Piyeküsü 16:17 - BAIBEL (BSI)

¹⁷ Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

Sümi Tiqhelimi Bible

¹⁷ Kungumi akütsüniu no pa bohu pesü amlhü lo lepuku, ikelo achineki lo aküka lakhü lono asütsa kijè lakhi ipeghino ishi pi, “Hiye tavae!”

Sumi Naga CL (Re-edited) Bible (BSI)

¹⁷ Kungumi akütsüniu no pa bohu pesü amülhü lo leqhi, ikelo achineki lo kükalakhü lono asütsa kuloghi lakhi ishi ipeghi, “Hi no kishekhavae!”

Piyeküsü 16:17 ပူးပေါင်းရင်းမြစ်များ

John 19:30

Jisu no akiqhi-ji muqaluve puzu ishipi, “Hiye shikupuvae!” Eno pa kutsu ihoiqive puzu thive.

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Ephesiami 6:12

Kughengu ninguye timi sasu kupughu amoe ikemu ayehkipemi, atomi, hi akuzu tiqheli yeghiqha yehkipeqo eno kungughalo aghakusa ghahwu kukaqo sasu kupughu anike.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 14:15

Tileno kungumi kutau lakhino achineki lono ipeghi eno khungkusu shou iqa akeu vilo asutsa kuloghi lono ighamuku pi: “Owu hashiwo chhopuwono gholuvelo kughengu gholukepu tuqhudo ighivae; ayeghi ghile hukepushi nivae!”

Piyeküsü 14:17

Tileno kungumi kutau lakhi kungughalo achineki lono ipeghi, eno pa ghi hashiwo lakhi peae.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.