Piyeküsü 15:4 - BAIBEL (BSI)

⁴ O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Sümi Tiqhelimi Bible

⁴ Ampeu, khuu no O msàmoni kea, eno khuu no O je sheqhe tsümoni kea? Kughengu O likhi no akimthe ke. Shiye kümtsü no O zülo ighino O mülá nani, kughengu O chipiumikucho kümlà ye pephe-piyeva ke.”

Sumi Naga CL (Re-edited) Bible (BSI)

⁴ Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

Piyeküsü 15:4 ပူးပေါင်းရင်းမြစ်များ

LESHELE 105:7

AMPEU ye ningu Lhou ke; Pano ahza tsukeuye ayeghi kumtsu ghengunoke.

LESHELE 111:9

Pano pawu timiqo khaqhiphe eno panoqo sasu lhokta pulo shoqhi shike. Paye akimthe eno akughushuu ke!

LESHELE 22:23

Nongu AMPEU sumsachekeqo, pa shipililo, Nongu Jakob laghami kumtsu pa kimtheje pipilo; Nongu Israil laghamiqo, pa mlla gihulo.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 22:3

Ikemu noye Akimtheu shi akuka lakhulo iqa akeu, Israilmino akishe tsuche keuke.

LESHELE 86:9

Ashiayeh nono lhopuakeqo kumtsuno ozulo ighipuzu itsaiqi omlla nani; panonguno noye kije kepi sheqhe nani.

LESHELE 89:7

Akimthemi Hoholo ogihuqhiyi acheni; eno kumtsuno puthughono akichiqhi noikhilu acheni.

LESHELE 97:8

Zion lo akemino alovi, eno Juda lo aphughi akeqono alokivishi kughengu owu kughakutha ghenguno, O AMPEU.

LESHELE 99:5

AMPEU niLhou sheqhelo; pa kuka lakhu zulo mllalo! Paye akimtheke!

LESHELE 99:9

AMPEU niLhou sheqhelo, pa kimthe toghi lono mllalo! AMPEU niLhou ye akimtheke.

ISAIAH 24:15

kipelaumino pa sheqhe nani. Azughi kighijelo achekemino AMPEU, Israil Lhou sheqhe nani.

ISAIAH 25:3

Akuka kumto shiayehqono osheqhe nani; ayikusa shiayehqo phughilo omusakeu anani.

ISAIAH 26:9

Putholo imlo kuchopu ohuqhe acheni; kughou nono ayeghi ngo tile akeu shou kughathabeni keno; Panongu kumtsuno achipiu xakuthaye kiukeno ithi nani.

ISAIAH 45:23

Ino tushoqhive keuye kuchouke, ikichi lono piqhivekeu tsake eno tiye kilivemo nanike. Ino niye kiukeno ti kumtsu pesu tsaquino piqhi ani: Timi kumtsu izulo ighino qhoqhunhe nani eno iqhoqhukeu shoqhi shi nani.”

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 6:3

Panongu dolo kukuleno pi ake: “Aqokitikhi shou AMPEU ye akimthe, akimthe, akimthe ke! Pa kimthe jekipino ayeghiqha chhitoi ani.”

ISAIAH 60:5

Nonguno tipau ithuluno alokivino chhitoilu nani; nonguye ngosumla kelauno thuthushi nani. Ashiayeh kutamiqo wu kinikulu nongu lau sughi nani; Azughi tuxa kudauno panoqo kini ighi nani.

JEREMIYA 10:7

Khuuno ogihumoni kya? Ashiayeh kumtsu shou akukau? Ogihu kuzuke. Ashiayehqolo alokutsumi gholo momu panoqo kukami gholo milakhimu otoikemi kuhake.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

HABAKUK 1:12

O AMPEU, noye abothu lono Alhou ke. Noye iLhou, akimthe eno lhoktake. AMPEU, iLhou eno sushokuluu, nono Babilonmi kishelu eno panoqo mutotoi shitsu, tishi anguno panoqo pelo nighimeqhi peniyeke.

ZEKHARIA 14:16

Tileno Jerusalem leighikemi shiayehqo gholo puxu puaghitsu kemi kumtsuno Aqokitikhi MPEU ye akukau kepi pa mlla nike ampe atsutsu Jerusalem lo wu nani, Apusholo kungo Pinyeni ikhilu nike wu nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

Rommi 15:9

Judakumomi ghi Alhou no qhuivulayi keulo pa sheqhepeniyeke. Kuchoyesulo ishi yepuakeu toi: “Tighenguno Judakumomi gholo ino shikimthikeu otsuniyeke, ino oje shipilini.”

1 Peter 1:16

Kughengu kuchoyesulo ishi yepuanike: “Niye akimthe ke ghenguno nongu ghi akimthe shilo.”

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 14:7

Pano asutsa kuloghi lono ishi pi. “Alhou sumsalo eno akimthe jekipi pa tsulo, kughengu pano timiqo shou kughatha nikeu tuqhudo ighivae. Kungugha, ayeghi, azughi eno azu pukiqo pano lhotsuke, itsaiqi pa mllalo.”

Piyeküsü 16:5

Azuqo shou ampeu shiakeu kungumi huno ishi pikeu ino chilu: “Hipaqo shou owu kughakutha hitoi shikeulo noye achipi ke, O Akimtheu, noye acheghikeu eno achekeu!

Piyeküsü 16:7

Tileno akumllagho kipitia launo asutsa lakhi ishi pikeu ino chilu, “Ampeu, Alhou Akumtou! Owu kughakuthaqoye kuchou eno achipike!”

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 19:8

Li likhi lino phepheyikeu phi eno akimthe phuphuyikeu pepuluvae.” Phephe pheyikeu phi kimthe huye Alhou wu timiqono amikucho kumla shikeu huke.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Piyeküsü 4:8

Akuxu akeu lhoxu lakhi khino achishibo tsugho pu-a, eno tiye ashoughi aloughi anhethino chhitoi xapua. Putho-pucho panonguno tamono ishi alephe: “Ampeu Alhou Akughushuuye akimthe, akimthe, akimtheke, Paye acheghi, paye acheni, paye ighini kuau ke.”

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’