Piyeküsü 16:1 - BAIBEL (BSI)

¹ Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Sümi Tiqhelimi Bible

¹ Ikelo achineki lono asütsa kijè lakhi no kungumi tsünì vilo ishi pikeu I no chilu, “Wulo, Alhou loghukighide bohu tsünì pesü ayeghi shou lepuku lo.”

Sumi Naga CL (Re-edited) Bible (BSI)

¹ Tileno asütsa kuloghi lakhi achineki lono kungumi tsüni vilo ishi pikeu I no chilu, “Wulo eno Alhou loghu akeu kiptibo tsüni pesü ayeghi lo leqhilo!”

Piyeküsü 16:1 ပူးပေါင်းရင်းမြစ်များ

LESHELE 79:6

Omllamokeu shiayehqo shou oxukighide puku tsulo, ovilo khuinimo kemi shou lepuku tsulo.

JEREMIYA 10:25

Omllamokeu shiayehqo shou ologhu ide eno opevekemiqo shou tipau pukulo. Panonguno owu timiqo pithivetsu; panonguno qhoyi ningu kutsa leveke eno niyeghi ixapinyi qhivetsuke.

EZEKEL 10:2

Aphi kumtsha uakeu timi vilo Alhou no pi, “Lhoxuqo qholo iluchekeu kuluho akeqo dolo wulo eno oulo amibalu suluvelo eno tipau pesu aphughi shou kuthole suvelo.” Pano wuchekeu ino jukuto ake.

EZEKEL 22:31

Tighenguno ino panoqo shou iloghu kighide lepuku nani, eno panonguno kiu mula puani keno tipaqo ghenguno niye ami toi panoqo kutsaleve nani.” Akughushu MPEU no pivae.

ZEFANIA 3:8

AMPEU no pi, “Ino ithupuzu ashiayehqo ngukunikeu tsala kutolo khe-aghilo. Niye ashiayehqo ngo akukaqhaqo hekutsu nike xathaluvae, eno panoqo shou iloghu agho-shi pipekeu ithipe nani. Ayeghiqha kumtsu iloghu mikuyiquno pitileve nani.”

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 14:15

Tileno kungumi kutau lakhino achineki lono ipeghi eno khungkusu shou iqa akeu vilo asutsa kuloghi lono ighamuku pi: “Owu hashiwo chhopuwono gholuvelo kughengu gholukepu tuqhudo ighivae; ayeghi ghile hukepushi nivae!”

Piyeküsü 14:18

Itaghi akumllagho kipitia lono kungumi ami peithachekeu kutau lakhi ipeghi, eno pano asutsa kuloghi lono hashiwo kutsugha peakeu vilo ighamuku pi, “Owu hashiwo peithalo, eno ayeghilo atsayithi pho ghothalulo, kughengu atsayithiye nivae!”

Piyeküsü 15:1

Tileno atsutsulo akumzapu amchi kije kutau lakhi ino ithulu: kungumi tsunino pusa tsuni peche. Hipaqoye pusa ashekhauqoke eno tipaqono Alhou loghu kishekha nikeu shipesu ae.

Piyeküsü 16:17

Kungumi akutsuniuno amlhulo pa bohu leqhipuku. Tileno asutsa kuloghi lakhi achineki lono ipeghi eno ishi pi, “Hiye tavae!”

SAMUEL ATUGHIU 15:18

eno pano ahza lakhi otsupuwu keuye Amalek lhoksa kughami kumtsu puxu kevino pithivelo pi ahza otsue. Panongu heqhi khamphi kutolo aghushi alopi ovilo pie.

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”