Piyeküsü 21:3 - BAIBEL (BSI)

³ Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.

Sümi Tiqhelimi Bible

³ Eno aküka lakhü lono asütsa kijè lakhi no ishi pikeu I no chilu, “Julo! Itehi ye Alhou no ngo chekeu-a ye timi gholo auvae, eno pa ye timiqo gholo xüacheuve nani. Panongu ye paw timi shive nani, eno Alhou ampi no panongu gholo anani eno panongu Lhou shive nani.

Sumi Naga CL (Re-edited) Bible (BSI)

³ Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 21:3 ပူးပေါင်းရင်းမြစ်များ

KUKAMI ATUGHIU 8:27

“Ikemu O Alhou, noye kuchouno ayeghilo acheni kesha? Kughengu kungugha thotsu oqhilukepu a-a ililai moe, tishiaye kishi puzu ino akumllaki hipau shipuakeuno ililai luni kya?

YEKIKITHI AKINIU 6:18

Ikemu O Alhou, noye kuchouno timi gholo xulu nanima? Julo, kungugha eno akiqheu kungugha ghi oghenguno tulalo. Tishiaye ino achineki shikeu hiye kishino oghenguno lumkhania?

IPEKULU 25:8

Timiqo pelo ighenguno akimthe phiki lakhi shipe masa tishi anguno ino panoqo gholo ngoni.

IPEKULU 29:45

Ino Israilmi gholo ache nani eno niye panoqo Lhou shive nani.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

EZEKEL 43:7

“Thinikuau timio, ikuka lakhu hile ani. Niye hile Israilmi gholo acheuve nani eno alhokupuju panoqo shou ayehpe nani. Israil lo akemiqo pina momu pano kukamiqo namu kutau lhouqo mlla puzu momu hipa-alo pano kukami sukumo qhokeu lono itaghi ije kimthe shipixi kithemove nani.

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 8:8

Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

2 Kor. 6:18

eno ino nongu paPuh shive nani, nonguno inuliqo eno ingaqo shive nani, ipi Akughushu Mipeu no pike.”

1 Thes. 3:11

Ningu paPu Alhou ampino eno ni Mpeu Jisu Khristo no ningu pelo nongu lau ighilukepushi ala kichetsu peni.

IBRIMI 11:16

Tishinike zuqhulo, panonguye ayeghi akiviu, ti kungughalo akeu kumsukutu cheke. Tighenguno panonguno Alhou ye pano Lhou kepi pikeulo Alhou ye kujomzavemoe kughengu panoqo ghenguno pano aphughi lakhi kutopuanike.

IBRIMI 8:10

Ampeu no pi, Tipa tsalaqo thikhauno ino Israil kibolomi sasu puloshoqhi hipau shi nani, Ino iyezah pesu panongu kukumsulo sutsu nani, Ino tipau panongu mlolo yepukutsu nani, Ino panongu Lhou shive nani, Eno panonguye iwu timi shive nani.

IBRIMI 8:2

Shishe Akimthe-alo, tiye timino shikeu kumono Ampeu no shipe puakeu phiki kuchoulo achinetou kumla shi acheni.

Piyeküsü 10:4

Kughono tsutsukusu tsunino igha tavekeno, ino yepukuniye shike, ikemu atsutsu kudauno asutsa lakhino ishi pikeu ino chilu, “Tsutsukusu tsunino kiu piveakeno kusupe pualo eno tipau yepesu qhikevilo!”

Piyeküsü 10:8

Tileno kungugha kudauno iputsa keu sutsa huno itaghi ivilo ishipi, “Wupuzu azughi ngo ayeghi shou puthugho akeu kungumi ulono likuzu kaku lhaphepua keu ikhilulo.”

Piyeküsü 12:10

Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.

Piyeküsü 22:3

Alhou no ghushovekeu jeli kiumu aphughi tipaulo ithumla nani. Alhou kuka lakhu ngo Bheriti kuka lakhuye aphughi alou ake eno pa qemiqono pa mlla nani.

Piyeküsü 7:15

Tighenguno panonguye Alhou kuka lakhu zulo puthughono pa chinekilo putho pucho pa huthu anike. Akuka lakhulo iqa akeuno panongu susholu nani.