Piyeküsü 8:12 - BAIBEL (BSI)

¹² Kungumi abidiuno pa fuko kuyigha, kelo tsukinhe kikije kuthulo lakhiye ghaphove, aqhi ngo ayepuqo ghi kikije kuthulo lakhiye ghaphove, ikehu tipau kuvu ghi saje kuthulo lakhiye kuhave; atsala kikije akuthuu loye eno putho kikije akuthuu loye akuvu kuhave.

Sümi Tiqhelimi Bible

¹² Kungumi abidiu no pa fuko küigha kelo khetsünhe eno aqhi eno ayepu kikijé küthü kütsave, tishi keu vechewo khetsünhe, aqhi, eno ayepuqo hu ye tsübuive. Pucho tsalà kikijé küthü aküvü kühave eno titoi kijili kikijé küthü ye aqhi-ayepu kühave no zümoive.

Sumi Naga CL (Re-edited) Bible (BSI)

¹² Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.

Piyeküsü 8:12 ပူးပေါင်းရင်းမြစ်များ

ISAIAH 13:10

Ayepu ngo ayesu jeli qono yevuqai tsumove nani, tsukinheno ipeghi puzu zumoive nani eno aqhino akuvu tsumove nani.

ISAIAH 24:23

Aqhino zumoyi kitheve nani, tsukinheno yepuvu tsumove nani, kughengu Aqokitikhi MPEU no Akukau shive nani. Pano Jerusalem lo Zion toghi lono ayehpe nani eno ayeghilo timiqo sakiphemino pa kimthe jukuvu ithulu nani.

JEREMIYA 4:23

Ino ayeghi jukelo tiye ayeghi kithi pesu shipuhakhave, atsutsu jukelo tiye akuvu kuha.

JOYIL 2:10

Tipaqono hakutsutsu ighikelo ayeghino ithake; atsutsuno khokhoshike. Tsukinhe ngo aqhino zumoive eno ayepuqono yepuvumove.

JOYIL 2:31

AMPEU tsala akuighupu tsala kije ighinike zulo, tsukinheno zumoive nani, aqhino aji toi huchuive nani.

JOYIL 3:15

Tsukinhe ngo aqhiye zumoive, eno ayepuqoye yepuvumove nani.

AMUS 8:9

Ino tsukinhe pelo puchou aphi lono hailove eno puchou aphi lono ayeghiye zumoi kitheve kepu ghuloki sughini cheni. Ni, AMPEU Alhou no piqhi anike.

MATTHEW 24:29

“Atsala tipaqolo aghime kitikhi shive kemtsa tsukinheno zumoyive nani, aqhino vuqayi move nani, ayepuqono atsutsu lono ikiqive nani eno atsutsulo akuka jeli akeqo sukiniqhi nani.

MATTHEW 27:45

Puchou mtalo zumayikeuno ayeghiqha kumtsu nhaluve eno ayikihedo kuthu kutolo tishi ae.

Mark 13:24

Tipaqo tsalalo, ti akijuksa thiu, tsukinheno zumoyive nani, aqhino akuvu yemove nani,

Mark 15:33

Puchou ayi chighi kini kihelo aghakhuqha kumtsulo zumoive, tiye ayikihedo kuthu kutolo tishi ae.

Luke 21:25

“Tileno tsukinhelo, aqhilo eno ayepulo amchipu ipeghi nani, ayeghilo ashiayehqoye azughi ghugha eno azufukukuchono kutakihikeu lono pitipuzaqhi nani.

Apostolmi 2:20

Tsukinhe no zumoive nani, aqhino ajhi toi huchuyive nani, ti Ampeu tsala shishe kije eno akimthe-jukuvu ighi nike zulo.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Piyeküsü 12:4

Pa shomhi pesu atsutsulo ayepuqo saje akuthuu tsuqupe tipaqo ayeghi shou vepiqive. Dragon ye totimi huno anga punuqhi kemtsa tsuchuveniaye li zulo puthughope ngoae.

Piyeküsü 16:10

Kungumi apunguuno pa bohu pesu tughashi kuka lakhu shou leqhipuku. Tileno tughashi yehkipeqha kumtsulo zumoyikeuno chhive eno timino sukutu kelauno panongu mili tsathae;

Piyeküsü 6:12

Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Piyeküsü 9:15

Ike kungumi pano bidiye kuqhopheve, kughengu hipa tuqhudo hipa tsala, hipa qhi, hipa mipe kutolo panoqo kutope puakeuye timi lhoxu kikije akuthuu pithive peniyeke.

Piyeküsü 9:18

Pusa hipano kuthu pesu timi lhoxu kikije akuthuu pithikhavetsu: khurshiqo kichi lono ami, amichhi eno amichu ipeghikeu huno.