Piyeküsü 18:18 - BAIBEL (BSI)

¹⁸ eno li pitikeu michhi phoipeghikeu panonguno ithulukelo kumtsu no ighamuku pi: “Aphughi kutau lakhimu aphughi kije hipau toikeu kuha aphike!”

Sümi Tiqhelimi Bible

¹⁸ Kughou panongu no li pitiqhi akeu michhi ithuluni keno, panongu no ishi igha nani, ‘Mishighüna ajekipiu hipau toi keu mishighüna lakhimu ache keshea?’

Sumi Naga CL (Re-edited) Bible (BSI)

¹⁸ eno li pitikeu michhi ithulu kelo panongu no ighamku, “Mishighüna kighiche hutoi keu kiu phughi ache kea?”

Piyeküsü 18:18 ပူးပေါင်းရင်းမြစ်များ

JEREMIYA 51:37

Tipau ghakhuye ixapinyi alusama qhepua keshive nani khilehi tughashi ngocheni keno. Tiye juighu kepu a shive nani; timi lakhimu tilehi kughuna move nani eno tipau ithulu kemi kumtsu shikichiqhive nani.

Piyeküsü 13:4

Timi kumtsuno Dragon hu mllawuve kughengu pano akuka pesu tughashi tsukehu. Panonguno tughashi mllaghi ishipi; “Tughashi toikeu khuu ani kya? Khuno tipau sasu aghushi kulupu kya?”

Piyeküsü 14:11

Panoqo pitipuzaqhi keu michhiye alhokupujulo phoiku anani. Khunoqono tughashi ngo tipau julho shisukeu mlla cheni keno timi tipaqoye putho pucho khilemu akulho qhimla nani.”

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.

Piyeküsü 18:16

ishi pi nani; “Aha! Aphughi akijeu ghenguno kiutoi ahakusapu kela! Liye phepheyi keu phi ngo hughayi eno huchuyi keu phi pepu acheke eno shunayi chi, amekusho tu eno achiku achipula pesu li kuzupu acheke!