Piyeküsü 3:21 - BAIBEL (BSI)

²¹ Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Sümi Tiqhelimi Bible

²¹ Khuu no tokuluu keno, I no tokulu shilu no I pù gholo pa küká lakhü lo iqa keu toi I no pa pelo I gholo I küká lakhü lo iqa pe nani.

Sumi Naga CL (Re-edited) Bible (BSI)

²¹ Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Piyeküsü 3:21 ပူးပေါင်းရင်းမြစ်များ

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

MATTHEW 25:21

Pa mipeuno pa vilopi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Luke 22:30

Nonguye ikukaqhalo igholo kumtsa chusho nani, eno nonguno akuka lakhulo iqano Israil lagha chighi kini shou ayehpe nani.”

John 13:32

Pa vechewo Alhou jekipipu pephepiye aye, tishiaye Alhou ghi Timi Nu jekipipu pa ampino pephepiye nanike, eno paikhavino pa je pipive nani.

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Piyeküsü 20:6

Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.

Piyeküsü 5:10

NiLhou qe penike achinemi yehkipeqha lakhi panoqo ghengu shipe qhitsue, eno panonguno ayeghi shou ayehpe nani.”

Piyeküsü 6:2

Ino jukeloye, khurshi akimiye lakhi aghi eno tipau shou iku puzu chekeuye asuzu pea eno akutsukuqho lakhi pa tsupua. Pano theqhikulumi lakhi toi lewuniaye chesu wuve.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”