Piyeküsü 19:20 - BAIBEL (BSI)

²⁰ Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Sümi Tiqhelimi Bible

²⁰ Ikemu tüghashi hu ye küghaluve, eno pa gholo kichileu tungkupumi khuu no pa züqhu shi amichipu kümlàqo shi akeno tipaqo ghí küghaluve. Amichipu hipaqo pesü pa no tüghashi michi xapu akeqo ngò pa julho mülá chekeqo pishiqhike. Tüghashi ngò kichileu tungkupuu pama ye kügha pesü ami no piti akeu amichu yizükucho lo aküxü no vesüve.

Sumi Naga CL (Re-edited) Bible (BSI)

²⁰ Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 19:20 ပူးပေါင်းရင်းမြစ်များ

BOTHUBO 19:24

Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

JOB 18:15

Pano sasu ngochemo keuno pa kilo aniae, ino baras pesu paki lekuxu niae.

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

ISAIAH 34:9

Edom ghokiqoye alikatra kughulhove nani eno ayeghi ye amichu ilhouve nani. Aghakhu kuchopu alikatra toi piti nani.

EZEKEL 24:5

Bheri akiviu shi peithalo; ali qholo asu sughulo. Azu muqhokide pelo; aghi ngo ashi lholo.”

EZEKEL 38:22

Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

DANIEL 11:45

Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

DANIEL 8:24

Paye ighono akumto anani ikemu pa kumto tipauye pa kukano kumo. Puhavekepu shikupsa pano huthuphe tsu nani eno pano kiu shikeno thwokhalo tokulu shi nani. Akuka kughushu timiqo eno Alhou wu timiqo shou puhavekepu shikupsa sughi tsu nani.

DANIEL 8:26

Kungunhetsuno ithukulu hi inaqhe eno avelau ghiqhipe mllakeu ghili kiu ino hephopiyeve keno tipau kuchouno shikupu nani ikemu ado kushuwa chephike kusupe qhi puaghilo.”

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

JOSHUA 8:23

Ai kukau nguno alauye khumu pomlave. Pa ghi kughaluve eno Joshua lau sawuve.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Piyeküsü 17:12

“Nono akibo chighi ithulukeu huye kukami chighike, panonguno ayehpe kepu kuka peitha mphi, ikemu tughashi gholo kumtsa ayikihedo lakhi ghenguno kukami toi ayehkipe pushi akuka ikhilu nani.

Piyeküsü 19:19

Tileno tughashi ngo ayeghilo kukami eno panoqo ghushimi khurshi shou ikupuzu chekeu ngo pawu ghushimi sasu aghushiniaye kumqokeu ino ithulu.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

Piyeküsü 9:17

Ino kungulonhetsulo khurshiqo ye hitoi ithulue: khurshi shou chekemiye ayikutuqhokeu mla-kuxa pepu ae, tiye ami toi huchui, safir toi tsulabeyi eno amichu toi awunye. Khurshiqo kutsuye abongushu toi eno ami, amichhi eno amichuno panoqo kichi lono ipeghi.