Piyeküsü 11:6 - BAIBEL (BSI)

⁶ Pamaye atsutsu khave kepu kuka ani, tighianguno pamano Alhou tsa pesu asheshu ake tsala thaqhulo tsutsughu kitilamu ghuqhi pemo niyeke; eno pamaye azu pesu ahji kughulhove kulupu kuka ghi ani eno pamano shinishike thaqhu ayeghi shou pusa jeli vepuku kulupu kuka ghi ani.

Sümi Tiqhelimi Bible

⁶ Pama ye kungughaqo khaluve kepu küká ani, tishi keu vechewo pama no tungkuptsa pi ake dolo tsüghu pemo niye ke; eno pama ye azü pesü ajì kughulhove kepu küká ani eno kugho-kughomu pama no püsa jeli kümtsü pesü ayeghi shou vepuku nishi ke thaqhü vepukuluve kepu küká ani.

Sumi Naga CL (Re-edited) Bible (BSI)

⁶ Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.

Piyeküsü 11:6 ပူးပေါင်းရင်းမြစ်များ

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

Luke 4:25

“Ikemu kuchouno ino nongu vilo pinikeuye, Elija ghulokilo Israil lo topuchimemi kutomo ache kelo ampe kuthu aqhi tsugho ghumove kehu eno ayeghi kumtsulo puqumiye kije ave;

Piyeküsü 11:3

Ino ishepemi kini puwu nani, eno pamano yeqhiye phi upuzu atsala 1260 kutolo Alhou tsa pesu asheshulu kepu akuka tsu nani.”

Piyeküsü 16:3

Tileno kungumi akiniuno pa bohu pesu azughi shou leqhipuku, ikelauye azuno kithimi ji toive, eno azughilo akuxu akeu lhoxu kumtsu thikhave.

Piyeküsü 16:4

Kungumi akuthuuno pa bohu pesu aghoki eno azupuki shou leqhipuku, tileno tipaqoye ahji shiwukhave.

Piyeküsü 8:8

Kungumi akiniuno pa fuko kuyigha kelo kiukela naghuto kuloghi toikeu lakhi amino piti-ghi azughilo vesuve. Azughi kikije kuthulo lakhiye ajih ilhowuve,

SAMUEL ATUGHIU 4:8

Khuno Akuka kughushu Lhou ulono ningu xalu nani kya? Asaye yeghilo chekelo alhou hipaqono Ijipmi ghiqhi pithi khavetsuke.