Piyeküsü 3:19 - BAIBEL (BSI)

¹⁹ Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

Sümi Tiqhelimi Bible

¹⁹ I no khunoqo kimiye cheni keno I no tipaqo lomipi eno ghasü cheni ke. Tighenguno pulopiniyi shilo eno xaidevelo.

Sumi Naga CL (Re-edited) Bible (BSI)

¹⁹ I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

Piyeküsü 3:19 ပူးပေါင်းရင်းမြစ်များ

SAMUEL AKINIU 7:14

Ino papu shinani eno pano inu shi nani. Kughou pano mlapimiveni keno apu lakhino panu aghime tsuke toi ino aghime pa tsu nani.

JOB 5:17

Alhou no sakiyi kemi lokivipue. Tighenguno tuchomujokutsu-u no ghasu keu hebide kevilo.

LESHELE 39:11

Nono shikighime keu pesu timi xine shou aghime tsu cheni, pano kimiye kupu akeu hu amimi paphishi kutsave cheni. Mutsuqheyino timiye atuthu kishe nguno alau kumoe.

LESHELE 6:1

O AMPEU, omlo kighidelo ilomi pikevilo, momu ologhu kighidelo ishikumzu keu ghime tsu kevilo.

LESHELE 69:9

Ochineki lo wuno mlla nishi keuno ipitipuza ani; othaigha keu hu ishou ikiqi ikughi ani.

LESHELE 94:10

Paye ashiayehqo peitha akeuke, paye panoqo ghimemoni kesha? Paye timi kumtsu shikukauke, paye akighithi kuhani kesha?

AHOLE 15:10

Nono achipikumou shi aye aghimepu otsu nani; oshikumzupe nikeu nono alepimo aye noye thive nani.

AHOLE 15:32

Shikaluni keulo nono mopi auve aye olikhi oghuza ani. Shikumzutsu keu ikhilu aye noye alotsu kithe nani.

AHOLE 22:15

Ititunuye alhoaye lono azukutunupu eno jukuto kughoimo keu shicheni ikemu akivishi kitihevekeu lono panonguye kishi xupivi kepukeno shikalu nani.

ISAIAH 26:16

Nono owu timiqo ghimeqhike, O AMPEU, eno panonguno amlo kughutashi ovilo khuinike.

JEREMIYA 10:24

AMPEU, owu timiqo shikumzu tsulo; ikemu nishou ihulo mughachhoi kevilo momu nono aloghu idevekeulo nighime kevilo, tiye nighenguno ashekha shiveniake.

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 31:18

‘Israil lo akemino amlo ghimeshi pikeu ino chilu, “ AMPEU, ninguye lhoxu chhikughuvumo keu toive Ningu sachile saghivelo; ninguye olau xaideghinike kutope ani AMPEU niLhou.

JEREMIYA 7:28

Nono panongu vilo pinanike pano shiayeh ye pano Lhou AMPEU, igholumoke, momu pano ghimeqhikeu lono ghi ithikeu kuhae, Amikuchoye thivae, tipau ghili pikeu ghi pimovae.”

ZEFANIA 3:2

Hiye AMPEU tsa ini tsumoe momu shikithe tsukeu ikhilutsumoe. Hiye AMPEU shou pukhukeu kuhae momu pa kukuphu mu khumoe.

MATTHEW 25:7

Ilimi chighi kumtsu ithu puzu panoqo kulu kuqu thue.

John 2:17

Kuchoyesulo ishi pipuakeu pa khopemino kumsuchilelu: “O Alhou, ino ochineki ghenguno alokumsushi akeu huno ami toi ipitiqhike.”

Rommi 12:11

Azukinilo ghuthi suve mono, angu-agha thibuyimono Ampeu qe alo.

1 Kor. 11:32

Ikemu Ampeu no ningu shou kughathabe kehu aghime ningu tsuke, tishianguno ayeghiqha gholo kughathabe kuqhamoniye ke.

2 Kor. 6:9

timino mthakemi toi, ikeghi kumtsuno ni ithi acheni; kithimi toi ikeghi ninguye xu acheni; akijipusa ketoi anamu ningu pithivemoe;

2 Kor. 7:11

Alhou launo nongu mlo ghime kishi peithaluve akeno julo: hino nongu pelo amlo tsushekeu shiveapeke, nonguye kiumu pimi puamokeu mutsuqheyive nike khekulho shipeke. Achipikumomi ghime alo nongu pelo axuidepe, thughuyilupe. kumsulupe, amlo tsulupe eno kutolupeke! Hipau vehulo nonguye pimi puamo kepi alaghi thwokha lono nonguno mutsuqheyi piyevae.

Galatiami 4:18

Ino nongu gholo akelo likhino kumo puzu kiukiumu akivipu kukumsu ghenguno amlo tsuqhiyi cheghi aye tiye pulhapuju aloke.

ZAKINIU 8:5

Apu lakhino pa tianuli sakiyi saputhu ketoi AMPEU nongu Lhou no nongu shikithe eno ghime chekeu kumsululo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

Piyeküsü 2:5

Tishiaye, noye kiutoi veqhive akeno kumsululo. Xaideighilo, eno nono atughulo kiu shichekeno tipau shilo. Nono xaideghimo napiaye ino olau ighi puzu owu akulukibepu tipa alono ikhive nani.