Piyeküsü 15:3 - BAIBEL (BSI)

³ Panonguye Alhou qeu Muse sheqhekeu le eno Bheriti sheqhe keu le ishi pheae: “Ampeu, Alhou Akumtou, okumlaqo ye kije eno akumzapu ke! Ashiayeh kumtsu shou Akukau, olaghiye achipi eno kuchou ke!

Sümi Tiqhelimi Bible

³ eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

Sumi Naga CL (Re-edited) Bible (BSI)

³ Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 15:3 ပူးပေါင်းရင်းမြစ်များ

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

YEKIKITHI ATUGHIU 6:49

Aron eno pa kughukono akumlla kipti khachelo tsungqui keu piti ghiqhipe mllae. Panonguno Shishe Akimthe-alo ghiqhi mllakeu kumtsu panongu makho shiche eno Alhou no Israilmi xine qhive tsuche. Hi kumtsu Alhou qeu Muse no kichepiyekeu kiqi lono panonguno shicheke.

YEKIKITHI AKINIU 24:6

tighenguno pano panoqo sakipheu Jehoiada kusaghipe eno ishi pi, “Kushiye noye Levimi pelo Juda ngo Jerusalem lono AMPEU qeu Muse no timiqo pelo AMPEU no ngoche keu Phiki tucho akepu suqha tsupeni keu shi pipua keu noye jukutomo kya?”

NEHEMIA 9:14

Owu Sabat pinye akimthe shi pepenike nono panoqo shikae, eno oqeu Muse vechewo nono oyezahqo panongu tsue.

JOB 36:24

Alhou no mlapuakeu lo timino pa shipilike, noye pa kumla sheqheni ke kumsululo.

JOB 5:9

Pano ninguno lhemlakeu thime kije mla cheni. Pa kumzapu kumla ye kihi khamlae.

LESHELE 100:5

AMPEU ye aloke; pa kikimiye lhokta kutoloke eno pa pukhukuluye alhokupuju ache nani.

LESHELE 105:5

Pano akumzapu kumla shikeu kumsululo, pano akichiqhipu shi keu eno kughakutha piqhikeu ithilo.

LESHELE 111:2

AMPEU ye kiutoi akumzapu kumla shicheni kela! Tipaulo azukuvu shikemi kumtsu no tipaqo ithi nishi cheni.

LESHELE 111:7

Pano shikeu kumtsulo amikucho eno achipike, pano ahza tsukeu kumtsu pukhukulupuke.

LESHELE 139:14

Ino osheqhe ani, kughengu osumsa kepuke; nono mlakeu kumtsu akumza kepu eno akichiqhi kepue. Imlo kuchopuno tipau ithi ani.

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

LESHELE 145:6

Nono akughushu kumla shikeu timino piche nani, niye nono kishi kije keno asheshu nani.

LESHELE 18:30

Alhou laghiye kupukulaike, AMPEU no piqhivekeu tsaye kuchouke. Khunono pa launo sukusho lucheni keno tipaqo ghenguno paye azuto lakhi toike.

LESHELE 78:12

Panongu puasuno jukuto akelo, Alhou no akumzapu kumla shike, tiye Zoan qa eno Ijip yeghi lono ke.

LESHELE 92:5

Okumla kiutoi kije kela, O AMPEU! shishe thonheike!

LESHELE 99:4

Akughushu kukau, khuuno achipi keno nono tipau kimiyeke; nono Israil lo achipiu xakutha qhi tsuke; nono amikucho eno aghibiu sughike.

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 45:21

Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

DANIEL 6:20

Kughono tipau alo ighikeno, pano khekulhoshi ku, “Akuxupu Lhou qeu Danel! Nono pulopiniyi huthu chekeu Lhou no abongushu zulono oxaphe pe anima?”

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

ZEFANIA 3:5

Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

ZAKINIU 31:30

Tileno Israilmi kumtsu ghano ini akelo ale hipau kuchopu Muse no sheke.

ZAKINIU 32:3

Ino AMPEU je sheqhe nani, pawu timiqono paye kiu toi kije keno pi nani.

ZAKINIU 34:5

Tighenguno AMPEU qeu Muse ye tilau Muab ghakhu lono thive, AMPEU no tishi velopi pive keu toi shive.

1 Tim. 1:17

Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.

IBRIMI 3:5

Ike Muse ye aqemi lakhi kehu Alhou kilo pukhubekulu shike, eno Alhou no ighinikeulo kiu piniye akeno tipau shepe shitsuke;

JOSHUA 22:5

Muse no ahza tsukeu nongu no mutsumishei aghokulu shi alo, nongu Lhou AMPEU qhuivu alo. Pa pulou shilo, pa zahqo lulo, pa lau amikucho shilo, omlo eno ongulho kumtsu pe pa ghoshilo.”

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Piyeküsü 11:17

“Ampeu Alhou akumtou, itehi achekeu eno puzuuno acheghikeu! Ninguno oshikimthi ani, nono okuka kije ikhiluveno ayehpethuvae!

Piyeküsü 14:3

Panonguye akuka lakhu zulo eno xuakeu lhoxu bidi zulo eno muchomiqo zulo puthugho pe ale akithe lakhi pheae. Ayeghi lono xachileluvekemi 144,000 likhino kumoaye timi kutami khunomu ale tipau phethini chemoe.

Piyeküsü 14:8

Kungumi akiniuno atughiu papeghi ishipi “Ikiqivae, Babilon akijeu huye ikiqivae. Lino ashiayeh kumtsu pelo li shiaji ghasumlakeu shoche peke!”

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

Piyeküsü 4:8

Akuxu akeu lhoxu lakhi khino achishibo tsugho pu-a, eno tiye ashoughi aloughi anhethino chhitoi xapua. Putho-pucho panonguno tamono ishi alephe: “Ampeu Alhou Akughushuuye akimthe, akimthe, akimtheke, Paye acheghi, paye acheni, paye ighini kuau ke.”