Piyeküsü 22:19 - BAIBEL (BSI)

¹⁹ Khunono kaku hipaulo tungkuptsa pipuakeu lono kiukiumu ikhiveni keno, akuxupu subo xathi pa saje akeu eno kaku hipaulo Akimthe Phughi ghili pipuakeu lono pa saje akeu ikhiluve nani.

Sümi Tiqhelimi Bible

¹⁹ Eno timi khuala no tungkuptsa liküküzü kaku hipau lo pipüa keu tsaqo ikhive aye, Alhou no liküküzü kaku hipau lo aküxüpu süboqo eno Akimthe Mishighüna ghili pipüa keu lo timi tipau saje akeu ikhisüwuve nani.

Sumi Naga CL (Re-edited) Bible (BSI)

¹⁹ eno khuana no kaku hipau lono tungkuptsa ikhive aye, aküxüpu sübo eno akimthe phughi, khipa ghili kaku hipau lo yepüani keno, tipaqo lo pa saje akeu Alhou no ikhiluve tsü nani.

Piyeküsü 22:19 ပူးပေါင်းရင်းမြစ်များ

LESHELE 69:28

Kuxumi kaku lono panoqo je nuxa vetsulo; owu timiqo je ake gholo panoqo je sutsu kevilo.

IPEKULU 32:33

Tileno AMPEU no khochile pi, “Khunoqono ishou axine shikeno tipaqo jeye iwu kaku lono ino ikhive nani.

AHOLE 30:6

Pano khilemu pipuamo amu kiuala piqhi puanikepi nono picheni aye pano olomi pinani eno noye kimkimi lakhi kepi pano ophuluve nani.”

Luke 11:52

“Nongu Ayezah kukutsumi ghengu ahae! Nongu no akighithi hukikha wu akhadu ikhisuwuve puzu nonguno ilo kea-kumo puzu kutamino iloniye akeu ghi lakha ke.”

ZAKINIU 12:32

“Ino ahza nongu tsukeu thwokha shilo; tipaulo kiumu sukupha kevi momu tipau lono kiumu ikhive kevilo.”

ZAKINIU 4:2

Ino nongu lau kiu yezah tsuve akeno tipau shou kiumu kupha momu ikhive kevilo. AMPEU nongu Lhou zah kutsu ino nongu tsuvekeu gholulo.

Piyeküsü 1:3

Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Piyeküsü 11:2

Ikemu akikhala bochoye mighiju kevilo, kughengu tipaqhaye Alhou yeh kumthamiqo tsuveake, eno panonguno aqhi lhobidi kini ghenguno Akimthe phughi hu nedaqoda nani.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:26

Khunono theqhikulushi toluni eno ashekha kutolo ikumla peluni keno, ino iPuh launo akuka ithuluke toi panongu pelo ashiayeh peithalu kepu kuka ino tsu nani.

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 21:2

Eno Akimthe phughi, Jerusalem Akitheu hu kungughalo Alhou launo iqicheghikeu ino ithulu. Hiye kulaliu lakhino li kimi sasu kusholuniye aphimini pepusu akeshi aphughi hipauye kishekulu shi kutopesu che.

Piyeküsü 21:5

Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

Piyeküsü 22:2

aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Piyeküsü 3:12

Khunono theqhikulushi tolunikeno, ino pa pelo iLhou chinekilo atsukucho lakhi shipe nani; paye tipau lono khilemu khalau wuvemo nani, eno ino pa shou iLhou je eno iLhou phughi je yepuku nani. Aphughi tiye kungughalo Alhou launo iqighinikeu Jerusalem akitheuke. Ije akitheu ghi ino pa shou yepuku nani.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.