Piyeküsü 13:1 - BAIBEL (BSI)

¹ Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Sümi Tiqhelimi Bible

¹ Tüghaküsa hu no azüghi mükü lo puthugho ae. Ikelo azüghi lono tüghashi lakhi ipeghi keu I no ithulu. Tüghashi tipau ye akibò chighí eno akütsü tsünì eno, pa kibò lo akütsükuqho chighí ake, eno akütsü kümtsü lo pipütha keu je lakhi-khi ae.

Sumi Naga CL (Re-edited) Bible (BSI)

¹ Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 13:1 ပူးပေါင်းရင်းမြစ်များ

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 2:41

Apukhu muza eno apukhuloti tuxano ayino shi, tuxano aghanino shikeu noghi ithuluvea. Tipau kiqiye akukaphu kijeve nikeu eno tipauye ayi kumka toi ka nani, aghani gholo ayi kuqha pua ketoi nani.

Piyeküsü 11:7

Kughou pamano ashepe shikeu shikhaveni keno, aqohkutho lono ipeghikeu tughashi huno pama sasu aghushino pama shou toluve eno pama pithive nani,

Piyeküsü 12:3

Akichiqhi kepu kutau lakhi atsutsulo ipeghi, Dragon huchuyikeu kije lakhi akutsu tsuni, akibo chighi eno akutsu lakhi shou akutsu kuqho lakhikhi pua.

Piyeküsü 13:11

Ikelauye ayeghi lono tughashi kutau lakhi ipecheghi keu ino ithulu. Tipauye bheriti toi akibo kini puae, eno tipauno Dragon toi atsapie.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 13:15

Tughashi akiniu pelo tughashi atughiu julho shisu keulo atuthu sutsukulupu kuka pesu tsu, tishianguno tughashi julho pelo atsa ghi pikulupu shipeniyeke eno khunoqono tipau mllamo nikeno tipaqo pithive peniyeke.

Piyeküsü 15:2

Tileno ino jukelauye ayina zughi lakhi toike ami gholo lekite pesu akeu ino ithulu; tughashi ngo tipau julho shisukeu eno tipau je kikihi tsukemiqo shou tokulu shiluvekemi ithulu. Panonguye Alhou no akighilebo tsukeu panoqo ulo pesu ayina zughi phivilo puthugho ae.

Piyeküsü 16:13

Tileno mithekumo ghahwu, jukelo ye achuyi toikeu kuthu, lakhino Dragon kichi lono, lakhino tughashi kichi lono eno lakhino kichileu tungkupu kichi lono ipeghikeu ino ithulu.

Piyeküsü 17:16

Akibo chighi nono ithulukeu ngo tughashi ishino asalhau hu mithi nani; lino kiu aghini keno panonguno kumtsu peuve nani eno liye aphi kumsa qhive nani; panonguno li shi chu nani eno ami pesu li pitive nani.

Piyeküsü 17:3

Aghungu no ipeithaluve eno kungumi huno timi kughunamokealo ixapuwuve. Tileno totimi lakhi huchuhiyi keu tughashi lakhi shou iqa akeu ino ithulu, tughashi tipau phi kumtsulo kuthakughapu tsa yepuku puae, tiye akutsu tsuni eno akibo chighi puae.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

Piyeküsü 19:19

Tileno tughashi ngo ayeghilo kukami eno panoqo ghushimi khurshi shou ikupuzu chekeu ngo pawu ghushimi sasu aghushiniaye kumqokeu ino ithulu.