Piyeküsü 2:20 - BAIBEL (BSI)

²⁰ Ikemu niye oshou pikepu hi ani: Noye Jezebel atotiu lau kusuqhilukeu anike. Lino li likhi liye tungkupulimi kepi cheni, eno salhashupukeu ngo ajulho shisuno mllakeu chuqupu chupe nike lino shikapiye eno sakughuzuke.

Sümi Tiqhelimi Bible

²⁰ Tishiaghimu, ni ye O vilo hipau pi kepu ani: Nono Totimi Jezebel khuu li likhi li pesü tungkupumi lakhi ipi pi cheni keno li lau küsüqhi tsüke. Li kükütsü vechewo li no I qemiqo saküghüzü sasü kipito xüküpsa kümlà ngò ajulho müláve keu chuquqo chuve pe ke.

Sumi Naga CL (Re-edited) Bible (BSI)

²⁰ Ikemu Ni ye o shou xube kepu hi ani: Jezebel, khuu ampi no li ye tungkupliu ipi cheni keno, li no I qemi pelo shupu-salha eno asüatu julho mllave keu chuqupu chusho peniye shikabide eno müsü kutho chekeghi nono juzüve tsü cheni.

Piyeküsü 2:20 ပူးပေါင်းရင်းမြစ်များ

KUKAMI ATUGHIU 16:31

Akukau Jeroboam toi axine shivekeu likhi kumono tinguno alaughi paye Sidon lo akukau Ethbaal nga Jezebel sasu kulakupu shiveno Baal mllauve.

KUKAMI ATUGHIU 17:13

“Amlo sakivilo, “ pi Elija no li vilo pi. “Wono oghulhu kutolo. Ikemu atughushi nono kiu anikeno tipau pesu asho aghulo lakhi mlano pesu ilau sughilo eno tithiuno achili aghikeu pesu onu okujo sala kutolo.

KUKAMI ATUGHIU 17:4

Tipau ghokino opelo yekulupushi azu otsu nani eno agha pelo ochuqupu pekishe susu ighipe nike ahza tsuvae.”

KUKAMI AKINIU 9:22

“Noye kulashinike ghenguno cheni kesha?” ipi Joram no pa iniju. “Kiu kulakishi tsa pi anikya kughengu tumumi eno asu-atu oza Jezebel no huthuphe tsukeu ishi kutolo ningu gholo aphikeno kiu?” ipi Jehu no khochileve.

KUKAMI AKINIU 9:7

Noye ompi shikicheu akukau, ti Ahab nu heqhive masa eno ino Jezebel shou aghime tsuni kughengu lino iwu tungkupumi eno iqemi kutamiqo pithivetsuke.

IPEKULU 34:15

Aghakhulo timiqo sasu alashikeu shoqhi shi kevilo kughengu kughou panoqono kichile lhouqo mlla eno tipaqo lau aghashini keno panonguno panoqo gholo supeniye nongu kusu nani eno nongu pelo pano lhouqo lau mllavekeu chuqupu chupenike nongu ghukeluve nani.

EZEKEL 13:17

AMPEU no pike, “Thinikuau timio, itehiye nowu timiqo gholo totimi ashe-azu tsa pichekemiqo julo. Panoqo hachilelo

Apostolmi 15:20

Ikemu panoqo lau yesu yepe puwu kepu eno panoqo vilo asu-atu chineno kitiqevekeu chuqupu chupemonike, salha shupu pemonike; eno tsukiqhikeu lhoxu ngo ahji ishi chumokepu shi pivekepue.

Apostolmi 15:29

asu-atu chine mllavekeu chuqupu chukevilo; ahji chukevilo; tsukiqhikeu lhoxu shi chukevilo; salha-shupukevilo. nonguno hipaqo lono kutokupuyi napiaye, nonguye achipi shilu nani. Akivishi alo.”

1 Kor. 10:28

Ikemu timi khualano ovilo, “Hiye alhoaye julho mllavekeu ke,” ipi aye timi khuno ovilo, tipau pikeno timi tipau kivikusa lokutsu shipusamo nike ghenguno, tiye owu kivikusa lokutsu kumo puzu kutami wu kivikusa lokutsu ghenguno, alibe tipau chukevilo. Ikelo ishi piluvi, “Kushiye kutami wu kivikusa lokutsu pelo ino kiu shikulupu shiani keno lakha apeni kya?

Piyeküsü 2:14

Ikemu niye oshou thime lakhi kini pikepu ani: ogholo timi khamino Balaam kukutsu pape cheni. Balaam no Balak pelo Israilmi zusawo ajulho shisuno mllakeu chuqupu chupenikeushi shika eno Israilmi pelo salhashupuve peniye shikake.

Piyeküsü 2:4

Ikemu niye oshou hipau pikepu ani: noye atughulo hutoi ikimiye chemovae.