Piyeküsü 3:2 - BAIBEL (BSI)

² Idathuvelo, eno noye kiu pe anikeno tipau qhoyi thimphi lono shikumtolulo, kughengu iLhou zulo niye okumla shiwotolupe aghikeu ithumlae.

Sümi Tiqhelimi Bible

² Ithughivelo! Kiu no aphi eno kiu no thive niye shivea keno tipau shikumtolo, kughengu I Lhou zülo nono akümlà shiqhimo no akeu I no phuluvae.

Sumi Naga CL (Re-edited) Bible (BSI)

² Ithulo, eno kiu thive lholho ani keno püxü kithe no shikumto lo, kughengu I Lhou zülo nono kupukülai mlalu keu Ni ye kiumu ithulu mphie.

Piyeküsü 3:2 ပူးပေါင်းရင်းမြစ်များ

KUKAMI ATUGHIU 11:4

pano muchomi shiwuve keuloye pa pelono inami lhou mlauvepeke. Paye pa Lhou AMPEU lau papu David toimoveno amikucho shimoveke.

KUKAMI ATUGHIU 15:3

Pa pu toi pa ghi axine shive pasu David toi aghokulu shimono pa MPEU Alhou hekibidemi shive.

YEKIKITHI AKINIU 25:2

Paye AMPEU mlo kiqhipu shike ikemu tipau shinishimo qhiyi shike.

JOB 16:5

Momu shikumto keu tsa pinike eno ikichi kukulono nongu lopiqitsuni.

ISAIAH 35:3

Au qeyivekeqo shikumtolo eno miqemileikeu lono akhonhe kho khoive keqo shikumto tsulo.

ISAIAH 56:10

Pano pi, “Sakiphemiye iw timiqo kutughu kepushi akelauye panonguye anhethi kighichemike! Panonguye kiumu mthake. Panonguye akikhe tsuno ighamoveke toike, panonguye ihozu puzu asamo pumoke likhike. Panonguye zuanikeu kimiyeke!

ISAIAH 57:12

Nonguno kiu shikeno tiye achipi kepi nonguye kumsu aghiluvi, ikemu ino nongu ghusho ghili lhevetsu nani eno nonguno ajulho mllachekeqoye nongu kuphumla nani.

EZEKEL 34:16

“Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

DANIEL 5:27

Akimighi, okuka pe ahulo suno mighiju kelauye ahu tomo sheve aghike.

ZEKHARIA 11:16

Ino bherikheu lakhi iw bheri loji jukuto peniye qhike ikemu bheriqo puhapighiyive keghi jukuto tsumoe, momu puhavekeqo phuwumoke, momu ghuza puaghikeu shipivi tsumoe momu xuaghikeqo lojitsumoe. Tishinike zuqhulo, pano bheri chhikhoikeu shi chuuve eno panoqo pukhu mutsu tujovetsuke.

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 25:13

Tighenguno khejukuto alo kughengu nonguye atsala momu atuqhudo mthake.

MATTHEW 25:7

Ilimi chighi kumtsu ithu puzu panoqo kulu kuqu thue.

Apostolmi 18:23

Tile ado ta ngo apuzu paye cheve eno Galatia ngo Frugia qhalo a- a lakhilo wuno kupulumi kumtsu shikumto.

ZAKINIU 3:28

Akukutsu tsa Joshua tsulo. Pano kumsupu akeu shikumtolo kughengu pano timiqo sakipheu shieno nono ithulu akeu yeghiqhalo ngolu penike sawu nanike.’

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

1 Peter 5:8

Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

Piyeküsü 16:15

“Julo! Niye kupkami lakhi toi ighini cheni. Khunono zuida apuzu pa phimini jukuto anikeno tipano lokivipue, tishianguno paye aphi kumsa iqhoiqimo nani eno aqo zulo kujomzavemo nani!”

Piyeküsü 2:4

Ikemu niye oshou hipau pikepu ani: noye atughulo hutoi ikimiye chemovae.

Piyeküsü 3:1

“Sardia akukuhoulo kungumi akeu lau yelu ani: “Hipauye Alhou kimthe ghahwu tsuni eno ayepu tsuni peakeu tsapeke. Ino okumlaqo ithiani; noye akithi kemu akuxu kua je puani.

Piyeküsü 3:3

Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.