Piyeküsü 13:16 - BAIBEL (BSI)

¹⁶ Tughashi huno timi kijemi kitilami, kinimi kumlhomi, timiqemi timi qechemokemi kumtsu pelo panoqo uajeu momu akishelo amchi lakhi shipupe nikeu shie.

Sümi Tiqhelimi Bible

¹⁶ Ajulho tipau no anguka shi kijemi ngò kitilami, kiními ngò athokhami, kuqhopheve kemi ngò aqüaxemi kümtsü pelo panongu u ajeu momu panongu kishe lo amichipu chishida pe nikeu shie,

Sumi Naga CL (Re-edited) Bible (BSI)

¹⁶ Tüghashi huno itaghi kijemi kitilami, kinimi kumlhomi, tsügha püakemi ililai kemi kümtsü pelo au ajeu momu akishe lo amichi shipeni keu shive,

Piyeküsü 13:16 ပူးပေါင်းရင်းမြစ်များ

YEKIKITHI AKINIU 15:13

Panongu gholo lhothemi na muchomi pinamu momu kiptimi na totimi namu khuuno pa mllamoni keno tipaqoye pithive nikeu shive.

JOB 34:19

Paye kijemi gi juve chemo, momu kumlhomi nguno alau kinimi kumsulu chenike kumoe, kughengu Panongu kumtsu pano lhoke.

LESHELE 115:13

Pa qhoqhu gihuchekemi pano kumghatsu nani, kijemi na kitilami namu.

LESHELE 49:2

Kijemi kitilami ghi, kumlhomi kinimi ghi!

IPEKULU 13:9

Hipau tsala ikhilu keuno kiuala noulo momu nongu kishelo khapu chekeu toi nongu pelo kumsuchilelu penanike; hipauno nongu pelo AMPEU yezah phuju eno lhekideju apenikeu shi nongu loputsu tsu nani, kughengu AMPEU no pa kuka kije pesu Ijip lono nongu saipeghike.

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

ZEKHARIA 13:6

Tile timi khualano pa vilo ‘Omqalo aghuzaku tipaqoye kiu kya?’ ipi iniju aye, ‘Ishounoqo kilono ighuzapipe keu zakuke’ ipi pano khochile nani.”

Apostolmi 26:22

Niye ishi tsala kutolo Alhou launo ighikeu kukuphu lono hile puthughono kijemi vilo eno kitilami kumtsu lau ishepe tsulu ani. Ino pi akeuye tungkupmi eno Muse no shini pi piqhipuakeu shikupu anike.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Galatiami 6:17

Hinguno hilauye timi khumu akupuna kiumu itsukevilo, kughengu iphimpilo azaku puakeuye Jisu qemi michike.

Ephesiami 6:8

Aqu-axemi na aqu-axemi kumo namu pano akumla kivi shipuakeu Ampeu no tipau pa tsuchile nani kepi ithilo.

ZAKINIU 11:18

“Ahza tsuakeu hipaqo kumsululo eno tipaqoye losupu shi kumsu chelo. Nongu piputo keu lakhi shipenike aumlolo khapulo eno nongu kishelo dapulo.

ZAKINIU 6:8

Hipaqo nongu umlolo khapulo eno nongu loputsu tsukepushi nongu kishelo khapulo.

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

2 Tim. 3:8

Joana ngo Jambre pamano Muse mujochile ketoi timi hipaqo ghi kuchou mujochile chenie. Timi hipaqoye kusakugha kumsuchekemi eno akupululo chighi chilaikemike.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 19:18

Ighilo eno kukami shi, Generalmi shi eno ghushimiqo shi chulo; khurshi ngo tipa shou ikuchekeqo shi timi kumtsu shi, aquaxemi timi qechemokemi shi eno kijemi kitilami shi chulo!”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 19:5

Tileno akuka lakhu lono asutsa lakhi ishipi: “NiLhou sheqhelo! pa qemi kumtsu, timi kumtsu, kijemi kitilami ghi pa sumsa chekemiqo pa sheqhelo!”

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Piyeküsü 6:15

Tileno ayeghilo kukami, kijemi, ghushimi atomi kinimi, akuka kuami, eno timi kumtsu, aqemi na ampimi namu atukilo eno naghuto tukiqo qholo itshu wukhave.

Piyeküsü 7:3

“Nino Alhou qemiqo kishelo chishidakepu pesu amichi shimphi kutolo nonguye ayeghi, azughi momu asuboqo shipusa kevilo.”