Piyeküsü 13:14 - BAIBEL (BSI)

¹⁴ Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Sümi Tiqhelimi Bible

¹⁴ Tüghashi atüghiu züqhu shi amchipu kümlàqo shipe nike aküka tüghashi akiniù tsü keu vechewo ayeghi lo xüküamiqo pishiqhive. Tüghashi akiniù no tüghashi khuu akihizüta no ghüzave kemu xüluve keno pa gihu keu michi shi ajulho lakhi mülà puku lo ipi ayeghilomiqo azah tsü.

Sumi Naga CL (Re-edited) Bible (BSI)

¹⁴ eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 13:14 ပူးပေါင်းရင်းမြစ်များ

KUKAMI AKINIU 20:7

Tishino Isaya no akukau ju akeu aqeu vilo khughunika suwo tsughuno pa mishelo datsulo tishiaye paye viluve nani.

KUKAMI AKINIU 22:20

tighenguno ino Jerusalem shou aghakighide aghime puwuniye akeuye nono thimoke doloye puwutsumae. Ino opelono alokughuno shi thilupe nani.” Ikehu timiqono akukau Josia lau asutsa hipau pesu idewove.

YEKIKITHI AKINIU 18:21

Aghahwu no khochile pi, ‘Ino wu puzu Ahab wu tungkupmi kumtsu pelo mikive peni.’ AMPEU no pi ‘Wulo eno pa pishiqhi lo. Noye tokulupu shi nani ke.’ ”

JOB 12:16

Akumto tokulu ye pawu ke, pishi vekemi ngo pishikiqhimi kumtsu pa ghoe.

IPEKULU 7:11

Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve.

ISAIAH 44:20

Ayevu chuakeu kumlho shivae. Pa ghuzunikha kukumsu no pa sapimi kehu paye xaphemla kepu shivae. Ajulho shisukeu pa ulo tsuqupe akeuye khilemu alhou kumo kepi kitilamu pa lolo kumsulukeu kuhake.

EZEKEL 14:9

“Tungkupu lakhi pishiqhive puzu pano khokichile kichileu tsuaye tiye ni AMPEU no pa pishiqhive kehue. Ino Tungkupu tipau Israilmi gholono ikhive nani.

EZEKEL 16:17

Ino shunayi ngo tsandiyino shikeu chiku chila otsukeu nono pewo ajulho kiptimi ghola toikeu shisu eno tipaqo sasu zuke.

EZEKEL 8:10

Ike ino alou ilo eno jupuku kelo akuputulo apighi ngo mithekumo lhoxuqo eno thime kutau khipaqo Israilmino mlla acheni keno tipaqo yekuxapuku keuno nhachhipe ae.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 13:1

Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Piyeküsü 13:15

Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 14:11

Panoqo pitipuzaqhi keu michhiye alhokupujulo phoiku anani. Khunoqono tughashi ngo tipau julho shisukeu mlla cheni keno timi tipaqoye putho pucho khilemu akulho qhimla nani.”

Piyeküsü 14:9

Kungumi akuthuuno atughiu pama papeghi asutsa kuloghi lono ishipi, “Khunono tughashi ngo tipau julho shisukeu mllani keno eno panoqo kishelo momu a-ulo amchi pepuni keno,

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 16:13

Tileno mithekumo ghahwu, jukelo ye achuyi toikeu kuthu, lakhino Dragon kichi lono, lakhino tughashi kichi lono eno lakhino kichileu tungkupu kichi lono ipeghikeu ino ithulu.

Piyeküsü 16:2

Ike kungumi atughiuno wupuzu pa bohu ayeghi shou leqhi puku, ikelauye tughashi michi puakeqo eno tipau julho shisukeu mllachekemi shou kumthukumna eno sakutukeu piyi ikughive.

Piyeküsü 18:23

Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.