Piyeküsü 5:13 - BAIBEL (BSI)

¹³ Kungughalo, ayeghilo, ayeghiqhou eno azughilo lhoxu akeqo, tsutsu yeghiqhalo akeu kumtsuno ishipi, “Akuka lakhulo iqa akeu eno Bheriti lau shekiqhe, agigihu, akimthe jekipi, akimthe jekughushu alhokupuju kutolo apelo!”

Sümi Tiqhelimi Bible

¹³ Tisheno kungugha lo eno ayeghi shou eno ayeghi qhou eno azüghi lo, eno tipaqo lo lhoxü akeqo kümtsü no ishi pikeu I no chilu: “Aküka lakhü lo iqa akeu eno Ambeti lau akishé, agigihu, ajuküvü eno aküka alhokupuju lono alhokupuju kutólo ache pelo!”

Sumi Naga CL (Re-edited) Bible (BSI)

¹³ Tileno kungugha eno ayeghi lo, ayeghi qhou eno azüghi lo lhoxü jeli kümtsü no pikeu I no chilu, “Kükalakhü lo iqa akeu, eno Ambeti lau pülhapuju eno alholo shekiqhe eno agigihu, ajekipi eno akumto apelo!”

Piyeküsü 5:13 ပူးပေါင်းရင်းမြစ်များ

YEKIKITHI ATUGHIU 29:11

Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

ISAIAH 24:14

Khunoqo kuxu ghupe puaghini keno tipaqono alovi alephe nani. Kulolau akeqono AMPEU ye kiutoi kije keno pinani,

ISAIAH 42:10

Ale kithe lakhi AMPEU shipililo; Ayeghi shekha kutolo pa sheqhekeu phelo! Pa sheqhelo, nongu azughi shou zukilu tuha chemiqo; tile lhoxu akeqo kumtsu pa sheqhelo! Ayeghi putou akeqo eno tile akemi kumtsu pa sheqhelo!

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

Luke 2:14

“Kungughalo Alhou lau ajukuvu shilo! Eno ayeghilo pa lokiqi akemi shou aloinokeu apelo!”

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Rommi 11:36

Kughengu thwokha kumtsu pa launo ighi, thwokha kumtsu pa vechewo ani eno thwokha kumtsu pa launo kishekha ani.Alhou lau akimthe jekipi pulhapuju apelo! Amen.

Rommi 16:27

khuu likhino Alhou eno khuu likhino alokutsu keno, Jisu Khristo vechewo pulhapuju ajukuvu-jekipi shitsulo! Amen.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

Ephesiami 3:21

akukuholo eno Khristo Jisu gholono, tiqheli lakhi lono lakhiu kutolo alhokupuju ghenguno, Alhou lau akimthe jekipi shipelo! Amen.

FILIPIAMI 2:10

Tishianguno kungughalo, ayeghi shou ayeghiqha qhou eno lhoxu kumtsuno Jisu je gihughi panonguno qhoqhunhe nani.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

1 Tim. 4:16

Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

1 Peter 5:11

Alhokupuju ghenguno akuka pa lau ache nani! Amen.

Jude 1:25

ni Mpeu Jisu Khristo vechewo niXakuluu eno pa likhino Alhou ke, pa lau akimthe jekipi, akughushu, akuka eno ayehkipe, khaghi wovekeu lono itehi kuto eno alhokupuju lono alhokupuju kuto apelo! Amen.

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 5:1

Akuka lakhulo iqa akeu uajeu likuzu kaku lakhi ino ithulu; tiye ashou ghi aloughi yepukupe pua eno mekhakeu tsuni pesu tipau mekha pua.

Piyeküsü 5:12

aghugha kuloghi lono alephe ae, “Ghiqhivekeu Bheriti huye akuka, kinikulu, alokutsu, akumto, agigihu akimthe jekipi eno shekiqhe ithulu kuzuke!”

Piyeküsü 5:3

Ikemu kungughalo, ayeghilo momu ayeghi qhou namu khunomu likuzu kaku tipau xukho puzu alou jusunikemi lakhimu kuhave.

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

Piyeküsü 6:16

Panonguno naghuto ngo atuquqo vilo ishipi, “Ni veqaluvelo eno akuka lakhulo iqa akeu zulono eno Bheriti loghu launo nikughutshuvelo;