Piyeküsü 19:18 - BAIBEL (BSI)

¹⁸ Ighilo eno kukami shi, Generalmi shi eno ghushimiqo shi chulo; khurshi ngo tipa shou ikuchekeqo shi timi kumtsu shi, aquaxemi timi qechemokemi shi eno kijemi kitilami shi chulo!”

Sümi Tiqhelimi Bible

¹⁸ tishianguno nongu pelo kükamiqo, ghüshimiqo shou atou eno aghütomiqo, khurshi eno tipau küsámiqo, kuqhopheve kemi eno aqüaxemiqo, kijemi eno kitilami kümtsü shi chu peniye ke.”

Sumi Naga CL (Re-edited) Bible (BSI)

¹⁸ kükami shi chukepu shi, keptenqo shi, akumtomi shi, khurshi ngo tipau sakichemi shi, timi shi, ti ye ililai kemi eno aqüaxemi, kijemi eno kitilami, kümtsü shi chukepu shilo.”

Piyeküsü 19:18 ပူးပေါင်းရင်းမြစ်များ

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 19:7

Hipa-a lono Juda ngo Jerusalem lo akemi qono kughuchhope aghikeu kumtsu ino hexavetsu nani. Ino pano ghumiqo pelo panoqo shou toluvepe eno aghukishi lono panoqo pithivepe nani. Ino panoqo kithi kumo pesu aghau ngo tughashiqo chuqupushi tsuve nani.

JEREMIYA 34:20

Ino panoqo pesu khunono panoqo pithi nishi cheni keno tipaqo ulo suvetsuni eno panoqo kithi kumoye aghau ngo tughashiqono chuve nani.

JEREMIYA 7:33

Akithi kumoye aghau ngo tughashi chuqupu shive nani, eno khunomu lhoxu tipaqo shikumsa kemi kuhave nani.

EZEKEL 29:5

Ino noghi eno akha kumtsu asayeqhalo vepuwuve nani. Ophi mpiye ayeghi shou iluqive nani eno qhomono qhive nani. Ino aghauqo ngo tughashi pelo chupe nike tipau tsuve nani.

EZEKEL 39:17

Akughushu MPEU no ivilo pi, “Thinikuau timio, aqha kumtsulo ashi aghauqo ighilopi kulo ino panoqo ghenguno heqhipe mllakeu chupeniyeke. Tiye Israil naghutolo aghulhu kije lakhi shi nani, tipa-alo panonguno ashi chu eno ahji tsuyelu nanike.

MATTHEW 24:28

Khile no akithi kumo ani keno tilehi aluquqono kuho kumqo nani.

Luke 17:37

Akhopemino pa iniju, “Ampeu, khileno ti shini cheni kya?” Jisu no khochile pi, “Khileno akithi kumo ani keno, aluquno kumqo nani.”

ZAKINIU 28:26

Nonguno thive kelo ashi-aghauno ighi puzu nongu shikumo chu nani, eno tilehi khunomu tipaqo hakumsa puwuvemo nani

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 13:16

Tughashi huno timi kijemi kitilami, kinimi kumlhomi, timiqemi timi qechemokemi kumtsu pelo panoqo uajeu momu akishelo amchi lakhi shipupe nikeu shie.

Piyeküsü 17:16

Akibo chighi nono ithulukeu ngo tughashi ishino asalhau hu mithi nani; lino kiu aghini keno panonguno kumtsu peuve nani eno liye aphi kumsa qhive nani; panonguno li shi chu nani eno ami pesu li pitive nani.

Piyeküsü 19:5

Tileno akuka lakhu lono asutsa lakhi ishipi: “NiLhou sheqhelo! pa qemi kumtsu, timi kumtsu, kijemi kitilami ghi pa sumsa chekemiqo pa sheqhelo!”

Piyeküsü 6:15

Tileno ayeghilo kukami, kijemi, ghushimi atomi kinimi, akuka kuami, eno timi kumtsu, aqemi na ampimi namu atukilo eno naghuto tukiqo qholo itshu wukhave.

SAMUEL ATUGHIU 17:44

Pano David khu, “Ighijulo, eno ino ophi mpi pesu aghau eno tughashi pelono chuvepe kepushi kutotsunie.”

SAMUEL ATUGHIU 17:46

Ishi tsala hipau lono AMPEU no okugha pesu iulo suvetsu nani; ino otheqhiluve nani eno okutsu michevetsu nani. Ino Filistiya ghushimi kumo pesu aghau eno tughashiqo pelo chuvepe kepushi tsu nani. Hi shikeu lono ayeghiqha kuchopuno Israilmi ye Alhou achenipi ithi nani,