Piyeküsü 2:19 - BAIBEL (BSI)

¹⁹ Ino okumlaqo ithiani — kikimiye, akukuphu, akupulu, kheakulushi mlakeu ino ithi ani. Atughilo nguno itehino alaushi mla akeu ithi ani.

Sümi Tiqhelimi Bible

¹⁹ Nono shikeqo, ow kikimiye ngò aküpülü, O kümlàqo eno nono tsükhoi shikeu eno nono atüghi lo mülà keu nguno alau itehi mülà akeu I no ithi ani.

Sumi Naga CL (Re-edited) Bible (BSI)

¹⁹ “‘O kümla, o kikimiye, aküpülü, hukuthu, kutuokutuu puqhe chekeu, eno püzüu kümlaqo kiyeve ghi itehiu pavi mla akeu kümtsü I no ithi ani.

Piyeküsü 2:19 ပူးပေါင်းရင်းမြစ်များ

JOB 17:9

Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

LESHELE 92:14

Kitemi shiveke thiu ghi athi pithi ketoi nani eno pulhapujulo xuthilei eno mutotoi anani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

Luke 1:23

Achinekilo akumla shikeu tsalaqo kupu khave kethiu Zakharia ye pa kilo idewove.

John 15:2

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

1 Thes. 3:6

Ikelo itehi Timothi ye nongu launo nilau ideighiva eno nongu kupulu ngo nongu kikimiye ghili pesu ighino nipithivae. Pano nivilo pikeuno nonguye pulhapuju akivi launo nikumsulu acheni eno nino nongu ithulu nishi kumsu akehu toi nongu ghi niithulu nishi aniepi chiluke.

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

1 Peter 4:8

Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.

2 Peter 1:7

Alhou lau amlo tsuqhiyikeu shou Khristomi kimiyekilekeu pesu veqabelo eno Khristomi kimiyekilekeu shou kikimiye pesu veqabelo.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Piyeküsü 2:9

Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.