Piyeküsü 3:18 - BAIBEL (BSI)

¹⁸ Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

Sümi Tiqhelimi Bible

¹⁸ O pelo kiními shilu penike ghenguno I no O vilo I lau no ami lono thakütsüghüve keu ameshoyi qhülulo; O phikümsa küküjo küzü nike ghenguno miyetsüghoi keu phimini pepu kepu qhülulo; eno O pelo ithulu penike ghenguno O nhethi lo sǘ kepu shikipivi qhülulo pi akükümsü O tsüke.

Sumi Naga CL (Re-edited) Bible (BSI)

¹⁸ I kükümsü hipau o tsü ani, no ye kinikülü shilu kepushi ami lono ghukimtheve keu ameshoyi I launo qhülu lo, eno akukujopu shi o phikümsa shi akeu ithulu pemo nike o nhalu kepu phi kimiye qhülu lo, itaghi o pelo ithuluve penike anhethi lo nupu chekeu küsüvi qhülu lo.

Piyeküsü 3:18 ပူးပေါင်းရင်းမြစ်များ

LESHELE 107:11

Kughengu panonguno Akughushu Lhou zah kutsu eno akukutsu tsa hebideveke.

LESHELE 16:7

Ino AMPEU sheni kughengu pano isapheke, eno imlono putholo iloputsu tsu cheni.

LESHELE 32:8

AMPEU no pi, “Nono kishi wukepu kela ino oshikani; ino okiche piyeni eno ovilo piputotsuni.

LESHELE 73:24

Okukutsu kivi pesu nono kichepi yeke, ashekhaloye agigihupu shi nono ni ikhilu nani.

AHOLE 1:25

Nonguno ikukutsu kumtsu kukuthavetsu cheni eno ipelo nongu shikumzutsu penike pulomoe.

AHOLE 1:30

Nonguye ikukutsu khilemu lunishimoe momu ino nongu shikumzu tsu keulo amlo tsuqhiyi moe.

AHOLE 19:20

Akukutsu tsa ini eno tipau ithinishi keu ikhilu aye noye alokutsumi shive nani.

AHOLE 23:23

Kuchou, alokutsu, akighithi eno akukumsu kivi, hipaqoye ame tsukuzuke oghenguno tipaqoye ame kushoke jekevilo.

YETSAPIU 8:2

Akukauno pikeu shilo eno Alhou vilo lhelheshi tushoqhi kevilo.

ISAIAH 47:3

Noye aphi kumsa akeu timino ithulu nani Noye aqhokigheu shivekeu eno kujovekeu panonguno ithulu nani. Niye amkhu lunicheni eno khunomu ihakhamlake.”

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

JEREMIYA 13:26

AMPEU ampino nongu phimini xalevetsu nani eno nongu pesu akukujopu shipe qhinani.

DANIEL 12:2

Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

MICAH 1:11

Nongu Safir lo akemiqo; aphi kumsa eno kujo qhiyi hale puwuve keulo wulo. Khunoqono Zanan lo acheni keno aphughi lono khalau ipeghi nike musa akhanike. Kughou Bethezel lo akemiqono mlo qakeu nonguno chilu nikeno tilehi sushokulupu kuhakepi nonguno ithi nani.

NAHUM 3:5

Aqokitikhi MPEU no pi, “Ino nongu ghimeqhi nani, Nineve! Ino nongu phimini xaluveno aphikumsavepe nani, eno ashiayehqo pelono ithulupe nani, okukujopu kumtsu ithulupe nani.

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

MATTHEW 13:44

“Kungugha yehkipeye alu lakhilo akini khuki kusupepuake toike. Timi lakhino ti ithulu puzu tipau qhokitheve eno pa lokivi launo wupuzu pa kua akeu hu kumtsu jeve eno alu hu qhuluve.

MATTHEW 25:9

Ikemu alokutsumiqono ishi khochile, ‘Ningu kumtsu ghenguno lukumkha shini chemoe; nonguye je chekemi lau wuno nongu sala qhulukeu pavie.’

Luke 12:21

Kishekhaghi Jisu no pi, “Timi lakhino alikhi asala akini pekutsu lupaghi namu Alhou kudauye kumu kuha aye titoive nani.”

2 Kor. 5:3

kughengu ninguno tipau pepuluve aye aphi kumsa akeu ithulupemo nani.

2 Kor. 8:9

Kughengu nonguno Ampeu Jisu Khristo kupukini ithi anike, paye akini boghi shi ake, ikeghi nongu ghenguno pa likhi pano akumlhou shive, tishianguno pa kumlho pesu nonguye akini boghi shilupeniyeke.

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

Piyeküsü 16:15

“Julo! Niye kupkami lakhi toi ighini cheni. Khunono zuida apuzu pa phimini jukuto anikeno tipano lokivipue, tishianguno paye aphi kumsa iqhoiqimo nani eno aqo zulo kujomzavemo nani!”

Piyeküsü 19:8

Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

Piyeküsü 2:9

Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.

Piyeküsü 3:17

Nono ishi picheni, ‘Niye kinikuluke eno nibonileivae, niye kiumu avehupu shiamoe.’ Ikemu noye kiutoi itamujui kimiye kepushi anikeno noye muthano ani. Noye aqu-aghashi anhethi iche eno aphi kumsa ngo anie.

Piyeküsü 4:4

Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.

Piyeküsü 7:13

Muchomi gholo lakhino ivilo ishi iniju, “Akimiyephi chijebobo pepuakemiqoye khunoqo keno eno panonguye khilano ighikeno noye ithi anima?”