Piyeküsü 3:7 - BAIBEL (BSI)

⁷ “Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Sümi Tiqhelimi Bible

⁷ “Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Sumi Naga CL (Re-edited) Bible (BSI)

⁷ “Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

Piyeküsü 3:7 ပူးပေါင်းရင်းမြစ်များ

JOB 11:10

Pano vechesu wuche puzu, okughape akughushi eno atsa kukughalo sawunamu khuno pa hakha kulupu kya?

JOB 12:14

Pano xaqhive aye khumu shikithemlae, pano khuala kughape akughushive aye, khunomu pa khaqhiphe mlae.

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

LESHELE 16:10

kughengu nono kithi-ghau iphepuwuve moe. Momu nono kimiyecheku pelo kithimi ghakhulo ngovepemo nani.

LESHELE 89:18

O AMPEU, Israil Lhou Akimtheu nono sushokulu akukau ni tsuke.

ISAIAH 22:22

Ino pa pelo David laghami akukau qholo agha kipeu shipeni. Pano hiyam khadu pe nani; pano kiu khaqhi keno khunomu khavemla nani eno pano kiu khavenikeno khunomu khaqhimla nani.

ISAIAH 30:11

Nilaghi lono wuvelo eno nilaghi lakha kevilo. Ninguye nowu Israil Lhou akimtheu ghili chilunishi movae.”

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

ISAIAH 41:16

Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 41:20

Timino hipau jupuzu ithi nanike, ni AMPEU no hipau shipuanike. Israil Lhou akimtheuno hipau shipe puanikepi panonguno ithithaive nani.’

ISAIAH 47:4

Israil Lhou akimtheuno nikuqho pheke pa jeye Aqokitikhi MPEU ke.

ISAIAH 48:17

Israil Lhou akimtheu, AMPEU khuno nongu xalukeno pano pi: “Niye nongu Lhou AMPEU ke, nongu shikapiye nishi chekeuke, tiye nongu kivipushi eno nonguye khipalalo wukepu keno nongu kichetsu chekeuke.”

ISAIAH 49:7

Israil Lhou akimtheu eno xaku luuno Ashiayehqono mithi achekeu eno shishe jukunatha achekeu eno ayehkipemiqo qeu vilo ishi pi: “Okuqhopheve keu kukamino ithulu nani eno ithughino panoqono agigihu tsu nani kukapumi ghi tipau ithulu nani, eno panongu ghi aqhou shi itsaiqi puzu ogihu nani.” Hipau shi nani putsa kughengu AMPEU no pa qeu kisheluve ake; Israil Lhou akimtheuye pano tushoqhivekeu pecheni.

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

ISAIAH 55:5

Itehiye nonguno inaghami shiayeh qo kupuwu nani; ghuthu lakhi panonguye nongu mthake ikemu itehiye panonguno nogholo kuqhalunike poighi nani! Ni, nongu Lhou AMPEU, Israil Lhou akimtheuno hi kumtsu shipe nani, Ino agigihupu ngo ajekipipu nongu tsu nani.”

ISAIAH 6:3

Panongu dolo kukuleno pi ake: “Aqokitikhi shou AMPEU ye akimthe, akimthe, akimthe ke! Pa kimthe jekipino ayeghiqha chhitoi ani.”

MATTHEW 16:19

Kungugha yehkipe khadu ino otsu nani eno ayeghilo nono kiu kiumu lakhavekeu kungughalo ghi lakhavetsu nani; eno ayeghilo nono kiu kiumu phevetsu keulo kungughalo ghi phesuvetsu nani.”

MATTHEW 24:35

Atsutsu ngo ayeghiye hauve nani, ikemu itsaye khilemu hauvemo nani.

Mark 1:24

ighauve; “No eno ningu dolo kiu shikepu ani kya? O Nazaret noghami Jisu? Noye ningu kutsaveniye hile ighi ani kesha? Noye khuu kela ino ithi anie noye Alhou ghinimi akimtheu ke!”

Luke 1:32

Paye kije shi nani eno Alhou Akiqheu Nu huke ipi ku nani, Ampeu Alhou no pasu David kuka lakhu pe pa tsu nani,

Luke 4:34

“O Nazaret no ghami Jisu, noye ni pelo kishive peniye kya? Noye ningu kutsanike ighi ani kesha? No khuu keno ino ithi ani, noye Alhouw Akimtheu Lakhi ke.”

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

Apostolmi 3:14

Paye akimthe eno akivi, ikemu nonguye pa milive eno heqhi buqhikemi lakhiu kuqhophetsu lopi nonguno Pilat vilo khu,

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 15:3

Panonguye Alhou qeu Muse sheqhekeu le eno Bheriti sheqhe keu le ishi pheae: “Ampeu, Alhou Akumtou, okumlaqo ye kije eno akumzapu ke! Ashiayeh kumtsu shou Akukau, olaghiye achipi eno kuchou ke!

Piyeküsü 16:7

Tileno akumllagho kipitia launo asutsa lakhi ishi pikeu ino chilu, “Ampeu, Alhou Akumtou! Owu kughakuthaqoye kuchou eno achipike!”

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Piyeküsü 21:5

Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 4:8

Akuxu akeu lhoxu lakhi khino achishibo tsugho pu-a, eno tiye ashoughi aloughi anhethino chhitoi xapua. Putho-pucho panonguno tamono ishi alephe: “Ampeu Alhou Akughushuuye akimthe, akimthe, akimtheke, Paye acheghi, paye acheni, paye ighini kuau ke.”

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”