Piyeküsü 4:4 - BAIBEL (BSI)

⁴ Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.

Sümi Tiqhelimi Bible

⁴ Aküka lakhü mukubidi kütau no aküka lakhü hu sühope ae, eno tilehi sakiphemi muchomi mukubidi no iqa ae. Panongu ye miyetsüghoi keu phimini pepua eno panongu kütsü lo ameshoyi no mülà keu aküka kütsükuqho ae.

Sumi Naga CL (Re-edited) Bible (BSI)

⁴ Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 4:4 ပူးပေါင်းရင်းမြစ်များ

ESTHER 8:15

Mordekai ye akukau zulono akukaphi tsulabiye metsughoi keu pepu, shuna kutsu kuqho puveno Shusa phughilo ipeve eno aphughi tipaulo akemino alokivi shive.

LESHELE 21:3

Nono kukumgha kivi pesu pa lau ighi, shuna kutsuqho pesu pa kutsu qhotsue.

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

Luke 22:30

Nonguye ikukaqhalo igholo kumtsa chusho nani, eno nonguno akuka lakhulo iqano Israil lagha chighi kini shou ayehpe nani.”

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

Piyeküsü 11:16

Ikelo muchomi mukubidi khunoqomi Alhou zulo alakhulo iqa akeno tipaqono panongu gi pishiqho pesu itsaiqino Alhou mllaghi ishipi,

Piyeküsü 14:3

Panonguye akuka lakhu zulo eno xuakeu lhoxu bidi zulo eno muchomiqo zulo puthugho pe ale akithe lakhi pheae. Ayeghi lono xachileluvekemi 144,000 likhino kumoaye timi kutami khunomu ale tipau phethini chemoe.

Piyeküsü 19:14

Kungughalo ghushimino khurshi akimiyeqo shou iku puzu phepheyikeu phi akimthe metsughoikeu pepuno pa papeche.

Piyeküsü 19:4

Muchomi mukubidi ngo xuakeu lhoxu bidi huno itsaqi puzu Alhou akuka lakhulo iqa akeu mllaghi ishipi, “Amen! Alhou sheqhelo!”

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

Piyeküsü 4:10

muchomi mukubidi huno ti akuka lakhulo iqa akeu, alhokupujulo xuachekeu zulo itsaiqi puzu pa mllae. Panonguno alepheghi akuka lakhu zulo panoqo kutsukuqho lhaqhino ishipi,

Piyeküsü 4:6

Akukalakhu zulo ayina zughi toi, phuphuyi ithulukeu ghi ae. Akuka lakhu sumxa pesu, tipau ako phivilo akuxu akeu lhoxu bidi ae, tipaqoye athiu ghi azuu ghi anhethino chhitoi puake.

Piyeküsü 5:11

Itaghi ino jukelauye kungumi phikhakumla qhethonheno qhethonhe kutolo akeu sutsa chilue. Panonguye akuka lakhu ngo akuxu akeu lhoxu bidi eno muchomiqo vehomxa pesu puthughono,

Piyeküsü 5:14

Akuxu akeu lhoxu bidino ishi khochile, “Amen!” Muchomiqo huno itsaiqino mllae.

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 5:8

Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.

Piyeküsü 6:11

Panongu lakhikhi lau chijebobo keuphi akimiye lakhikhi tsu eno panongu vilo ado ikhonheyi ghenguno ngo aghilopi pive, tiye panongu kusami aqemi eno athikuzumi panongu toi ghiqhivekemi kikihi kupu miphi kutolo ngo aghilo pive.

Piyeküsü 7:11

Kungumi kumtsuno akuka lakhu, muchomiqo eno akuxu akeu lhoxu bidi hu vehomxa pesu puthugho ae, eno panonguno akuka lakhu zulo agi pishiqhope itsaqino Alhou mllaghi ishipi,

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.

Piyeküsü 9:7

Tulhaquqo ju akogheye khurshi aghushilo sawuniye kutopusu aketoi; panongu kutsulo shunayino shikeu kutsukuqho kimihi pua, eno panoqo giye timi gi mihi.