Piyeküsü 19:10 - BAIBEL (BSI)

¹⁰ Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Sümi Tiqhelimi Bible

¹⁰ Pa no hipau pi kelo ni ye pa mülá niye pa pukhuphi lo qhoqhünheluve. Ikemu pa no ishi pi, “Tishi kevilo! Ni ye no ngò O thiküzümi eno O achelimi khunoqo Jisü kükütsü pape cheni keno tipaqo gholo lakhi ke. Alhou mülá lo! Kughengu tungkuptsa Ghungu kümlà ye timiqo pelo Jisü shepe shilu pe nikeu ke.”

Sumi Naga CL (Re-edited) Bible (BSI)

¹⁰ Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 19:10 ပူးပေါင်းရင်းမြစ်များ

KUKAMI AKINIU 17:36

Nonguye igholu masa nani, AMPEU no Ijip lono akuka akumto kije lono nongu saipeghitsue; nonguye izulo pishiqho masa eno aghakishi kumllagho itsumasae.

LESHELE 45:11

Ojukivino akukauye oluni shivepe nani; paye ompeu shini ake, pa ghokulu shilo.

IPEKULU 34:14

Nonguye alhou kutau mllakevilo kughengu ni, AMPEU ye isuxakemi ghumo nanike.

DANIEL 2:46

Akukau Nebukadnezar no khoqhupe ngono lhoxu heqhipe Danel mlla lepi ahza tsuve.

DANIEL 7:10

Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

Mark 5:22

Ikelo Sinagog lo sakipheu Jairus no ighino Jisu ithulu kelo pa pukhu phivilo iluikiqi,

Mark 7:25

Topumi lakhi nga tughakusano sa-ake atopuuno Jisu ghili chilu puzu mtazu ighieno pa pukhu philo itsaiqi.

Luke 1:19

Kungumino khochile pi: “Niye Gabril, niye Alhou phivilo puthugho acheni, oputsa penike eno hi atsakiviu olau peighi penike ipuwue.

Luke 24:44

Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Apostolmi 10:43

Tungkupmi kumtsuno pa shepe shichekeuno, timi khunono pa puluni keno paje vechewo axine pevekulupu ithulue.”

Apostolmi 13:27

Kughengu Jerusalem lo kughunakuami eno panongu shou ayehkipemino paye khuukeno michimlave, eno Sabat atsutsu tungkupmi tsa phichekeu panonguno ithikuthumo kehu Jisu kilevekeu lono ti shikupuve.

2 Kor. 8:7

Nonguye thwokhalo: akupululo, atsapilo, akighithilo, kuphunishi kutukeulo eno nonguno ningu kimiyekeulo namu akini boghi shi acheni, titoi kimiyekeu kumla hipaulo ghi nongu kini boghi shi akeu pephepiyelo.

Ephesiami 5:15

Tishiaye nonguye kishi xuacheni keno jukutokugholo. Kiumu mthakemi toi xukepu kumoe ikemu alokutsumi shi xulo.

Ephesiami 5:33

Tishimu, nonguno pututa alikhi akimiyeke toi pututa nipu kimiyelo, eno anipuno li kimi sumsa chelo.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

1 Thes. 5:15

Nongu gholo milakhi nomu alhoksa pesu alhoksa shikeu lochile kevilo, ikemu pulhapujulo lakhino lakhi lau eno timi kumtsu lau akivi shinikeuno akimji shilo.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

1 John 5:21

Itianuliqo, kichileu lhou launo nonguye putosupe achelo!

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 12:17

Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

Piyeküsü 14:7

Pano asutsa kuloghi lono ishi pi. “Alhou sumsalo eno akimthe jekipi pa tsulo, kughengu pano timiqo shou kughatha nikeu tuqhudo ighivae. Kungugha, ayeghi, azughi eno azu pukiqo pano lhotsuke, itsaiqi pa mllalo.”

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Piyeküsü 19:9

Tileno kungumi huno ivilo ishipi: “Hipau yepe qhilo. Bheriti wu kulakupu ghulhulo khunoqomi kusuni keno tipano kumghae.” Pano ivilo highi pi, “Hipaqoye Alhou tsa kuchouke.”

Piyeküsü 4:10

muchomi mukubidi huno ti akuka lakhulo iqa akeu, alhokupujulo xuachekeu zulo itsaiqi puzu pa mllae. Panonguno alepheghi akuka lakhu zulo panoqo kutsukuqho lhaqhino ishipi,