Piyeküsü 1:9 - BAIBEL (BSI)

⁹ Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Sümi Tiqhelimi Bible

⁹ Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.

Sumi Naga CL (Re-edited) Bible (BSI)

⁹ Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 1:9 ပူးပေါင်းရင်းမြစ်များ

MATTHEW 20:23

Pano pama vilo ishipi, “Nokujoye mutsuqheyino ijukhu sholu nani, ikemu i-u ajeu eno i-u piyiu iqanikeuye ighoshive mlae, tiye iPuh no khunoqo ghenguno kutope puani keno tipaqo ghengunoke.”

Mark 10:39

Pamano ishi khochile, “Nikujoye tishipelu nani.” Jisu no pama vilo ishi pi, “Ino shoniye akeu jukhu lono nokujo ghi kuchouno sho nani eno ikughape baptiz shikeu paphi shi nokujo ghi baptiz shipe nani.

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

Apostolmi 1:15

Tishiwo kushuwa kumolo, kupulumiqo kuho kelauye kumtsu kuqhakelo 120 kumqolue, tile Pitor no puthughono pi,

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

Rommi 8:17

Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

Rommi 8:25

Ikemu ninguno kiu ithumla aphikeno tipau laju ani aye, theqhi kulushi ninguno ti khe acheni.

2 Kor. 1:7

Ikehu nongu shou ninguno lajuakeuye ithamono mutotoi ani, kughengu ninguno ithi akeuno nonguno ni shilukusa kusaje kehu toi, ni lokughuno ghi nonguno kusaje nani.

FILIPIAMI 1:7

Nongu kumtsu ghenguno ino hitoi kumsupu akeuye achipi ke, kughengu nonguye pulhapuju imlolo achenike. Kughengu ino itehi akughu shiakelo ngo ino atsakiviu susho eno iyiqhi kumto chekelo ghi nongu kumtsuno igholo Alhou kupukini kusajejukemike.

FILIPIAMI 4:14

Ikeghi nonguno iwu shilukusa ithitsukeu ghenguno ighono alovae.

2 Thes. 3:5

Alhou kikimiye eno Khristo no kutu-ukulu tsukeulo Ampeu pelo nongu sawu peniu.

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

IBRIMI 10:36

Nonguno Alhou pulou shilu kepushi eno pano piqhipuakeu ithulu kepushi nonguye kutuu keu avehupu shiani.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 1:2

Johan no pano ithulukeu kumtsu pesu Alhou tsa eno Jisu Khristo no kuchou piyekeulo ashepe shiani.

Piyeküsü 1:4

Johan no Asia yeghi bocholo akukuhou tsuni akeqo lau yelu ani. Alhou, khuu acheghi, acheni eno ighini kuau pa launo; eno pa zulo akimthe ghahwu tsuni akeu launo;

Piyeküsü 1:6

eno pa Lhou eno pa Pu qepeniye ningu pesu achinemi yehkipeqha lakhi shivetsu keno, pa lau akimthe jekipi,ayehkipe alhokupujulo achepelo! Amen.

Piyeküsü 11:7

Kughou pamano ashepe shikeu shikhaveni keno, aqohkutho lono ipeghikeu tughashi huno pama sasu aghushino pama shou toluve eno pama pithive nani,

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 12:17

Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Piyeküsü 6:9

Kughou Bheritino mekhakeu apunguu suphono lhaphe keno, Alhou tsa pesu asheshukeu eno amikucho shi ashepe shikeu ghenguno ghiqhivekemiqo akumllagho kiptia qholo aghikeu ino ithulu.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.