Piyeküsü 2:17 - BAIBEL (BSI)

¹⁷ Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Sümi Tiqhelimi Bible

¹⁷ Aghungu no akukuhouqo vilo kiu piani keno chilu nishi kemiqo pelo chilu pelo. Khuu no tokuluu keno, I no manna küsüpüa keu khami pesü tsü nani. Tisheno I no itaghi atu miyetsüghoi keu lakhi lo aje kithé lakhi yèpuku no timi tipau tsü nani. Eno tiye timi khuu no tipau ithuluni keno pa likhi no ithi nani.

Sumi Naga CL (Re-edited) Bible (BSI)

¹⁷ Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 2:17 ပူးပေါင်းရင်းမြစ်များ

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

LESHELE 36:8

Nono achuqupu kupukunoshi tsukeu ninguno ilhu acheni; eno oghoki kivi lono ipeghikeu ningu pelo yechenipe.

IPEKULU 16:33

Muse no Aron vilo pi, “Abohu lakhi lupuzu tipaulo Mana ahu kimghi lakhi sulo eno tipau pesu AMPEU no akeu alo qhilo, tiye nipolo kughukomi ghenguno qhilo.”

AHOLE 14:10

Alolo alokivi akeumu kukhu kimiji akeumu owke, khunomu osasu tipaqo kusaje mlae.

AHOLE 3:32

kughengu alhoksa shiche kemiye AMPEU no mithi cheni ikemu akumzumi ye pano pulube acheni.

ISAIAH 56:4

AMPEU no tikithipu timi vilo ishi piani, “Nono Sabat pinyikeu lono igihu aye eno nono ilokepu kumla mla eno pukhube kulupushi iwu puloshoqhi peche aye,

ISAIAH 56:5

nono atianuli lhopesu aghikepu shi akeu nguno ado kushuwa kuto ichinekilo ngo iwu timiqo gholo oje kumsu acheuve nani. Khilemu okumsumavemo nanike.”

ISAIAH 62:2

Jerusalem, nono toluakeu ashiayeh qono ithulu nani! Pano kukamino ojukuvu ithulu nani. Noye ajekithe pesu oku nani, Aje tiye AMPEU ampino tsukeu.

ISAIAH 65:13

Ikehu ino nongu vilo pinike khunoqono igholu eno imllani keno lukumkhashi chu shokepu anani, ikemu nonguqoye muzuthi, tughuthi nani. Panonguye alokivishi ikemu nonguqoye kujomzakepu shi anani.

ISAIAH 65:15

Ino kisheluvekemi timiqono nongu je peitha puzu musuini nani. Ni AMPEU Alhou no nongu pithive nani. Ikemu khunoqono igholu keno tipaqo lau ino aje kithe lakhi tsu nani.

MATTHEW 13:11

“Kungugha yehkipe tuqhouqo ithipe nike nongu lau tsuvae, ikemu panoqo lauye tsu puamoe.

Mark 7:16

Khuno chilunishi anikeno pa pelo inilu pelo.”

John 4:32

Ikemu Jisu no khochile, “Ino achuqupu chukepu akeu nonguye mthae.”

1 Kor. 2:14

Ikemu Aghungu Kimthe sumono xuchekemiye Alhou Ghungu launo kumghagho ighilu chemoe. Pa ghenguno tipaqoye mbomzuke eno paye tipaqo ithikuthumlae, kughengu Aghungu likhino tipaqoye amekuapu kiu keno kiqiphelu cheni.

Kolosiami 3:3

Kughengu nonguye thive ake eno nongu kuxuye Khristo gholono Alhou no kusupe anie.

Piyeküsü 14:3

Panonguye akuka lakhu zulo eno xuakeu lhoxu bidi zulo eno muchomiqo zulo puthugho pe ale akithe lakhi pheae. Ayeghi lono xachileluvekemi 144,000 likhino kumoaye timi kutami khunomu ale tipau phethini chemoe.

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 3:22

Khunono akini puani keno Aghungu no akukuhouqo lau piakeu chilupelo!”

Piyeküsü 3:6

Khunono akini puani keno Aghungu no akukuhouqo lau piakeu chilupelo!”