Piyeküsü 19:6 - BAIBEL (BSI)

⁶ Tileno timi aqokitikhi ghugha hutoikeu, azuphapha kuloghino igha akeu ghugha toikeu, tsutsukusu toikeu sutsano ishi pikeu ino chilu: “Alhou sheqhelo! Kughengu Ampeu, niLhou Akumtouye Akukau ke!

Sümi Tiqhelimi Bible

⁶ Tipathiu timi aqokitikhi kijè no azü qowu akeu ghügha eno tsütsü-küsü kuloghi toi keu ghügha lono ishi ighamuku keu I no chilu: “Hallelujah! Kughengu ningu Mpeu Alhou Akughushuu no ayè pe anie.

Sumi Naga CL (Re-edited) Bible (BSI)

⁶ Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

Piyeküsü 19:6 ပူးပေါင်းရင်းမြစ်များ

JOB 40:9

Noye Alhou-u kumto toi ani kesha? Momu noye pa toi keu sutsa kumgha ighalu nani kesha?

LESHELE 47:2

AMPEU, Shishe Akiqheu ye sumsa kepuke; paye akukau kije lakhi, ayeghiqha kumtsulo ayehpe acheni.

LESHELE 47:7

Ayeghiqha kumtsu shou Alhou ye akukauke; alejo phepe pa sheqhelo!

LESHELE 77:18

Owu tsutsukusu vepho iqighikeu hu kulusawuve, eno tsutsupha kukulono ayeghiqha yepuvuke; ayeghino khokhoshi ithake.

LESHELE 93:1

AMPEU ye akukauke. Paye akughushuu eno akumto pepusu ani. Ayeghiye pa alo mutotoi qhipe puani eno ithave pemlake.

LESHELE 97:1

AMPEU ye akukau! Ayeghino alovilo! azughilo zudoyeghiqo, nongu alokivishilo.

LESHELE 97:12

AMPEU no kiu mlaqhi keno tipau ghenguno alovilo! Akimthe Lhou no kiu shitsukeno kumsululo eno pa shikimthilo.

LESHELE 99:1

AMPEU ye akukau; timiqoye msa khokhoshilo. Pano kerubim chishibo shou pa kuka lakhulo iqa eno ayeghi no ithae.

ISAIAH 52:7

Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

JEREMIYA 51:48

Babilon ye kughono ahuu kudauno tipau kutsale nike ighikemi ulo ikiqi iloveni keno ayeghilo ngo atsutsulo akeqo kumtsu ghano alokivishi ighamuku nani.

EZEKEL 1:24

Yewu kelo panoqo chishibo sutsa ino chilu, tiye azughi ghugha toi, aghushimi muqo sutsa toi, Akughushu Lhou sutsa toike. Panonguno yewumono ngoveaye panoqo chishibo ghokutsuluveke,

EZEKEL 43:2

ike Israil lhou akeu kuvu saghu saghuikeu kipela kudauno ighikeu ino ithuluke. Alhou sutsaye azughi ghugha toi ighake eno ayeghiye saghu saghuikeu kuvuno yepuvu ake.

MATTHEW 6:13

Ghukujulo ningu sailotsu kevilo, ikemu Alhoksau launo nixaphetsulo.

Piyeküsü 1:15

Pa pukhuye alazayi pitikutsughuveno phupuyi akeshi mulapuyike, eno pa sutsaye aghokiqo ghugha toike.

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Piyeküsü 12:10

Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.

Piyeküsü 14:2

Ikelo kungugha lono azu chhekidepiqi keu ghugha toi keu lakhi ino chilu. Asutsa tiye tsutsu kusu toike. Ino chilu keu sutsa huye alebo kuyighamino ale phekeu sutsa toike.

Piyeküsü 19:1

Hipa tikhau, kungughalo timi aqokitikhi sutsa toikeu ino chilue. Tipau sutsaye ishi chilu, “Alhou sheqhelo! Xakulupu, akimthe jekipi eno akukaye niLhou wuke!

Piyeküsü 19:4

Muchomi mukubidi ngo xuakeu lhoxu bidi huno itsaqi puzu Alhou akuka lakhulo iqa akeu mllaghi ishipi, “Amen! Alhou sheqhelo!”

Piyeküsü 21:22

Niye aphughi tipaulo achineki ithumlae, kughengu tipau phughi chinekiye Ampeu, Alhou Akumtou eno Bheritike.

Piyeküsü 4:5

Akuka lakhu lono tsutsupha eno tsutsukusu sutsa ipeghi. Tipau gizulo akulu tsuni iqu ake, tiye Alhou kimthe ghahwu tsuni huke.

Piyeküsü 6:1

Tileno Bheritino likuzu kaku mekhapuakeu tsuni gholo atughiu suphono lhaphe keu ino ithulu, ikelo akuxu akeu lhoxu bidi gholo lakhino tsutsukusu ghugha kimihi lono ishipi, “Ighilo!”

Piyeküsü 8:5

Tileno kungumino tsungquyikeu kiptibohu ikhilu eno agho kiptia lono ami hipesu tipaulo suno ayeghi shou vepuku. Tileno kong- kong shi tsutsu-sue, tsutsu pha kulo eno ayeghi ilue.