Piyeküsü 1:4 - BAIBEL (BSI)

⁴ Johan no Asia yeghi bocholo akukuhou tsuni akeqo lau yelu ani. Alhou, khuu acheghi, acheni eno ighini kuau pa launo; eno pa zulo akimthe ghahwu tsuni akeu launo;

Sümi Tiqhelimi Bible

^4-5 John no, Asia bocho lo akukuhou tsünì lau yèlu ani: Alhou khuu acheghi, acheni, eno ighi niye ani, eno pa küká lakhü zülo aghungu tsünì akeqo eno Jisü Khristo, pükhübekulu thopiu, akithí lono atüghishi xülethughi keu eno ayeghi lo kükamiqo shou ayekipeu keno, pama lau no ighi keu küpükini eno aloino keu nongu gholo apeniu. Khuu ningu kimiye cheni eno pa jì vechewo axiné lono ningu kuqhophevea

Sumi Naga CL (Re-edited) Bible (BSI)

⁴ John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 1:4 ပူးပေါင်းရင်းမြစ်များ

LESHELE 90:2

Nono naghuto lhomphi lono momu ayeghi hipau kughupe qhimphi lono lhokta lono khokta kutolo noye Alhou ke.

IPEKULU 3:14

Alhou no pi, “NIYE NIKE. Noye panoqo vilo ishi pilo: ‘Khuu kela NIKE ipikeuno nongu lau ipuwuke.’

ISAIAH 11:2

AMPEU Ghungu no alokutsu ngo akighithi eno asuqekithi pawu timiqo shou ayehpelu penike pa tsu nani.

ISAIAH 41:4

Khuuno hikithipushi shilu ani pe kya? khuuno xuighikeu kishi wokepu keno kumsupusu akya? Ni, AMPEU ye abothu lono tilehi ake, eno ni, AMPEU ye ashekhalo tilehi anani.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

ZEKHARIA 3:9

Ino Joshua zulo atuqu lakhi ako tsuni akeu qhitsu ani. Ino tipau shou yepukukeu tsa yethapuku nani eno ghulo lakhi lono hipau yeghi xine ino ikhi pewuvetsu nani.

ZEKHARIA 4:10

Kungumi huno ivilo pi, “Akulubo tsuni huye AMPEU nhethi tsuni ayeghiqha kumtsu shou jupuku achekeuke.” Panonguye aghuthi suveke kughengu aki kishi kumla kititi likhi shiluke. Ikemu Zerubabel no ngovemo puzu Achineki shi akeu panonguno ithulu nani eno panonguye alovive nani.”

ZEKHARIA 6:5

Pano khochile, “Hipaqoye amlhu bidike; panonguye ayeghiqha kumtsu shou AMPEU zulono ighi anike.”

John 1:1

Inahu abothu lono Atsa ae, Atsa huye Alhou gholo ae; eno Atsa huye Alhou ke.

Apostolmi 19:10

Ampe kini kutolo titoi shi ache, ikehu Asia yeghiqhalo Judami ngo Grikmi achekeqo kumtsuno Ampeu tsa chilue.

Apostolmi 2:9

Ninguye Parthiami, Mediami, Alammi, Mesopotamia kudaumi, Judia ngo Kapadokiami, Pontu ngo Asiami,

Rommi 1:7

Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.

1 Kor. 1:3

Ningu paPuh Alhou eno Ampeu Jisu Khristo kudauno kupukini ngo alokiqipu nongu shou apeniu.

2 Kor. 1:2

Ningu paPuh Alhou eno Ampeu Jisu Khristo kudauno kupukini ngo alokiqipu nongu shou apeniu.

IBRIMI 13:8

Jisu Khristo ye ighi, ishi eno alhokupujulo aphiphike.

James 1:17

Aghokivi jeli eno viwotokulu kumsagho jeli kumtsu kunguuno ighi cheni, tipaqoye kungughalo akuvuqo lhokeu Apu launo ighi cheni. Paye kilive chemoe momu paye iqekeu eno yekukhu kuha.

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 1:11

“Nono kiu ithulu keno kaku lakhilo yepukulo eno akukuhou tsuni lau tipau tsupuwulo: Efesia, Smurna, Pergamos, Thuatira, Sardia, Filadelfia eno Laodikia kukuhouqo lau tsupuwulo.”

Piyeküsü 1:17

Kughou ino pa ithulukeno niye thivekeshi pa pukhu phivilo ikiqive. Ikemu pano pa u-ajeu pesu ishou bepuzu ishipi, “Musakevilo, niye atughiu eno ashekhauke,

Piyeküsü 1:20

Ayepu tsuni i-u ajeu akeu nono ithulukeu eno shunayino shikeu akulu kibepu tsuni wu kuthokuzu kiqiye hike: ayepu tsuni huye akukuhou tsuni wu kungumiqo ke eno akulukibepu tsuni huye akukuhou tsuni huke.”

Piyeküsü 1:8

“Niye atughiu eno ashekhau” ipi Ampeu Alhou Akughushuu, khuuno acheghi, khuuno acheni eno khuuno ighini cheni keno pano pike.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 16:5

Azuqo shou ampeu shiakeu kungumi huno ishi pikeu ino chilu: “Hipaqo shou owu kughakutha hitoi shikeulo noye achipi ke, O Akimtheu, noye acheghikeu eno achekeu!

Piyeküsü 2:12

“Pergamos kukuhoulo kungumi akeu lau yelu ani: “Atsape hipauye azutakihi kutsugha pe akeu launoke.

Piyeküsü 2:18

“Thuatira kukuhoulo kungumi akeu lau yelu ani: “Atsape hipauye Alhou Nu, ami mili toikeu nhethi puakeu eno alazayi pitikutsughu pesu mulapuyi aketoi keu pukhu puakeu launoke.

Piyeküsü 2:8

“Smurna akukuhoulo kungumi akeu lau yelu ani: “Atsape hipauye atughiu eno ashekhau tsapeke, khuu thiveno akuxu shiluve keno tipau tsapeke.

Piyeküsü 22:16

“Ni, Jisu no thime hipaqo pesu nongu akukuhou qolo asheshupeniye iwu kungumi puwuvae. Niye David kuhu-aghu eno David laghamike; niye inaqhe yepu huke.”

Piyeküsü 22:8

Ni Johan no hipaqo kumtsu chilu eno ithuluvae. Kughono ino hipaqo kumtsu chilu tave eno ithulu tave keno, kungumi khuuno hipaqo thwokha ipiye akeno pa mllaniye pa pukhu phivilo iluikiqi.

Piyeküsü 3:1

“Sardia akukuhoulo kungumi akeu lau yelu ani: “Hipauye Alhou kimthe ghahwu tsuni eno ayepu tsuni peakeu tsapeke. Ino okumlaqo ithiani; noye akithi kemu akuxu kua je puani.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Piyeküsü 4:5

Akuka lakhu lono tsutsupha eno tsutsukusu sutsa ipeghi. Tipau gizulo akulu tsuni iqu ake, tiye Alhou kimthe ghahwu tsuni huke.

Piyeküsü 4:8

Akuxu akeu lhoxu lakhi khino achishibo tsugho pu-a, eno tiye ashoughi aloughi anhethino chhitoi xapua. Putho-pucho panonguno tamono ishi alephe: “Ampeu Alhou Akughushuuye akimthe, akimthe, akimtheke, Paye acheghi, paye acheni, paye ighini kuau ke.”

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 8:2

Tileno Alhou zulo kungumi tsuni akeqo ino ithulu eno afuko tsuni pesu panongu tsue.