Piyeküsü 13:10 - BAIBEL (BSI)

¹⁰ Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Sümi Tiqhelimi Bible

¹⁰ “Khunoqo akughu shiwuve kepu shi akeno, panongu ye akughu shiwuve nani. Akihizüta pesü khunoqo ghiqhive kepu shi akeno, akihizüta pesü panongu ghiqhive nani.” Hiye Alhou’w timiqo pelo kheakulu shi kutuulu eno amikucho shipe niye ghutú akeu ke.

Sumi Naga CL (Re-edited) Bible (BSI)

¹⁰ Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 13:10 ပူးပေါင်းရင်းမြစ်များ

ISAIAH 14:2

Ashiayeh kutomono Israilmi kuphu puzu AMPEU no panoqo tsupuakeu yeghilo idewolupe nani eno tilehi ashi ayehqo Israilmiqo quaxemi shi ghi panoqo qe nani. Khunoqono ghuthu lakhiloye Israilmi khasulu puakeno Israilmino tipaqo khasuluve nani eno Israilmi no panoqo nedaqhi chekemi shou ayehpe nani.

ISAIAH 26:21

AMPEU ye ayeghilo akemiqo shou pano xine ghenguno ghimeqhinike pano ngochekeu kungugha lono cheni. Ayeghilo kusuuno timi ghiqhikeqo hu ashou pephe nani, eno khunoqo ghiqhi puani keno ayeghino kusupuamlove nani.”

ISAIAH 33:1

Nighumi ghenguno ahaksapuke! khunomu panoqo wu pukalumo momu panoqo pesu athe shisuvemo kemu panonguye pukaluve eno athe shive anike. Ikemu panoqono pukanikeu eno athe shini keu ghuloki ashekha shive nani eno kutamino panoqo pukaqhi eno xaleqhi nani.

JEREMIYA 15:2

Kughou panonguno ovilo khilau wukepu kyapi inijuaye panoqo vilo pikeu pesu pilo:” Khamino ahakusashi kusukini lono thinikeu ani, panoqono tilau wu nanike! Khamino ahakusashi aghukishi lono thinikeu ani, panoqono tilau wu nanike! Khamino ahakusashi puqumiyekeu lono thinikeu ani panoqono tilau wu nanike! Kutamiye ahakusashi akughulo sawunikeu ani, panoqo no tilau wu nanike!

JEREMIYA 43:11

Nebukadnezar ighi no Ijip leluve nani. Timi khunoqomi kusukini lono ahakusapushi thipe nikeu shi ani keno kusukini lono thi nani, khunoqomi ahakusapu shi akughu shipenikeu shiani keno akughumi shi sawuve nani eno khunoqomi aghukishi lono ahakusapushi thipenikeu shi ani keno aghukishi lono thi nani.

AKUMLO 3:26

AMPEU wu xakulu ghenguno iquighai kheakulu shi keuye aloke.

HABAKUK 2:3

Hi yepe qhilo kughengu hipau kuchou shi ighinikeu ghuloki kumphike. Ikemu aghulokiye papashi ighi nani eno kiu opiye keno tiye kuchou ighini putsake. Hi ighinike asheshi aghiluvi ikemu tipau khelo; hiye mutsuqheyino shi nani putsa ke eno hiye munuvemo nani.

MATTHEW 26:52

Tile Jisu no pa vilo ishipi,”Ozutakihi abohulo suvelo; kughengu azutakihi pechekemiye kumtsu azutakihi lono thi nani.

MATTHEW 7:2

Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

Luke 21:19

Mutotoi tsuqupelo, kughengu ishikeu lono nolikhi no-xalu nani.”

Kolosiami 1:11

Pa kimthe jukuvupu kumto launo ighikeu kuka kumto kumtsu pesu nonguno mutotoilu peni, tishianguno nonguye kheakulushi thwokha puqhelu penike.

IBRIMI 6:12

Nonguye khilemu kughuchove kepu kumoe ikemu khunoqono akupulu eno kheakulu shikeu vechewo Alhou no piqhipuakeu mheghi iyighilu keno tipaqo kimihi shipenishi ani.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 11:18

Alhou yeh kumthamino aloghu-ide, kughengu ologhu ighive kehu, eno kithimi shou xathabe kepudo shivae. Tungkupmi oqemi owu timi, omllachekemiqo, kijemi momu kitilamiqo ajume tsunikeu tuqhudo ighi ani. Khunoqono ayeghi shipusa cheni keno tipaqo shipusa nikeu tuqhudoke!”

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

Piyeküsü 17:11

Tughashi ghuthu lakhiye akuxu achekemu itehiye khilemu xuamovekeu huno akukau akutacheuke, ti kukami tsuni laumike eno kutsavepe nike wuve nani.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 2:19

Ino okumlaqo ithiani — kikimiye, akukuphu, akupulu, kheakulushi mlakeu ino ithi ani. Atughilo nguno itehino alaushi mla akeu ithi ani.

Piyeküsü 2:2

Ino okumlaqo, oghichheghime eno nono kutuukulu shikeu ithitoi ani. Noye alhoksami pelo tishi shiape nishi chemokeu ino ithi ani. Khunono pano likhi pano pesu apostolmi ipiche keno tipaqo nono miqejuke eno panoqoye kimkimi shiaghike.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Piyeküsü 3:3

Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.