Piyeküsü 3:10 - BAIBEL (BSI)

¹⁰ Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Sümi Tiqhelimi Bible

¹⁰ I no kheakulu shilo pi azah tsü keu nono papelu keu ghenguno ayeghi lo xü akemiqo peju nike ayeghiqha kuchopu shou küghathabe niye shi akeu tüqhüdo lau no O peküsüve nani.

Sumi Naga CL (Re-edited) Bible (BSI)

¹⁰ Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.

Piyeküsü 3:10 ပူးပေါင်းရင်းမြစ်များ

ISAIAH 24:17

Kumtsu ghano inijulo! Akuighupu, aqoh kuchhu eno alichheno nongu kheani.

DANIEL 12:10

Timi kutomono shikimthe luve nani. Timi lhoksami ye hipau vehu mtha nani. Ikemu alhoksa shikithe auve nani, alokutsumi likhino tipau ithi nani.”

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MATTHEW 24:14

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

MATTHEW 26:41

Nonguye pejukeulo ikiqi ilovemokepushi tsukhuyi khealo eno inikhu alo. Aghungu ye puloqhiyi anie, ikemu ashi-ajiye inayi anie.”

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

Mark 14:9

Kuchouno ino nongu vilo pini, ayeghiqha kuchopulo khilekhilemu lokivipu-tsa pesu asheshu kelo li kumsumamokeu shighi lino kiu shitsukeno tipau piwo nani.”

Luke 2:1

Hipa ghulokilo Rom yeghiqha kumtsulo timi lhoxu hesa kutsu nike Akukau Agostus launo ahza puwu.

John 17:6

“Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.

Rommi 1:8

Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.

1 Kor. 10:13

Ghukuju khijehi nongu zulo ighi keno tipa tho lono timi kutami zulo ighi cheni. Alhou ye pukhubekuluke eno pano okumto qhemi nguno alauye oghujupemo nani; ikemu oghuju ake ghulokilo opelo ti pulu pekepu shi pano alaghi phuphetsu nani.

Ephesiami 6:13

Tighenguno Alhou launo ighikeu ghunanu kumtsu ikhilulo, tishianguno alhoksa tsala ighikelo nonguno ithamono mujochilelu nani, eno ashekha kutolo kupughu apuzu nonguye ithamono aghilu nani.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

James 3:12

Ithikuzumiqo, khughuthibo lakhiye Oliv xathi pithi chemoe; momu atsayiboye khughuthi pithi chemoe; tikekumono amitizuye isaphayi keu zu qopipelu chemoe.

1 Peter 4:12

Ino kimiyechekeqo, nongu pejuniaye shilukusa ghime nongu shou ikughi akeulo akichiqhi kevilo. Tiye kiuala akumo akukuhau nongu shou ighi ani kughashi kevilo.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 11:10

Ayeghilo akemino timi hipama thivekeu ghenguno alokivishi nani. Panonguno alovi ilhe eno agho chhekile nani, kughengu tungkupumi hupamano ayeghilo akemi shou pitipuzaqhi keu sughicheke.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 14:6

Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.

Piyeküsü 16:14

Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 3:8

Ino okumlaqo ithiani; julo ino ozulo ahukikha lakhi khaqhi puatsu ani, tipauye timi khunomu khavemla nani; ino ithi anike noye akuka kitila likhi ani ikeghi noye itsape hu pelu acheni eno ije pevechemoe.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

Piyeküsü 8:13

Tileno ino jukeloye, aluqu lakhi, kunguu amlhulo yechekeu huno asutsa vekipighi ishi pikeu ino chilu, “Kughono itaghi kungumi mikuthuno afuko kuyighakeu sutsa ighinikeno, ayeghilo akemiqo ghenguno akuighupue, akuighupue, akuighupue!”