Piyeküsü 18:6 - BAIBEL (BSI)

⁶ Lino nongu peithake qhemi li peithalo, Lino shivekeu qhemi ghuthu kini li lochilelo. Lino nongu pelo shopeniye kutope qhi kehu toi, Li jukhulo ghuthu kini kutolo mukamughayi yekepu lesutulo.

Sümi Tiqhelimi Bible

⁶ Li no tsü keu toi li lau tsüchilelo; li no kiu shive keno tipau küghüsü ghí li. li no aji kütami pìye keu küghüsü ghí li jikhu lo lesü tsülo.

Sumi Naga CL (Re-edited) Bible (BSI)

⁶ Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

Piyeküsü 18:6 ပူးပေါင်းရင်းမြစ်များ

LESHELE 137:8

O Babilon, kutsaveni kuau! khunono nono nilau mlapuakeu olochileni keno tipano lokivipue!

LESHELE 28:4

Pano kumla qhemi lono panongu lochiletsulo, panongu lhoksa kumla qhemi tsulo; Panongu uno kiu mlakeno tipa qhemi lochiletsulo, Panonguno ithulu kuzupu shiakeu pesu panoqo tsulo.

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 61:7

Nokukujo eno niqhinilai keu kishekhavae. Nonguye noyeghilo kughunalu nani, eno nowu kinikuluye ghuthu kini alau shive nani; Nolokiviye alhokupujulo acheuve nani.

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 17:18

Ishikighime chekemiqo shou kujomzave kepu pukutsulo, ikemu ipelo kujomzavepe kevilo, AMPEU. Panoqoye akuighupuno chhivepelo ikemu ishikumsa kevilo. Panoqo shou kutsakungokeu sughilo eno panoqo kutsa piniyivetsulo.

JEREMIYA 50:15

Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

JEREMIYA 50:29

“Asuzu kipemi vilo Babilon lelo pilo. Timi khijeno asuzu ngo apiji pethi akhani keno tipaqo puwulo. Aphughi suhuluvelo eno milakhi pelomu pojolupe kevilo. Tipaulo kiu shipepuani keno lochilelo eno kutami peitha puakeu toi tipau peithalo kughengu tipauno ni, Israil lo akimtheu shou aqhekuza shi mlaitha puanike.

JEREMIYA 51:24

AMPEU no pi, “Babilon ngo tipaulo akemiqono Jerusalem lau alhoksa khijehi shikeno tipaqo ghenguno ino lochiletsu nanike nonguye ithulu nani.

JEREMIYA 51:49

Babilon no ayeghiqha kumtsulo timiqo kithipu shitsu acheke, itehiye Babilon ye ikiqive nani kughengu tipauno Israilmi kutomo thikepu shike. Ni, AMPEU no piveake.”

AKUMLO 3:64

O AMPEU, panonguno kiu shipuani keno tipau ghenguno aghime tsulo;

ZEKHARIA 9:12

Ideghilo, nongu akughumi itehiye lajupu auvekemiqo; nongu sushokulu-alo ideghilo. Itehiye ino nongu vilo pini, nonguno aghime shivekeu ghenguno kukumgha pesu ino ghuthu kini nongu lochileni.

2 Tim. 4:14

Ayikiyiqiu Aleksander no ighono ikijipusake; Ampeu no pano mlakeu qhemi pa tsuchile nani.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Piyeküsü 17:2

Ayeghilo kukamiqono ngosukumlau ashupuu sasu shupusalha achenike eno ayeghilo timiqoye lino shupusalhakeu ji yekeuno shomzuvae.”

Piyeküsü 17:4

Totimi huye tsunguyi eno hughayikeu phimini pepu ae eno shunayino shikeu ngo amekushotu achiku chino ananu shipusu ae. Liulo shunayi jukhu lakhi pea, tipaulo aphikumqhupu thime ngo li salha lhoksano chhitoi ae.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!