Piyeküsü 18:9 - BAIBEL (BSI)

⁹ Ayeghilo kukami khipaqono li salha kusaje eno li ghichikupo kusaje cheni keno tipaqoye kughou li pitikeu michhi phoipeghi keu ithulu nikeno aphughi ghenguno ighamuku qa nani.

Sümi Tiqhelimi Bible

⁹ “Kughou ayeghi lo kükami khunoqo no li sasü asalha kümlà shiche eno li no nibonilei shi xü keu küsaje chekeqo no li pitiqhi akeu michhi ithulu keno, panongu ye li ghenguno anhezü-piji eno mloqa nani.

Sumi Naga CL (Re-edited) Bible (BSI)

⁹ Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

Piyeküsü 18:9 ပူးပေါင်းရင်းမြစ်များ

BOTHUBO 19:28

Pano Sodom ngo Gomora kudau aluzaqha lo jupuwu kelauye, tipaqha lono alu quakelo toi amchhi phobolei ipeghi aghikeu ithulue.

LESHELE 58:10

Kughou axinemi ghimeqhikeu ithuluni keno amikuchomino amlo qinani. Panonguno kixikilami jih pelepua keu puthasu wu nani.

ISAIAH 13:19

Babilon ye kumtsu nguno jukivi kukaqha lakhike; tipaulo jupesu timiqono akijivilo cheni. Ikemu ino Sodom ngo Gomora shou shikeu toi ni, AMPEU no Babilon kutsaleve nani!

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

JEREMIYA 50:40

Sodom ngo Gomora eno tipau sukumuxalo taun akeqo ino xale kutsaleve kelo kishi shive keno tipaphishi Babilon kutotsu nani. Khunomu itaghi tilehi kughuna kithemo nani. Ni, AMPEU no piveake.

JEREMIYA 50:46

Kughou Babilon ikiqini keno asutsa ihulokeu shikeuno ayeghi kumtsu sukughutha nani eno ashiayeh kutamino qheghuive kepu sutsa chilu nani.”

JEREMIYA 51:8

Babilon ye zuleno iluqivae eno kutsalevae! Tipau shou mlo qalo! Tipau ghuzakuqo ghenguno kusughu luwulo ishiake tiye viveluvi ke.

EZEKEL 27:35

“Azughi sukumxalo kughuna achekemi kumtsuno noye kishive keno ithulupe apuchopungovae. Panoqo kukami ghi musa thughuivae eno panongu kumtsu akumsa gi xapu auvae.

DANIEL 4:14

Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

1 Tim. 5:11

Ikemu topu lhothe chimemiye kihikusu shi kulaumokemi gholo kihisu pekevilo; kughengu pano shiaji pulouno kulauvenishi kelo panonguye Khristo launo putosuve chenike;

Piyeküsü 14:11

Panoqo pitipuzaqhi keu michhiye alhokupujulo phoiku anani. Khunoqono tughashi ngo tipau julho shisukeu mlla cheni keno timi tipaqoye putho pucho khilemu akulho qhimla nani.”

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

Piyeküsü 18:18

eno li pitikeu michhi phoipeghikeu panonguno ithulukelo kumtsu no ighamuku pi: “Aphughi kutau lakhimu aphughi kije hipau toikeu kuha aphike!”

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 18:3

Kughengu ashiayeh jeli kumtsuno li shiaji kimighe ji shomzuvae; eno ayeghilo kukamiqono li sasu salha, eno ayeghilo alhikishimino liwu aghichikupo kinikulushi akeu vechewo kinimi shilukhavae.”

Piyeküsü 18:7

Lino ajekipi eno nibonileyi pepimheke hutoi Aghime eno amlo kusapu tijehi li tsulo. Kughengu lino li likhi li vilo ishi piche; ‘Akukaliu lakhi shighi ino hile iqa ani! Niye chimemi lakhi kumoe, Niye khilemu amlo kusa shimo nani!’

Piyeküsü 19:3

Itaghi panonguno asheshu pi, “Alhou sheqhelo! Aphughi akijeu pitikeu michhiye alhokupuju phoipeghi nanike!”

Piyeküsü 2:22

Julo, ino li kughapesu azualo veda nani, eno khunoqono li sasu salha cheni keno, panonguno li sasu alhoksa shichekeu launo xaideghivemo aye, panongu ghi li gholono aghime kithikhi sholupe nani.