Piyeküsü 20:4 - BAIBEL (BSI)

⁴ Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Sümi Tiqhelimi Bible

⁴ I no aküka lakhüqo ithulu eno tipaqo lo küghathabe penike kükagha tsüve kemiqo no iqa ae. Eno Jisü ghili pesü ashepe shi eno Alhou tsa pesü asheshu keu ghenguno akütsü lovetsü kemiqo ghungu I no ithulue. Panongu ye tüghashi momu tipau julho mülámoe eno panongu ye panongu kishe momu panongu u lo tüghashi michi xapumoe. Panongu ye xüchilethuve no Khristo gholo ampe qhethonhe lakhi ayè pe ke.

Sumi Naga CL (Re-edited) Bible (BSI)

⁴ Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

Piyeküsü 20:4 ပူးပေါင်းရင်းမြစ်များ

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:18

Akughushu Lhou timiqono ayehkipe kuka ithuluveno alholo pecheuve nani.”

DANIEL 7:22

Tileno alholono acheghi keu lakhi huno ipeghino Akughushu Lhou wu timi saphu ghi atsa kugha xatha vetsu. Alhou wu timiqono ayehpe kuka ithulu nikeu do tove.

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

DANIEL 7:9

Ino ju akelono, akuka lakhuqo kutope qhiwo. Alholo acheghi keu lakhi huno akuka lakhuqo dolo lakhilo iqave. Pa phimini murasu toi metsughoi, pa sano amhiyeho akiviu toi, pa kuka lakhuye ami toi keu yeghikilu pukhuno mutu qhepe vuqai iqua.

MALAKI 4:5

“Ikemu AMPEU tsala kije eno akuighupu ighimoke zulo, ino Elija tungkupu nongu lau puwuni.

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

MATTHEW 24:10

Tipa ghulokilo timi kutomono pano kupulu pheve nani, lakhino lakhi pesu thechu shi nani, eno lakhino lakhi ju axesu nani.

Mark 6:16

Kughou Herod no hipau chilu keno pano pi. “Johan Baptist hu ino pa kutsu luvetsu pekemu paye xuthughivae!”

Mark 6:27

Ike akukauno mtazu ghushimi akhemi gholono lakhi hapuwu puzu Johan kutsu sughilopi ahza tsuve. Ghushimi no wuno akughuki lono Johan kutsu luvetsuno

Mark 9:11

Panonguno Jisu vilo hi iniju, “Kushiye Ayezah kukutsumino pikeuno Elija paghi ighimasae pikya?”

Luke 1:17

Tungkupu Elija kuka kumto toi pano Alhou ghinimi shi wu nani.Pano apuh noqo eno anuliqo saidewo kughokulu shitsu nani. Pano hekibidemiqo amikuchomi kukumsu lalo saideghi nani; eno kutope akeqo Ampeu wu timi shitsu nike hekutsu nani.”

Luke 14:14

eno noye kumghakeu ithulu nani; kughengu panonguye olochile mlae. Ikemu kivimi xuchileputhuke tsalalo Alhou no olochile nani.”

Luke 22:30

Nonguye ikukaqhalo igholo kumtsa chusho nani, eno nonguno akuka lakhulo iqano Israil lagha chighi kini shou ayehpe nani.”

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

Rommi 11:15

Kughengu panongu peve keuno ayeghiqhano Alhou sasu kulashiluaye, panongu ikhiluvekeuloye kiu shive nani kya? Hiye kithimi ghengu ghi akuxu shilu niae!

Rommi 8:17

Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 11:11

Ikemu atsala kuthuno tuxa thiu Alhou launo akuxupi tuthu ighi puzu pama lolo ilove, eno pamano puthugholuve eno pama ithulukemi kumtsuno shishe akichiqhive.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 11:3

Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”

Piyeküsü 11:7

Kughou pamano ashepe shikeu shikhaveni keno, aqohkutho lono ipeghikeu tughashi huno pama sasu aghushino pama shou toluve eno pama pithive nani,

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 14:11

Panoqo pitipuzaqhi keu michhiye alhokupujulo phoiku anani. Khunoqono tughashi ngo tipau julho shisukeu mlla cheni keno timi tipaqoye putho pucho khilemu akulho qhimla nani.”

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 2:26

Khunono theqhikulushi toluni eno ashekha kutolo ikumla peluni keno, ino iPuh launo akuka ithuluke toi panongu pelo ashiayeh peithalu kepu kuka ino tsu nani.

Piyeküsü 20:6

Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 4:4

Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.

Piyeküsü 6:9

Kughou Bheritino mekhakeu apunguu suphono lhaphe keno, Alhou tsa pesu asheshukeu eno amikucho shi ashepe shikeu ghenguno ghiqhivekemiqo akumllagho kiptia qholo aghikeu ino ithulu.

Piyeküsü 7:3

“Nino Alhou qemiqo kishelo chishidakepu pesu amichi shimphi kutolo nonguye ayeghi, azughi momu asuboqo shipusa kevilo.”