Piyeküsü 2:13 - BAIBEL (BSI)

¹³ Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Sümi Tiqhelimi Bible

¹³ Nono khile acheni keno Satan küká lakhü ghí tilehi ani kepi I no ithi ani. Tishiaghimu no ye I je phevemo ke. Iw pükhübekulu thopiu Antipas pesü ow mishighüna khilehi Satan no ngo cheni keno tilehi no pa pìthíve ke ghuloki lo ghí no ye I shou aküpülü akeu phevemo ke.

Sumi Naga CL (Re-edited) Bible (BSI)

¹³ “‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 2:13 ပူးပေါင်းရင်းမြစ်များ

MATTHEW 10:23

Kughou timino taun lakhi lono nongu shikimighiqhini keno kutau lakhilo koha povelo. Kuchouno ino nongu vilo pini, nonguno Israil lo taun kumtsulo wukhamla aphi lono Timi Nu ye ighive nani.

MATTHEW 24:9

“Tileno timino nongu shikighime nike kughaluve nani eno nongu pithive nani. Nonguye ilaumi ke ghenguno timi kumtsuno nongu ju axesu nani.

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

Luke 21:17

Kumtsuno ighenguno nongu mithi nani,

Apostolmi 22:20

Kughou oshepekishiu Stifan pithi akeno nighi tile ae eno achipishi aniepi pulokuqha tsuae, eno pa pithikemiqo phimini hekutsu kiyi tsuae.’

Apostolmi 9:14

Paye oje pi aghikemi kumtsu tshuluni aye achinetomi launo ahza lupesu hilau ighi ani.”

1 Thes. 5:21

ikemu thwokha kumtsu chhejulo kiu akivi keno tsuqukhoyi luvelo;

1 Tim. 5:8

Timi khuu khuumu abolomi hejumokeuye eno tiye akhotono asholokumi hejumokeuye akupuluchine phevae eno paye pulumokemi nguno alhoksauke.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

IBRIMI 10:23

Ninguye khilemu ithamo puzu ninguno kugha-kuptsa chekeu lajupu mutotoi tsuqupeni nolo, kughengu Alhou ye pano piqhikeu penani kepi ninguno pa pukhulu nani.

IBRIMI 3:6

Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

James 2:7

Alhou no aje kivi khipau pesu nongu tsukeno tipau je kinimino thaigha chenike kumo kesha?

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 11:3

Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 13:2

Ino ithulukeu tughashi tipauye angushu toi, tipau pukhuye ava pukhu toi eno tipau kichiye abongushu toi. Dragon huno pa kuka ngo palakhu eno payehkipe kuloghi pesu tughashi tsu.

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 17:6

Totimi huye Akimthemi jih eno Jisu ghokulu shike ghenguno pithivekemiqo jih shomzupusu ae. Ino kughono li ithulu keno niye shishe akumzave.

Piyeküsü 2:2

Ino okumlaqo, oghichheghime eno nono kutuukulu shikeu ithitoi ani. Noye alhoksami pelo tishi shiape nishi chemokeu ino ithi ani. Khunono pano likhi pano pesu apostolmi ipiche keno tipaqo nono miqejuke eno panoqoye kimkimi shiaghike.

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.

Piyeküsü 3:3

Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.