Piyeküsü 6:2 - BAIBEL (BSI)

² Ino jukeloye, khurshi akimiye lakhi aghi eno tipau shou iku puzu chekeuye asuzu pea eno akutsukuqho lakhi pa tsupua. Pano theqhikulumi lakhi toi lewuniaye chesu wuve.

Sümi Tiqhelimi Bible

² I no ju kelo I zülo khurshi miyetsüghoi keu lakhi ithulu! Khurshi küsáu ye asüzü xipusü ae, eno aküka kütsükuqho lakhi pa tsü, eno pa ye theqhikulumi lakhi toi aghü lewu niye chesü wuve.

Sumi Naga CL (Re-edited) Bible (BSI)

² I no jupuwo kelo khurshi kimiye lakhi aghi! Ti sakicheu u lo shexilika ae, eno akütsükuqho pa tsü püakeu xapu aghü lo tokulumi shi ghi itaghi lewu nike ipeghi.

Piyeküsü 6:2 ပူးပေါင်းရင်းမြစ်များ

LESHELE 110:2

AMPEU no Zion lono nono ayehpe akeu kuka pekho tsu nani. “Oghumiqo shou ayehpelo” ipi pano pike.

LESHELE 76:7

Ikemu AMPEU, noye kumtsuno musa ighuke, nono axuide akelo khunomu ozulo puthugho mlake.

LESHELE 98:1

Akithele phepe AMPEU shipililo; pano akumzapu kumla shike; Pa kuka eno pawu akimthe kumtono tokulu shilupe ani.

ISAIAH 25:8

AMPEU Alhou no alhokupuju ghenguno akithi kutsavetsu nani! Pano timi kumtsu nhethi lono anhezu isuvetsu nani eno pawu timiqono ayeghiqha zulo kujo muzakepushi imeachekeu ikhipe wuvetsu nani. AMPEU ampino pi ani!

ZEKHARIA 1:8

AMPEU wu kungumi lakhi khurshi huchuyikeu shou ikuno cheghikeu ino ithulu. Abokhuqa lakhilo axokutsungu subo hami akeu gholo pano ngove eno pa tikhau huchuyikeu ngo hughaikeu eno metsughoi keu khurshi kutau ghi ake.

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

1 Kor. 15:25

Kughengu Alhou no aghumi kumtsu leluveno pa pukhu qholo qhitsumoke kutolo Khristo no ayehpe masae.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 14:14

Tileno ino juakelauye khungkusu metsughoyike lakhi aghi, timi toikeu lhoxu lakhino tipau shou iqa ae, tipauye shunayino shikeu kutsukuqho pua eno hashiwo tsuqhaminhei keu lakhi pa ulo peae.

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:14

Kungughalo ghushimino khurshi akimiyeqo shou iku puzu phepheyikeu phi akimthe metsughoikeu pepuno pa papeche.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 9:7

Tulhaquqo ju akogheye khurshi aghushilo sawuniye kutopusu aketoi; panongu kutsulo shunayino shikeu kutsukuqho kimihi pua, eno panoqo giye timi gi mihi.