Piyeküsü 4:1 - BAIBEL (BSI)

¹ Tipathiu ino kungunhetsu kutau lakhi ithulu ike kungughalo ahukikha lakhi khaqhipua. Puzuu afuko ghugha toikeuno iputsakeu sutsa huno ishipi, “Hilau ikughilo eno hipathiu kiu shiveni cheni keno ino opiyenike.”

Sümi Tiqhelimi Bible

¹ Hipathiu I no ju kelo kungunhetsü kütau lakhi ithulu, ike tiye kungugha lo ahukikha lakhi khaqhi pesü I zülo akeu ithulu. Eno atüghi lo asütsa lakhi no afuko ghügha toi I pütsa keu I no chilu keu hu no ishi pi, “Hilau ikughilo eno hipathiu kiu shi moayesa nani keno I no O pìyenie.”

Sumi Naga CL (Re-edited) Bible (BSI)

¹ Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

Piyeküsü 4:1 ပူးပေါင်းရင်းမြစ်များ

IPEKULU 1:1

Israil nulimiqo pututa kibolomi sasu Jakob gholono Ijip lo iqikemiqoye hipaqoke:

IPEKULU 19:24

AMPEU no khochile pi, “Iqilo eno ogholo Aron saighilo. Achinemi eno timiqoye ilau ikughiniaye alughi katha kepu kumoe, tikumoaye ino panoqo ghimeqhi nanike.”

IPEKULU 24:12

AMPEU no Muse vilo pi, “Ilau naghutolo ikughilo eno nono hilau akelono ino atu pha kini otsu nanike; tipaulo timiqo kutsu kepu tsa ayezah kumtsu ino yepuanike.”

AHOLE 25:7

Alakhu akiqheulo opelo ngopeniaye oku pekeuno olakhu pesu kutami akhotomi tsuvelopi pikeu nguno akiviuke.

EZEKEL 1:1

Ampe shighi, aqhi abidiu, atsala apunguni ni Ezekel achineu, Buzi nuye Judami hakughutsuve kemi sasu Babilon lo Kebar ghoki phivilo akelo atsutsu kiyeve eno ino kungunhetsu lono Alhou ithulu.

MATTHEW 3:16

Jisu no baptiz shilukelo pano azu lono ithughi kemtsa kungugha khaqhitsu eno Alhou Ghungu no miqhedu lakhi toi iqighino pa shou ngove keu pano ithulu,

Mark 1:10

Kughou Jisu no azu lono ipeghi keno kungugha khaqhiveno Aghungu no miqhedu lakhi toi shino pa shou iqighikeu pa no ithulu.

Luke 3:21

Kughou timi kumtsuno baptiz shiluve keno Jisu ghi baptiz shilue. Pano inikhu akelo kungugha khaqhie,

John 16:13

Ikemu kughono Kuchou Ghungu ighini keno pano kuchou ghili kumtsulo nongu saphepiye nani, kughengu paye pa likhi pa kutoshi pimo nani ikemu pano kiu chilu keno tipau pi nani eno thime ighiniye akeqo ghili nongu vilo pi nani.

Apostolmi 10:11

eno atsutsu kiyeveno kiukela lakhi ayephu kije xachhokeu toike ashekumtsu bidi lono ayeghi kudau kughujupiqi keu pano ithulu.

Apostolmi 7:56

Pano ishi pi, “Julo! Atsutsu khaqhi akeu eno Alhou- u ajeu Timi nu kungughalo puthugho akeu ino ithulu ani!”

Piyeküsü 1:10

Ampeu Tsalani Aghungu no ipeitha ake, eno izupouno afuko ghugha toikeu kije lakhino ishi pikeu ino chilu,

Piyeküsü 1:12

Ike khuuno iputsa akeno tipau juniye igho ju kelauye shunayino shikeu akulukibepu tsuni ino ithulu,

Piyeküsü 1:19

Itehi nono kiu ithulu ani eno hithiu kiu shi nani keno, nono kiu ithulukeno tipaqo yepukulo.

Piyeküsü 11:12

Tileno atsutsu kudauno asutsa kuloghi lakhi pama vilo ishi pikeu pamano chilu, “Hilau ikughivelo.” Pama ghumino juakelauye pamaye khungkusu lono kungughalo ikuve.

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 16:17

Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 22:6

Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”