Piyeküsü 2:23 - BAIBEL (BSI)

²³ Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Sümi Tiqhelimi Bible

²³ I no li nuliqo ghüza pe pìthíve nani. Tishive aye akukuhouqo kümtsü no ni ye timi mlo eno akükümsü phuju chekeu hu ke ipi ithi nani, eno I no nongu kümlà kiqi lono nongu lakhi-khi lau qesaxu tsü nani.

Sumi Naga CL (Re-edited) Bible (BSI)

²³ eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 2:23 ပူးပေါင်းရင်းမြစ်များ

YEKIKITHI ATUGHIU 17:18

Tinguno alau niye ovilo kiu pikepu ani kya! Nono tsaqui ni ithi ani eno tishimu oqeu lau gihu keu ae.

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

YEKIKITHI AKINIU 6:30

panongu kukhu kighini chilutsulo, oki kunguuno panongu tsa initsulo eno akipimi qhitsulo. Olikhino timi jeli kumtsu kukumsu ithi kicheuke. Timi lakhi lau shikuzupu lono peitha tsulo.

JOB 24:23

Alhou no pano pelo sushokulu shi eno mumbekulu shi xu aghi peluvi, ikemu pa nhethino pulhapuju pano kuxu jukuto acheni.

LESHELE 139:1

O AMPEU, nono ni hejuvae eno ni ithivae!

LESHELE 26:2

Iphujulo O AMPEU eno ipejulo, imlo eno ikukumsu pejulo.

LESHELE 44:21

Alhou, noye tipau phuluve nanike kughengu noye nimlolo kua tuqho tughou kumtsu ithi ani.

LESHELE 62:12

iqemokeu kikimiye huye olau achenike, O AMPEU, Kughengu pututano mlavekeu kiqi lono nono asaxu tsuchile cheni.

LESHELE 7:9

Kusakughamino alhoksa kumla shichekeu hakhave tsulo, Ikemu amikuchomi xaqhelo. Nono timi mlo eno timi kukumsu lheju chekeu, noye amikucho Lhou ke.

JEREMIYA 11:20

Tileno ino inikhu, “Aqokitikhi MPEU, noye achipishi xathachekeu lakhie; nono timi kukumsu ngo alou ithikeu jeli kumtsu peju cheni. Ino o-ulo ivehu kulhuqhivetsu ani, ike nono timi hipaqo shou amukhulu keu ipelo jukuto khe pelo.”

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 20:12

Ikemu Aqokitikhi MPEU, noye kuchoushi timi ijoju cheni; panoqo mlolo ngo akukumsulo kiu ani keno nono ithi ani. Tighenguno ighumi shou nono amukhu lukeu ipelo ithulu pelo, kughengu ino kiu ghenguno xua cheni keno oulo qhivetsuake.

ZEFANIA 1:11

Nongu aphughi chhiliu kudau akemiqono kughou hipau chiluni keno qanhenhe igha qalo, kughengu alhikishimi kumtsu thiveniake!”

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

John 21:17

Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

John 4:16

Jisu no pi, “Wolo, eno okimi kusasu ighilo.”

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Rommi 14:12

Ike ningu lakhikhino pututa shelo Alhou lau kihikulai tsukepu shi nani.

Rommi 8:27

Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

Galatiami 6:5

Kughengu pututa shelo amakho pukepu ani.

ZAKINIU 13:11

Tileno Israilmi kumtsuno kiu shive keno chilu nani; panonguye msave nani eno khunomu alhoksa tikithipu itaghi shimo nanike.

ZAKINIU 17:13

Tileno timi kumtsuno tipau chilu no msave nani eno khuu nomu tikithipu shikithemove nanike.

ZAKINIU 19:20

Tileno kumtsu ghano kiu shive keno chiluve no musave nani eno khuunomu ighumono alhoksa tikithipu shikidemove nanike.

ZAKINIU 21:21

Tileno taun tipaulo kuamino atu pesu pa veqhivelo eno tishi keu lono alhoksa hipau shipuhavelo.Israil lo akemi kumtsuno kiu shive keno chilu puzu musave nanike.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 20:13

Tileno azughino tipaulo kithimi akeqo pesu tsuve. Akithi eno kithila yeghi ghi tipaulo kithimi akeqo pesu tsuve. Panongu kumtsu pututano kiu mlapuaghi keno tipau kiqi lono kughathabetsu.

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

Piyeküsü 6:8

Ino jukeloye, phalayikeu khurshi lakhi aghi. Tipau shou iku puzu chekeu jeye akithi eno Hades no tipau punukhoi papeche. Panongu pelo aghukishi, puqumiye, kusukini eno tughashi peitha puzu ayeghilo timi kikije bidi shikelo lakhi pithivepeni keu shi akuka tsupe pua.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”