Piyeküsü 22:1 - BAIBEL (BSI)

¹ Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Sümi Tiqhelimi Bible

¹ Tile no kungumi hu no aküxüpu zü ghoki I pìye. Aghoki tipau ye ighono tsüghükhüi eno tiye Alhou eno Ambeti küká lakhü lono qò ipeghi püzü

Sumi Naga CL (Re-edited) Bible (BSI)

¹ Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:1 ပူးပေါင်းရင်းမြစ်များ

LESHELE 46:4

Alhou phughi eno Shishe Akiqheu no achekeu-alo alokivi sughi tsuchekeu ghoki lakhi ani.

ISAIAH 41:18

Ino naghuto qhemghaikelo aghoki qowupe nani eno akhilalo azupuki ipeghipe nani. Ino asayeqha pesu azukucho-a kughulho nani eno qhaike yeghi pesu azupuki qowukeu-a shipe nani.

ISAIAH 48:18

“Nonguye ino ahza tsukeu chiluke aye nongu ghenguno kukumghano aghoki khilemu qopuhamla keshi qoighini cheke! Azu fukukuchono azu mukulo kuzu susu ighikeshi tokulupu nongu lau ighini cheke.

ISAIAH 66:12

AMPEU no pi, “Ino haumokepu kinikulu nongu lau sughitsuni; aghoki qotamoke toi ashiayehqo kinikulu nongu lau qoighipe nani. Anga lakhi azano tuchomujo, liuno khape eno kimiyeqhiyikeu tsuke toi nongu peitha nani.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

ZEKHARIA 14:8

Tipa tsala ighi kelo, Jerusalem kudauno akuxupuzu qowu nani, tuxano Akithi Zughi kudau qowu nani eno tuxano Mediteriya Zughi kudau qowu nani. Hiye ampe kupujulo qowu anani, tuqu tsala momu mutsu tsala shimono qowu anani.

John 13:32

Pa vechewo Alhou jekipipu pephepiye aye, tishiaye Alhou ghi Timi Nu jekipipu pa ampino pephepiye nanike, eno paikhavino pa je pipive nani.

John 15:26

“Ikemu Shikumtokutsuu kuchou Ghungu, Apu kudauno ipekighiu hu, Apu launo ino nongu lau puwu nani. Kughou pano ighini keno, pano ishepe shitsu nani.

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 21:11

Tiye Alhou wu akimthe jukuvuno yevuqai pesu ae. Aphughi huye amekusho-tu lakhi toi yevuqai pea, jasper-tu toi tsughukhuyike.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 22:6

Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 5:13

Kungughalo, ayeghilo, ayeghiqhou eno azughilo lhoxu akeqo, tsutsu yeghiqhalo akeu kumtsuno ishipi, “Akuka lakhulo iqa akeu eno Bheriti lau shekiqhe, agigihu, akimthe jekipi, akimthe jekughushu alhokupuju kutolo apelo!”

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”