Piyeküsü 2:18 - BAIBEL (BSI)

¹⁸ “Thuatira kukuhoulo kungumi akeu lau yelu ani: “Atsape hipauye Alhou Nu, ami mili toikeu nhethi puakeu eno alazayi pitikutsughu pesu mulapuyi aketoi keu pukhu puakeu launoke.

Sümi Tiqhelimi Bible

¹⁸ “Thyatira lo akukuhouw kungumi lau yèlu ani: Atsa hipaqo ye Alhou Nu tsa ke. Pa nhethi ye vüqalei keu ami toi ke eno pa pukhu ye alazayi piti kütsüghǘ pesü mülapuyi akeu toi ke.

Sumi Naga CL (Re-edited) Bible (BSI)

¹⁸ “Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 2:18 ပူးပေါင်းရင်းမြစ်များ

LESHELE 2:7

Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

DANIEL 10:6

Pa phino qhivutsuni akughupu tu toi. Pa gino tsu-tsupha ighike kuvu toi vuqai eno pa nhethino ami iqu akeu toi. Pa umlo eno pa pukhuno alazayi thakutsughu pua ketoi ilompui, pa sutsaye aqo kitikhi no igha ipeghi ke toi.

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

MATTHEW 3:17

Tile kungugha launo asutsa lakhino ishipi. “Hiye iNu ino qhuyivulayi chekeuke, pa shou imlokiqi acheni.”

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 10:36

Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:18

Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

John 5:25

Kuchouno ino nongu vilo pini, aghuloki hu cheni, kithimino Alhou Nu sutsa chilu nikeu ghuloki hu cheni, eno aghuloki hu ighiva, eno pa sutsa chilukemi qoye xulu nani.

Apostolmi 16:14

Ningu tsa iniakeqo gholo totimi lakhi je ye Ludia. Liye Thiyatira ghami eno huzuyikeu tiphimini jechekemi, eno liye kuchou shi Alhou mllache. Ampeu no li mlo xukhotsu puzu li pelo Paul no pikeulo amlo tsuqhiyilu pe.

Apostolmi 8:36

Panonguno chesusu iqichekelo azu akeu-alo ighi, ike khashishivekemi huno pi, “Julo, azu hi ani. Baptiz shiluve nikeulo kiualano ilakha kepu ani kesha?” [

Rommi 1:4

ikemu akimthe pa nguagha vechewo akithi lono xuchile puthuveno akuka akeu Alhou Nu kepi pephepiye. Khristo jelono ashiayeh kumtsu akupulu eno aghokulu lono saphe peniye,

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.

Piyeküsü 2:24

Ikemu Thuatira lo nongu khunoqono akukutsu lhoksa hipau pechemo keno, nongu khunoqono ‘Satan wu tuqhotugho’ akeu ithive akeno, nongu vilo ino hi piani: niye nongu shou amakho kutau betsuamoe,