Piyeküsü 12:9 - BAIBEL (BSI)

⁹ Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Sümi Tiqhelimi Bible

⁹ Tüghaküsa kijè hu ye aqhou vepiqive. Tüghaküsa hu ye khaghi apighi khikhi tüghami momu Satan ipi ku chekeu hu ke. Pa ye ayeghilomi kümtsü pishikiqhiu hu ke. Paw kungumiqo gholo no pa ye ayeghi lo vepiqive ke.

Sumi Naga CL (Re-edited) Bible (BSI)

⁹ Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 12:9 ပူးပေါင်းရင်းမြစ်များ

BOTHUBO 3:1

AMPEU Alhou no tughashi lho keqo gholo apighino kumtsu nguno amqukiniue. Ike apighino atotiu vilo pi, “Kucho chono Alhou ye okujo vilo aghutulo axathi kumtsu chumla nani pi kesha?”

BOTHUBO 3:13

AMPEU Alhou no atotiu vilo iniju, “Noye kishi puzu hitoi shive kya?” Atotiuno khochile pi, “Apighino ipishiqhive puzu niye ti chuvae.”

YEKIKITHI ATUGHIU 21:1

Satan ye Israilmi gholo akupuna sutsu nishi kumsuve, tighenguno pano David pelo timiqo kihiju penikeu pulovepe.

YEKIKITHI AKINIU 18:21

Aghahwu no khochile pi, ‘Ino wu puzu Ahab wu tungkupmi kumtsu pelo mikive peni.’ AMPEU no pi ‘Wulo eno pa pishiqhi lo. Noye tokulupu shi nani ke.’ ”

LESHELE 109:6

Kixikila kughakuthami khami kishe puzu ighumi shou kughaju pelo, pa ghumi pelo pa nguku pelo.

ISAIAH 14:12

“Babilon kukau, inaqhe yepu vuqai chekeu, noye kungugha lono ikiqivae! Wovekeu tsalaloye nono ashiayehqo leluve cheke ikemu itehi noye ayeghilo kughape veqhivae.

ISAIAH 27:1

Tipa tsalalo AMPEU no pa zutakihi akuka akeu eno akithipu akeu pesu ihoghulai itikicheu Dragon ghimeqhi nani eno Aghahwu azughilo achekeu ghiqhi nani.

ISAIAH 65:25

Atine ngo bheritiqo kumtsa chu nani; abongushuno amshi toi aghijini chu nani eno apighiye akumsapu kuhave nani. Ikimthe toghi Zion lo kiumu shikupusapu momu alhoksapu kuha nani.”

EZEKEL 28:16

Noye mighimghai qhu ache eno je acheke eno tipauno omusupe heqhi buqhi eno axinelo sawuveke. Ike ino tsuikhomo iwu akimthe toghi lono opuwuve eno kungumi okhe achekeu huno phuphuyikeu tu gholono ohapupove.

MATTHEW 13:39

Aghumi khuno alupi yisuve keno tiye Tughamike; ghile huye hipayeghi kishekhani keu; eno ghile hukemiqoye kungumiqoke.

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

MATTHEW 4:1

Tile Aghungu Kimithe no timi kughunamo keu alo Jisu sasu wuve, tiye tughami pelo ghuju peni yeke.

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

MATTHEW 4:5

Tithiu Ghukujuu no Akimthe phughilo Jisu sawuno achineki kutsuqalo ngope,

MATTHEW 4:8

Tileno Ghukujuu no ighono chuqumughai keu naghuto lakhilo Jisu sawu eno ayeghilo akukaqha jeli kumtsu eno tipauye kiutoi kijekeno pesu pa piye.

Luke 10:18

Pano panongu vilo pi, “Tsutsukukulo musu toi kunguu atsutsu lono Satan ikiqikeu ino ithulue.

Luke 13:16

Itehi hile Abraham tikughukomi lakhi khuu Satan no ampe chighi tache tshupe puaghike apineni tsala lo li tshupe puakeu lono kuqhophevemo nani kesha?”

Luke 22:3

Tileno Satan no Judas, Iskariot ipi pichekeu lolo ilove. Paye akhopemi chighi kini gholo lakhi.

Luke 22:31

“Simon, Simon, inilo! Satan ye timino athi mu-u fuleveke toi nongu kumtsu pejunikeu khuluvae.

Luke 8:12

Apiti alalo vepukulu keu huye chiluvekemiqo; ikemu tughamino ighino panongu mlo lono atsa hu ikhi suwuve, panongu pelo puluno xalu nosakehu.

John 12:31

Itehiye ayeghiqha shou kughakutha ghulokike; itehiye ayeghiqha hipau shou ayehkipeu hu halepheniake.

John 14:30

Niye nongu sasu kushuwa kuptsalumae kughengu hipa yeghiqha shou ayehkipeu cheae. Paye ishou akuka kiumu kuhae,

John 16:11

kughakutha ghili lhe nani kughengu ayeghiqha hipau yehkipeu shou kughakutha betsu ni ake.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Apostolmi 5:3

Pitor no pa vilo pi, “Anania, kushiye Satan pelo omlo qhasuluvepe puzu noye Aghungu Kimthe pishiqhi eno olu jekeu lono pisa ithulukeu hami qhipe puave kya?

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Rommi 16:20

Tishiaye, alokughuno tsuchekeu Lhou no Satan pesu itheno nongu pukhu qholo nedaqhilu nani. Ampeu Jisu wu kupukini nongu gholo apelo.

2 Kor. 11:14

Tile akumza akepu kuhae, kughengu Satan thotsu akuvu akeu kungumi lakhi kena ipi peniye muqumugha shi cheni.

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

2 Kor. 12:7

Piyekusu akumzapu jeli ipiyekeu pesu ino qhezauve nosake launo iphi ashilo akusupu lakhi supuatsue, tino Satan ghinimi lakhike eno tino iheqhipeniye eno ipelo ihulo qheza pemoniyeke.

2 Kor. 2:11

Tishikeu huye Satan pelo ningu shou alau heqabelu pemonike; kughengu pano ningu shou amqu jeli shichekeu mthake kumoe.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

2 Thes. 2:3

Timi khuu pelomu kiu lalo nomu nongu pishiqhive pekevilo; kughengu Alhou hekibide ashekhau shimphi loye eno Alhoksau Timi hu, kutsaqhive nike kutope puakehu ipeghi mphi loye tipa Tsala ighimo nani.

1 Tim. 2:14

Adam pishiqhiluveke kumoe ikemu atotiu hu pishiqhiluveke eno Alhou yezah hechevekemi shiveke.

2 Tim. 3:13

ikemu timi lhoksami ngo ghaghumiye kutami pishiqhikeulo eno pano likhi pano pishiqhikeulo vimokithe acheuve nani.

IBRIMI 2:14

Ike pano timi tipaqo pesu atianuli ipi chekemiqo huye ashi-aji puani, Jisu ampino panoqo kimihi shive eno timi phi-ashi kusaje puke, tishianguno pa kithi vechewo akithi kuka akeu tughami puhavetsuniye shike,

1 Peter 5:8

Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

1 John 5:19

Nino ithi akeuno ayeghiqha kumtsuno Alhoksau kuka qholo ani, ikemu ninguye Alhou laumike.

Jude 1:9

Ikemu kungumi gholo atou Mikhael ghi tishi chemoe. Pano Muse sukumo ghenguno tughami sasu kohakishi kelo thaighakeu tsa pipuku nikeu musa ighuno ishi pike, “Ampeu no olomi piani.”

Piyeküsü 12:12

Tishiaye, kungugha eno tile achekemiqo, alovialo! Ikemu ayeghi ngo azughi ghenguno kiutoi ahakusapukela! Kughengu Tughami ye nongu lau iqivae eno paye shishe aloghu ide ani, tiye pano ithiakeuno pa doye ikhonhe likhivea kehue!”

Piyeküsü 12:3

Akichiqhi kepu kutau lakhi atsutsulo ipeghi, Dragon huchuyikeu kije lakhi akutsu tsuni, akibo chighi eno akutsu lakhi shou akutsu kuqho lakhikhi pua.

Piyeküsü 12:7

Ikelauye kungughalo aghukishi ipeghive. Mikhail ngo pawu kungumiqono Dragon sasu aghushi, eno Dragon ngo pawu kungumino mujochile ae.

Piyeküsü 12:8

Ikemu Dragon ye leluve, pa eno pawu kungumiqoye kungughalo kiulomu ngo kepua kuhave.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 16:14

Tipaqoye tughamino amchipu jeli shiluakeu ghahwuqoke, eno hipano kuthuno ayeghiqha kumtsulo kukami akeqo lau wuve, tiye Alhou Akumtou tsala kijelo aghushi nike panoqo hekutsu kumqoniyeke.

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Piyeküsü 18:23

Akulu kuvu ololo khilemu itaghi ithulupemo nani; kulaliu eno kulapuu sutsa chimlave nani. Owu alhikishimiye ayeghiqha kumtsulo shishe akuka kuamike, eno owu kichileu kuduu pesu ayeghilo akemi kumtsu nono pishiqhike!”

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Piyeküsü 2:24

Ikemu Thuatira lo nongu khunoqono akukutsu lhoksa hipau pechemo keno, nongu khunoqono ‘Satan wu tuqhotugho’ akeu ithive akeno, nongu vilo ino hi piani: niye nongu shou amakho kutau betsuamoe,

Piyeküsü 2:9

Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.

Piyeküsü 20:8

pano ayeghi cheku bidilo ashiayeh akeqo, ti Gog ngo Magog pishiqhinike wuve nani. Satan no aghu shiniaye panoqo kumtsu kumqo sasu ighi nani.

Piyeküsü 3:9

Julo, ti khunoqono panonguye Judami kepi cheni kemu panonguye ti kumo puzu kimkimiqo keno, panonguye Satan laumi qoke, ino panongu pelo ighi puzu opukhu phivilo itsaiqipe nani, eno ino okimiyeche keu panonguno ithi nani.

Piyeküsü 9:1

Tileno kungumi apunguuno pa fuko kuyigha ike ayepu lakhi atsutsu lono ayeghilo ikiqivekeu ino ithulu, eno aqoh-kutho khadu tipau tsupe pua.

Piyeküsü 9:20

Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.