Piyeküsü 18:22 - BAIBEL (BSI)

²² Akighilebo ghugha eno alekiphemi ghugha, fulili ngo afuko kuyighami ghugha khilemu chilukithe move nani. Kiukiu kumla kishimi namu ololo itaghi aghimove nani, athikutsughu sutsa khilemu chimlave nani.

Sümi Tiqhelimi Bible

²² Aheo küighamiqo le eno alekiphemi, fulili eno afuko küigha chekemi lephe O lau no khilemu chilu kithemove nani. Külalú kümlà kishimi lakhimu O lau no ithulu kithemove nani. Athì kütsüghǜ sütsa O lau no khilemu chilu kithemove nani.

Sumi Naga CL (Re-edited) Bible (BSI)

²² küghaküsü lebo, fulili eno afuko küighami ghügha nono chilu kithemo nani, au tshamgha kümlami ghi o gholo aghi move nani, eno athi kütsüghü ghügha mu nono chilu kithe move nani,

Piyeküsü 18:22 ပူးပေါင်းရင်းမြစ်များ

JOB 3:7

Anuha eno alokivi kuhakeu ji shivepe,

YETSAPIU 12:4

Alaghilalo mubumghukeu sutsa okini ghenguye ipophoyive nani. Athi kutsughu ghugha ngo alebo potsughu ighakeu akushukulu chilu nani, ikemu aghau ghugha ghi okuda puthuve kepu shive nani.

ISAIAH 23:12

Sidon phughi, olokivi tsalaye ashekha shivae eno now timiqoye nedaqodape auvae. Panonguno Cyprus kudau pove namu tilau ghi panongu puxuni chemoe.

JEREMIYA 16:9

Ni, Aqokitikhi MPEU no Israil Lhou no kiu pikepu shi nani keno inialo. Ino alokivi, ahukulu sutsa eno kulakupu ghulhu lokivi sutsaqo inaqhoivetsu nani. Hilehi akemi timiqoye hipau shikeu ithuluke kuto xu nani.”

JEREMIYA 25:10

Panoqono alokivi shi eno amlo kiqishi ighakeu sutsa eno kulakupu ghulhu lokivi sutsa kumtsu ino hasuve nani. Panoqo kululo sukepu amizu kuhave nani eno athi kiumu kuhave nani.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 7:34

Aghakhuye asayeqha shive nani. Juda phughiqolo eno Jerusalem laghilalo alokivishi aloinokeu sutsa eno kulakupu ghulhulo alokivi sutsa kumtsu ino kuhavepe nani.”

EZEKEL 26:13

Ino nonguno ale phechekeu kumtsu tavepe nani eno ino nongu kighilebo ghugha inaqhoive penani.

MATTHEW 9:23

Jisu no akijeu kilo ighikelo, timi thivekelo fulili ighakemi tile aghi eno timiqono mubumghuyi aghike ithulu.