Piyeküsü 13:15 - BAIBEL (BSI)

¹⁵ Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Sümi Tiqhelimi Bible

¹⁵ Tüghashi atüghiu julho lo athuthu tsülu kepu küká pesü tüghashi akiniù tsüe. Tishianguno ajulho pelo atsa pilu pe eno ajulho mülámo kemiqo kümtsü pìthíve peniye ke.

Sumi Naga CL (Re-edited) Bible (BSI)

¹⁵ Eno ti tüghashi julho lau atuthu shesütsü penike azah pa tsü, tishianguno ajulho no atsau ghi pilu, eno khunono tipau mllamo keno pithive peniye ke.

Piyeküsü 13:15 ပူးပေါင်းရင်းမြစ်များ

BOTHUBO 2:7

Tileno AMPEU Alhou no ayeghi muqo pesu timi lakhi lhoe eno pano pa nigipelo akuxupu tuthu shesu tsu eno timi huye akuxu akeu lhoxu shive.

LESHELE 115:5

Tipaqoye akichi puani ikemu atsa pimla, anhethi puani ikemu ithumlae.

JEREMIYA 10:14

Hipau ithulu kelo, timiye mamaive eno kumsukulu hauve; Ajulho shichekemiye kujokhave, panoqono alhouqo mlape qhikeuye kichileu eno akuxu kuhake.

JEREMIYA 10:5

Asu atu julho tipaqoye akukalilo aluthu toike tipaqoye atsa pichemoe; tipaqoye ala chemlake ghenguno xapu nani. Tipaqo jumsa kevilo: tipaqoye kiumu nongu shipsa mlae, tipaqoye kiumu nongu kivipu shimlake.”

JEREMIYA 51:17

Tipau ithulukeulo, timino mamaive eno akukumsu hauve; asu-atu julho mlaqhi chekemiqo vehu kughuzu shive, kughengu panonguno mlaqhikeu lhouqoye kichileu eno akuxu kuhae.

DANIEL 7:20

Pa kutsulo akibo chighi akeloye akibo lakhi athiuno ipeghi keu huno kutau akibo kuthu helaqhive tsu keu ithini shia. Tipau anhethi kutomo eno akichi lakhi pua tileno aqhekuza tsa pia. Tughashi kutauqo nguno alau jukumsapuke.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

HABAKUK 2:19

Nonguye puhaveni putsa! Nonguno asu tachu vilo, “Idathuvelo! momu atumqo vilo ithughivelo” ipi nani. Ajulho shisukeuye nongu vilo kiuala piyesulu nani kesha? Tiye shunayi ngo tsandiyino kuzupe aghiluvi ikemu tipaulo akuxu kuhake.

James 2:26

Tighenguno aphimpiye anguagha kuhakeloye akithike, tihutoi akupulu ghi akumla sumokeloye akithike.

Piyeküsü 13:1

Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Piyeküsü 13:12

Tipauno tughashi atughiu phivilo akeuno tsukeu kuka kumto peitha eno ayeghi eno tile akemi kumtsu pelo thini keshi izave kemu vivekeu tughashi atughiu hu mllape nikeushi anguka vesu.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 14:11

Panoqo pitipuzaqhi keu michhiye alhokupujulo phoiku anani. Khunoqono tughashi ngo tipau julho shisukeu mlla cheni keno timi tipaqoye putho pucho khilemu akulho qhimla nani.”

Piyeküsü 14:9

Kungumi akuthuuno atughiu pama papeghi asutsa kuloghi lono ishipi, “Khunono tughashi ngo tipau julho shisukeu mllani keno eno panoqo kishelo momu a-ulo amchi pepuni keno,

Piyeküsü 16:2

Ike kungumi atughiuno wupuzu pa bohu ayeghi shou leqhi puku, ikelauye tughashi michi puakeqo eno tipau julho shisukeu mllachekemi shou kumthukumna eno sakutukeu piyi ikughive.

Piyeküsü 16:5

Azuqo shou ampeu shiakeu kungumi huno ishi pikeu ino chilu: “Hipaqo shou owu kughakutha hitoi shikeulo noye achipi ke, O Akimtheu, noye acheghikeu eno achekeu!

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 17:17

Kughengu panongu pelo Alhou no miji pusu akeu shipeniaye Alhou no panoqo mlolo akukumsu lakhi shipenikeu eno panongu wu ayehkipe kuka pesu tughashi tsupenikeu suvetsuae, tiye Alhou tsa shikupumoke kutolo tishi peniyeke.

Piyeküsü 17:6

Totimi huye Akimthemi jih eno Jisu ghokulu shike ghenguno pithivekemiqo jih shomzupusu ae. Ino kughono li ithulu keno niye shishe akumzave.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 18:24

Babilon shou aghime tsukeuye tungkupumi ngo Akimthemi ji aphughi tipaulo aghikehue; mutsuqheyino ayeghilo timi khijehi pithive keno tipaqo jih aghikehue.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.