Piyeküsü 2:7 - BAIBEL (BSI)

⁷ Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Sümi Tiqhelimi Bible

⁷ Aghungu no akukuhouqo vilo kiu piani keno chilu nishi kemiqo pelo chilu pelo. Khuu no toluvea keno pa pelo Alhou ghuno-a lo aküxüpu sübo akeu lono chulu pe nikeu I no azah tsü nani.

Sumi Naga CL (Re-edited) Bible (BSI)

⁷ Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

Piyeküsü 2:7 ပူးပေါင်းရင်းမြစ်များ

BOTHUBO 2:9

AMPEU Alhou no ayeghi lono jukivi ithulu kepu subo ngo chulukepu subo kumtsu ipeghipe. Tile akuxupi subo aghutu mtalo ae, eno akivi ngo alhoksa ithilukepu subo ghi ae.

AHOLE 11:30

Amikuchono akuxupu tsucheni ikemu hekiqhi bukiqhi no tipau ikhisuwuve cheni.

AHOLE 13:12

Kughono lajupu chunudaveni keno amlo hephove anike ikemu lajupu huno kuchou shi ighiaye alokivino chhitoive nani.

AHOLE 15:4

Kimiyekini tsano akuxupu sughi cheni ikemu ayikusa tsano ongu agha chunudavetsu cheni.

AHOLE 3:18

Khunono alotsuveni keno alovi cheni; alokutsuno akuxupu panoqo tsu cheni.

EZEKEL 28:13

Noye Alhou ghutu Eden lo xuacheke eno akughupu tu jeli nicheke: rubi, hira, topaz, beril, karnelia jesper, safir, emeral eno garnet. Noye shunayino shikeu achila acheke. Tipaqoye olhoke tsala lono oghenguno mlape qhike.

EZEKEL 31:8

Alhou ghutulo akeu kedarsubo lakhimu tipau sasu kimighimla. Asahusubo lakhimu aloka tikithipu kuha, Aphisubo lakhimu titoi miniphoi keu kuhae. Alhou ghutulo asubo lakhimu titoi jukivi kuhae.

MATTHEW 11:15

Tishiaye, khunono ininishi ani keno pa pelo ini pelo!

MATTHEW 13:43

Tithiu Alhou wu timiqoye panongu papuh wu Ayehkipeqhalo tsukinhe toi yepuvu anani. Ininishikemi pelo ini pelo!”

MATTHEW 13:9

Eno Jisu no ishipi, “Khunono ininishi ani keno pano pelo inipelo!”

Mark 4:9

Jisu no ishi pi, “Chilunishikemi pelo inilu pelo.”

Mark 7:15

Ashouno kiu timi lolo ilokeno tiye pa shikuchhubeve chemo, ikemu timi lakhi lolono kiu ipeghikeno tipauno pashikuchhubeve cheni.

Mark 7:16

Khuno chilunishi anikeno pa pelo inilu pelo.”

Luke 23:43

Jisu no pa vilo pi: “Ino ovilo hi piani, ishi tsala lono noye igholo kungughalo aniae.”

Luke 8:8

Apiti hamiye ayeghi kivilo vesulu eno lho ipeghino alothi aqhe kutolo pithilu.” Jisu no hipaqo piveno ighamuku pi, “Nonguno chikulupu kini aghi aye, inilo!”

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

1 Kor. 2:10

Ikemu Alhou no pa Ghungu vechewo thime hipaqo ningu lau pephepiyevae. Aghungu no thwokha lhekide kudaju cheni, Alhou kukughu thonheyi kusupuakeu kutolo.

2 Kor. 12:4

eno tilauno timi kichi lono pimlakepu tsa eno timi kichi no pimlakepu pano pilu eno chiluke.

1 John 2:13

Apunoqo, niye nongu lau yepuwulu ani, kughengu abothu lono acheghikeu hu nonguno ithi ani. Lhothemiqo, niye nongu lau yepuwulu ani, kughengu nonguno Alhoksau shou theqhiluveke.

Piyeküsü 13:9

Khunono akini puani keno tipano pelo chilupelo!

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.

Piyeküsü 22:14

Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 22:2

aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.