Piyeküsü 22:10 - BAIBEL (BSI)

¹⁰ Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Sümi Tiqhelimi Bible

¹⁰ Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.

Sumi Naga CL (Re-edited) Bible (BSI)

¹⁰ Itaghi pa no pi, “Kaku hipau lo tungkuptsa akeqo mekhape püa kevilo, kughengu ado ye punukhoivae.

Piyeküsü 22:10 ပူးပေါင်းရင်းမြစ်များ

ISAIAH 13:6

Aghime launo ighalo! AMPEU tsalaye kupunupe ani, Akughushuuno kutsakungo keu sughikeu tsalanike.

ISAIAH 8:16

Nongu, ino kutsuluve kemiye Alhou no atsape itsukeu pekishe eno kutsukiyi qhimasae.

EZEKEL 12:23

Itehiye ni Akughushu MPEU no tipau vehu kiu piani keno tipau pesu panoqo vilo pilo. Aholetsa tipau ino kishekhave peni cheni. Tiye Israil lo khilemu pikishe kithemove nani. Tipau zuqhulo panoqo vilo hipau pilo: Ado ye ighivae eno ashe-azu tsa huye kuchouno chenike!

DANIEL 12:4

Pano ivilo pi, “Danel itehiye kaku likuzuveno ayeghiqha ashekha shivemoke kutolo amchishi mekhape qhivelo. Tipadolo timi kutomono ado kivi kutomo peveno tipau kiu shi nani keno ithinike pukaputsa iqho iqi nani.” Akighithino ikokitheve nani.

DANIEL 12:9

Pano khochile, “Noye itehino wovemasae, Danel, kughengu atsa hipaqoye ashekha tsala ighimoke kutolo kusu pua masake.

DANIEL 8:26

Kungunhetsuno ithukulu hi inaqhe eno avelau ghiqhipe mllakeu ghili kiu ino hephopiyeve keno tipau kuchouno shikupu nani ikemu ado kushuwa chephike kusupe qhi puaghilo.”

MATTHEW 10:27

Ino nongu vilo akuzu lono kiu pi keno nonguye akuvu lono ti piwulo; eno nonguno tuqhouno kiu chilukeno aki-kutsuqa lono asheshulo.

Rommi 13:11

Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae.

Rommi 13:12

Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

2 Thes. 2:3

Timi khuu pelomu kiu lalo nomu nongu pishiqhive pekevilo; kughengu Alhou hekibide ashekhau shimphi loye eno Alhoksau Timi hu, kutsaqhive nike kutope puakehu ipeghi mphi loye tipa Tsala ighimo nani.

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 1:3

Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Piyeküsü 10:4

Kughono tsutsukusu tsunino igha tavekeno, ino yepukuniye shike, ikemu atsutsu kudauno asutsa lakhino ishi pikeu ino chilu, “Tsutsukusu tsunino kiu piveakeno kusupe pualo eno tipau yepesu qhikevilo!”

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Piyeküsü 22:18

Khunoqono kaku hipaulo tungkuptsa chiluve akeno ni Johan no tipaqo vilo piputo ani, khunono hipaqolo kiukiumu sukuphani keno, kaku hipaulo pusaqo pipuakeu Alhou no tipau pesu pa shou aghime qabetsu nani.

Piyeküsü 22:20

Hipau kumtsulo khuno pa shepe tsuani keno pano piani “Mutsuqheyino tishike! Niye itheno cheni!” Tishilo,Ighilo, Ampeu Jisu!

Piyeküsü 22:7

“Julo! Niye itheno cheni. Khunono kaku hipaulo tungkupu-tsa yepuakeu peluni keno tipano kumghae,” ipi Jisu no piani.

Piyeküsü 22:9

Ikemu pano ivilo ishipi, “Tishi kevilo! Niye aqemi okusauke, eno tungkupumi qemi akusami, eno hipau kakulo atsa pipuakeu pelukemiqo qemi akusamike. Alhou mllalo!”

Piyeküsü 5:1

Akuka lakhulo iqa akeu uajeu likuzu kaku lakhi ino ithulu; tiye ashou ghi aloughi yepukupe pua eno mekhakeu tsuni pesu tipau mekha pua.