Piyeküsü 21:14 - BAIBEL (BSI)

¹⁴ Aphughi puwupe akeu huye atuqu chighikini shouno shipukupe puae, atuqu tipaqo shou Bheriti wu apostolmi chighikini je yepukupe puake.

Sümi Tiqhelimi Bible

¹⁴ Akimthe Mishighüna aliwo kuputu ye aboqha-tu chighikini ae, eno aboqha-tu tipaqo lo Ambeti’w apostolmi chighikini je yèpüae.

Sumi Naga CL (Re-edited) Bible (BSI)

¹⁴ Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 21:14 ပူးပေါင်းရင်းမြစ်များ

ISAIAH 54:11

AMPEU no pi, “O Jerusalem, no-aghime shikicheu, akukuphu kukuhau phughi, milakhimu olokughuno tsuni keu kuhakeu, Ino akughupu tu pesu ophughi boqha shiqhepukunike.

MATTHEW 16:18

Ike ino ovilo pini, noye Pitor ke eno atuqu eno atuqu hipau shou ino ikukuhou shipukuni, eno akithi ghime kuka pimu tipau shou tokulu shimla nani.

Apostolmi 1:26

Tishieno panonguno pama dolo asaqhiju ike Mathia shou asaqhibeluve eno paye apostolmi chighi qhaqhi gholo kihikuqha luve.

Galatiami 2:9

Alhou no amakho hipau itsuke akukuholo sakiphemi shiaghikeqo, Jems, Pitor eno Johan ishino ithulu puzu panonguno Barnaba ikujo sasu aqo lakhi kepi petha shino kuposhulu. Nino Judakumomi gholo mla wunikeu shi eno panonguno Judami gholo mla nikeu shi kughalue.

Ephesiami 2:20

Nonguye apostolmi ngo Alhouw tungkupmino aboqha shipuzu shiqhepukukeu ki lakhi ake, tipau puqhe akeu tuqu huye Khristo ke.

Ephesiami 3:5

Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

Ephesiami 4:11

Pano kumsagho tsukeuye khamino apostolmi, khamino Tungkupmi, khamino tsavipemi khamino Pastormi, khamino Shikukami shipeniyeke.

IBRIMI 11:10

Kughengu Abraham ye Alhou no kughuphe eno shipeqhi keu phughi, khipau boqhano mutotoi keno tipau phughi kheju ache.

Jude 1:17

Ikemu nonguye hi kumsuchilelulo, kimiyechekemiqo, ni Mpeu Jisu Khristo wu apostolmino azunatha ghi nongu vilo pivae.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 21:13

Puwupe puakeu jibo lakhikhilo khagho kuthuthu ae, kuthuno kipelau, kuthuno apeu, kuthuno ahuu eno kuthuno kulolau ishi ae.