Piyeküsü 2:14 - BAIBEL (BSI)

¹⁴ Ikemu niye oshou thime lakhi kini pikepu ani: ogholo timi khamino Balaam kukutsu pape cheni. Balaam no Balak pelo Israilmi zusawo ajulho shisuno mllakeu chuqupu chupenikeushi shika eno Israilmi pelo salhashupuve peniye shikake.

Sümi Tiqhelimi Bible

¹⁴ Tishiaghimu, ni ye thime hami O vilo pi kepu ani: Nongu dolo khami ye Balaam kükütsü pape chekemi ani. Balaam ye Israelmiqo zü sasü axiné shive peniye Balak shika ke, eno tishi keu vechewo Israelmiqo ye ajulho lhou müláve keu chuqu chuve eno kipito xüküpsa kümlà shike.

Sumi Naga CL (Re-edited) Bible (BSI)

¹⁴ Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:14 ပူးပေါင်းရင်းမြစ်များ

ISAIAH 57:14

AMPEU no pi, “Iwu timiqo pelo ilau ideighi pelo. Panongu laghi lono lakukha kugha kumtsu ikhivelo! Ala ghelo eno tipau kutope qhilo!”

JEREMIYA 6:21

Ikehu ino timi hipaqo pelo kupuxalupe eno veqhipe nani. Apunoqo ngo anuliqono thive nani, tihutoi shompami ngo akisughumi ghi thi nani.”

EZEKEL 3:20

“Tsala timi kivimi lakhino axine kumla shiuve puzu shiluksa sholuamu nono pa vilo pitsumo aye paye pa xine ghenguno thive nani eno pa kumla kivi kihitsumo nani, ikemu pa kithi makho ino oshou betsu nani.

EZEKEL 44:12

Ikemu panonguno Israilmi ghenguno asu-atu julho mllakeu peithatsuke ghenguno eno tishikeu lono timiqo axinelo musu sawu kehu ni, Akughushu MPEU no tsaquino tushoqhi anike panonguye ghimeqhi masani cheni.

AKIKIHI 24:14

Balam no Balak vilo pi, “Itehi niye niwu timiqo lau idewove niake ikemu ino wumphi lono Israilmino ighinikeu lo nowu timiqo shou kiu shinani keno ino okutughuve tsunike.”

AKIKIHI 31:16

Totimino Balam kukutsu pape wuve no Peor lo timiqo pelo AMPEU lau amikucho kumo shivepe kepi kumsu mla kesha? Tino AMPEU wu timiqo shou pusa kusu sughike.

AKIKIHI 31:8

tipaqo gholo Mediyami kukami pungu ghi pithive tsu: Evi, Rekem, Zur, Hur eno Reba. Panonguno Beor nu Balam ghi pithivetsu.

MATTHEW 18:7

Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

Apostolmi 15:29

asu-atu chine mllavekeu chuqupu chukevilo; ahji chukevilo; tsukiqhikeu lhoxu shi chukevilo; salha-shupukevilo. nonguno hipaqo lono kutokupuyi napiaye, nonguye achipi shilu nani. Akivishi alo.”

Apostolmi 21:25

Ikemu Judakumomi khunoqono pululuve akeno ninguno panoqo lau yesu lakhi tsuva eno panoqo vilo ninguno kughathalukeuno panonguye asu atu pesu ajulho shisuno achuqupu pesu tipau mllakeu chumoni, ahji ngo tsuqu-qhi pithikeu lhoxu shi chumoni eno salhashupu moni ishikeu pivae.”

Rommi 11:9

David no pi: “Panoqono tiqhetini shiake lono meluve eno khasuluve pelo, aqoh lo ilulovepe eno ghimevepelo.

Rommi 14:13

Ikehu ningu lakhino lakhi shou kughathabekeu hu qhiveni nolo. Tipa zuqhulo, othikuzuu pelo shokukho kepu kiumu qhitsumoni momu axinelo ikiqipemoni.

Rommi 14:21

Othikuzuu pelo shokukholu pemonike ashi chumo, aji shomo momu kiumu shokukholu kepu shimo keuno achipi.

Rommi 9:32

Kushiye tishive kya? Kughengu panonguno akupulu vechewo hamo puzu akumlaqo shou pukhube kehue. Panonguye pusupuku kepu tu shou pusu pukulu,

1 Kor. 1:23

ikemu ninguno Khristo kros lo yedavekeu pesu asheshu cheni. Judami ghenguno tiye shokukho kepushive eno Judakumomi ghenguno tiye anikha tsa shive;

1 Kor. 7:2

Ikemu kipti toti dolo mithemokeu shishe ighukepu shi anike ghenguno timi kumtsuno pututa nipu akepu eno totimi kumtsuno pututa kimi akepue.

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

JOSHUA 24:9

Tithiu Zipor nu Balam vilo nongu ghushove lopi atsa pi puwue.

1 Peter 2:8

Ike tipauye, “Timino kupuxalukepu tuqu lakhike panoqo pelo veqhivepe nikeu tuqu lakhike.” Panonguno kupuxalukeuye atsa papelumokeu ghenguno panoqo pelo tishivepe nikeushi Alhou no kughupe qhiveke.

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.

Piyeküsü 2:20

Ikemu niye oshou pikepu hi ani: Noye Jezebel atotiu lau kusuqhilukeu anike. Lino li likhi liye tungkupulimi kepi cheni, eno salhashupukeu ngo ajulho shisuno mllakeu chuqupu chupe nike lino shikapiye eno sakughuzuke.

Piyeküsü 2:4

Ikemu niye oshou hipau pikepu ani: noye atughulo hutoi ikimiye chemovae.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.