulo akulu tsuni iqu ake, tiye Alhou kimthe ghahwu tsuni huke.

Piyeküsü 6:12

Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Piyeküsü 8:3

Kungumi kutau lakhi, shunayino shikeu amikihipu peakeuno ighino agho kiptialo puthugho. Akuka lakhu zulo shunano shikeu agho kipitia lono Alhou timiqo kighini gholo xukutshuno mllapeniye tsungquyikeu kutomo pesu pa tsu.